DAMUN韓國料理 (已結業)

韓國生蠔 ～ 冬天先有得食，係今日嚟呢度encore嘅其中一大原因！佢冇一般食開嗰啲咁重海水味，肥大鮮甜，口感十足，冬季限定，推自家製泡菜、前菜 ～ 同之前一樣好新鮮，保持一貫水準，今次有海帶，帶少少麻油味，仲辣魷魚，同少少辣嘅酸蘿蔔絲，好醒胃。雜錦煎餅 ～ 煎得薄薄的，唔會食到好多粉漿，本人最愛免治豬肉煎餅同泡菜煎餅，好足料烤牛肋骨 ～ 係每次嚟都必叫的，烤得剛剛好而肉汁亦保持到，仲帶有少少煙燻味牛油炒鮑魚 ～ 用料係韓國鮑魚，好香濃嘅牛油味，鮑魚炒熟仍然好爽口，唔似平時中餐食開炆腍晒嘅口感，驚喜之作，定必再食人蔘雞湯煲 ～ 上菜時滾住上，打開煲蓋已聞到好香人蔘味，湯好濃，非常好飲，雞都好腍，入面仲有好多配料，如糯米、人蔘、紅棗等，好補啊一品真露 ～ 試店長推介嘅燒酒，飲時加冰加檸檬，有d似飲威士忌咁，飲落好醇 朋友唔夠喉仲叫了韓國啤 Hite

唔想去韓燒、炸雞店、炒年糕店，但又想正正經經食餐韓國菜，喺香港其實都幾難搵到，基本上一些老字號韓國餐廳都供應埋韓燒，今次嚟呢度喜歡佢環境舒服、冇油煙味，食物質素亦很好。已經唔係第一次來，呢度係韓國老闆親自上陣，樓面酒吧兩邊走，有人叫煎餅或紫菜卷時，老闆會即叫即做，小編好欣賞佢嘅熱誠同態度，我地今次叫了大葱煎餅，煎得表面脆脆的，點埋跟碟上有芝麻喺裡面的豉油，味道豐富今次人多叫了兩個宮廷料理，一個係頭盤叫九折坂，用中間的切片蘿蔔包住周邊8款食材一齊放入口，清新爽口，好特別的配搭另外呢個宮廷鍋裡面可謂包羅萬有，鮑魚、肉餅、菇、蔬菜，湯汁也很鮮甜，可以見到廚房們的手工招牌菜醬蟹、蝦、鮑魚，同烤牛肋骨，小編認為係必食推介，海鮮十分新鮮，醬油味道亦恰到好處，不太咸亦不太甜，唔會蓋過海鮮的鮮味！ 牛肋骨烤得到位，全熟但𣎴會乾身，keep到肉汁，夾埋烤肉醬汁冇得頂食醬蟹同烤肉又點可以唔配番支Soju韓國燒酒呢，平時飲親都係真露或初飲初樂，今次試新嘢，味道更醇，個樽仲好靚添，老闆將客人飲完的樽排晒喺酒吧好有風味冇飯落肚唔得嘅，要試下呢個鮮蠔雜錦石頭飯，蠔係韓國蠔，比一般食開的日本珍珠蠔大少少，蠔味更濃，

朋友話食韓國嘢，我即提議damun，因為之前來過知道食物質素有保證，又有些特別的韓國酒，想再來試試其他菜式。同樣地當大家望住餐牌的特別菜式同相片熱烈討論之際，我們便被經理送上的泡菜和前菜吸引住，全部由大廚親自醃製，泡菜不再只是酸和辣，而是爽脆，清新帶少少甜和辣，前菜亦不是一般韓國餐廳見慣的，尤其款白蘿蔔份外清甜開胃。 今次叫了醬油海鮮拼盤，有蟹、蝦、鮑魚，全部韓國返，聽介紹說醬油也是大廚們自家製，的確有要求！味道很豐富，海鮮十分新鮮，蟹都算多肉和多膏，蝦亦非常大隻入味，必食推介！ 我們還點了大葱海鮮煎餅，見到大廚在酒吧內即叫即煎，香脆料多，預先𠝹成細細份，得細心周到！吞拿魚沙律卷一啖放入口，餡料豐富，撈了沙律醬和面層的車厘子汁極之夾，每人兩件轉眼就消滅了這碟。 烤牛肋骨份量十足，已切成細件食落很方便，醬汁惹味，牛肋骨仍保持肉汁，不會乾身，餸酒一流。今次我們點了house wine，有黑白兩款，黑米酒之前未見過，顏色好靚味道亦很香米味，好易入口；白米酒就質感厚身些，味道也是十分清甜易飲，好味到大家唔記得自己飲緊酒 食得太開心我們後加了吞

同女友去完韓國返來好想encore醬油蟹，之前見雜誌介紹過就拉隊來試試！一入來見到門口同裡面酒吧放咗好多不同的韓國酒，唔係平時見慣見熟的燒酒，心想有啲料到 大家七嘴八舌討論點咩菜之際，侍應送上泡菜同三款前菜非常好味，連平時唔食泡菜的朋友都忍唔住食完一啖又一啖，泡菜食落好新鮮，爽口的，好可惜只限堂食 主菜當然係醬蟹啦，呢度有個拼盤包埋醬蝦同鮑魚，menu上寫明海鮮韓國的來源，食落又真係好新鮮，同我喺韓國食的冇大分別，讚 見到個韓國廚喺吧度煎下煎下，當然要叫個雜錦煎餅大家爭下，好特別，香港好少有韓國餐廳有咁多款煎餅，見唔夠喉就另外叫咗份鮮蠔煎餅，蠔係韓國蠔，好鮮甜 當然要叫返啲肉來滿足在座幾位食肉獸，烤牛肋骨夠肉汁好易𡁻；炆泡菜五花腩成煲滾住上超入味，五花腩一層層肥瘦隔住好有咬口；個炸人蔘甘甘脆脆幾過癮，送酒一流 今次試了白米酒、特級燒酒同韓國啤酒，支米酒好易入口，少少似乳酪飲品，同枱女士爭住飲；支燒酒有成22度，但飲落好清醇，話係用安東市的水釀製 唔飲酒的就叫了蕃茄同奇異果特飲，睇住用成個生果新鮮搾，佢地話好好味！食完仲有韓式糖水

今次我地10位靚靚 想食有水凖有質素的韓國料理，但又唔想食韓燒咁熱氣兼搞到成身味，就諗起呢度，今次仲book咗VIP房坐得舒服又可以大聲傾計好爽！ 一坐低朋友就急不及待叫咗醬蝦，雜錦煎餅，招牌紫菜卷同米酒，不得不提就係呢度啲前菜係每日新鮮自家掣，眨吓眼就清晒，好彩有得refill。 食完冷盤同小食，主菜當然唔少得韓式原隻炸雞，皮脆肉嫰，配埋酸酸地的紅色蘿白好醒胃 ，跟全理再嚟個烤牛助骨同烤人蔘漢堡扒，好juicy呀！ 有朋友鍾恴食豬手，點咗個炆豬手配特色泡菜，原來有3種食法，老闆教我地可以夾泡菜，點紅色麵豉醬句生菜，或者點隻酸酸地嘅汁食，又學到嘢 另外值得推介嘅仲有芝士薯仔烤牛肉奄烈，好多芝士可以拉到絲，我地好like呀！！ 鍾意芝士嘅必試！最後仲叫咗個招牌湯麵濕吓口先夠喉，入面嘅自家掣餃子同韓式魚蛋串都好正，不過我地咁多人當然唔夠分 整體來講環境食物都好滿意，上菜都好快，一大班人有間房寧舍開心，唯一可以改善嘅就係樓面可以多D人手，可能係平日啦～～～