巴依餐廳

營業中

休息中

上次嚟巴依食飯已經係2018年，5年後終於再有機會親臨光顧。今日同朋友大約晏晝一點半到餐廳，等咗大約5-10分鐘就有枱，不過要搭枱。成間餐廳坐滿人，枱與枱之間都幾迫，但環境都算整潔。好明顯係太旺場，伙記唔夠，都真係要舉一陣手先有人理。見評論話服務唔好，但今日侍應阿姨態度都算客氣，起碼我唔覺得有問題。我哋兩個女仔叫咗一個細嘅新疆手抓飯 ($60)，一份烤羊肉串，同兩杯原味酸奶。上菜等得唔算耐，第一道先上手抓飯。個飯有淺淺嘅羊油味，雖然油，但有紅蘿蔔伴住食，唔會覺得膩。羊肉本身煮得夠淋亦唔太膻，面頭有啲孜然粉剛好，所以無蓋過本身嘅羊肉味。如果係重口味可能會嫌太淡，但我覺得唔錯。 果然期望越大，失望越大。本身羊肉味唔夠 (膻味都太少)，expect佢孜然粉係已經灑上羊肉度，可惜係要自己點嘅，咁樣個羊肉亦無乜孜然味。多年前曾到烏魯木齊街邊食過當地正宗嘅烤羊肉，相比之下今日嘅真係好失色。食完飲番杯酸奶解油膩，剛好。酸奶質地夠濃夠杰身，唔錯。最驚喜嘅係臨走時，隔離搭枱嘅夫婦叫咗羊肉湯，嚟到發現太大鍋，主動請我哋每人飲咗半碗。飲咗一啖馬上後悔點解要嗌羊肉串😂 個湯好清甜，有香濃嘅羊膻味，但亦唔係會令

從未在OpenRice寫食評，此次動筆因為真心想為店家應援，明明是一家美味無比亦富人情的好餐廳。幾年前去新疆玩了一個多星期，對那裡的美景固然回味，但更念念不忘的是各種西北風情美食，回台灣後一直找不到正宗的新疆餐廳，想不到在香港遇上這一家。#羊雜湯麵 用料新鮮湯頭醇厚，愛吃內臟真的會瘋掉。#手抓羊肉 鮮嫩至極，看似清淡其實極夠味。點上孜然粉就這麼抓著吃，實在太美。#烤羊肉串 外酥內軟，照片看不出來，本人其實超大一串。很驚喜的是 #老虎菜 也很地道，雖然感覺有降低調味輕重、迎合南方人口味的清淡，但已很滿足。新疆式的涼拌菜和川式的不同，不放紅油不下花椒，吃來鮮香爽脆帶微辣，剛好平衡羊肉的豐富油脂。（看到其他食評說對老虎菜很失望、怎麼不是麻辣的，我想你不會去到義大利吃pizza卻抱怨怎麼沒加菠蘿吧？）結尾再點個 #手工酸奶，是店家每日新鮮自製，不含多餘添加物，口味滑順酸度自然。我和先生都只喝到兩口，因為一大杯都被兩歲兒子嗑光。這家店在OpenRice上負評甚多，幾乎一面倒都是批評服務不佳，但實際上造訪完全沒這回事，個人的感覺是，客氣親切得不得了。看見我們帶著小朋友不但主動張羅安排易入座的桌位、

初嚐新疆菜，間野係水街，hku嘅同學仔應該好熟路。午餐時間都要等一陣，一入去係比較昏暗嘅環境，座位都偏逼。牆上有一幅大地圖畫左中亞嘅版圖。呢間仲要有車胎人推介。新疆手抓飯（＄60）羊肉嘅份量比我想像中少，飯係主角，飯同肉嘅比例係2：8咁。整體調味較淡，羊肉有啲係連骨，由於調味比較少，食落有少少羶。飯就咁食都有啲油香，似油飯咁，仲有啲紅蘿蔔叫做有啲咬口。小食要左凉拌豆腐（＄48），有皮蛋芫茜，個汁係豉油加啲醋咁，比較普通，收費有啲進取。另外要左烤羊肉串（＄99），有兩串，好似用劍咁串住啲肉，就咁咬落黎食嘅感覺好Raw，好似野人咁哈哈。計落都唔平，不過食落啖啖肉，冇筋冇骨幾爽嘅。可以再自己加啲孜然香料，可能係香料味濃，呢個食落羊羶味唔重。估唔到香港都可以食到新疆菜，係幾得意嘅體驗。要注意嘅餐廳唔收加一，但係會收翻茶水，一人5蚊。

巴依 - 可以話係港島區嚐羊店鋪代表, 羊類款式多元化, 甚至少見既烤全羊都有, 但唯一美中不足係地方太細...<食物>1) 烤羊肉串 ($30/5串) ~ 好味程度可以同內地羊店比, 多肉但唔乾身, 必叫推介 2) 古城羊頸 ($118) ~ 好好味, 估唔到羊頸都可以好羶同咁嫩, 頸無切開小件, 所以可以知道頸既直徑有成4吋, 比起牛尾大件同好味好多, 必叫推介 3) 風味羊腰 ($88) ~ 我唔太欣賞呢味餸, 味道真係唔係人人都接受到, 我覺得用 "壓" 字嚟形容係差唔多, 初頭食幾粒都還可以, 繼續食落去就要用大量洋蔥一齊食... 不過食唔得幾多我都放棄咗...4) 薰衣草茶 ~ SORRY, 我同男友都接受唔到呢種味, 我未試過食羊會飲呢種茶囉, 包括响蒙古同北京, 我真係好想叫佢拎水俾我哋就算, 但最後都無咁做, 唯有叫汽水ps : 最好食早段時間, 因為都幾旺場二人共消費 : $280

由於將近逾越節~吃不到逾越節晚餐~於是就去找羊吃~當然要試一試這家有名吃羊的地方了~入到黎食個餐廳真係好正~氣味同氣氛都好特別~大大張絲路地圖掛在牆上~連耶路撒冷也有呢~一切由大絲路說起~講返食物~兩個人食~我地冇叫餐~因為好似唔係好抵~所以就散叫左幾樣~新彊老虎菜:原來不是什麼特別的蔬菜~而是將青瓜~辣椒~洋蔥~莞茜等蔬菜用醋汁涼拌~酸中帶一點微辣~是非常開胃的沙律~只是知道配料後覺得有點不值而已~風味羊排:非常香口~用上羊肋骨~包滿香料~每條都帶著些羊脂~為要增加臊味~可惜因用上紐西蘭羊的緣故~臊味不足呢~反而那作配菜的洋蔥~吸收羊脂和香料的味道~美味非常~羊肉粉湯:抵食之選~大大的一碗~那羊肉醋湯底好可口~有羊味之餘也有醋香~粉條爽口彈牙~絕對一試~烤羊肉串:同樣是滿滿的香料~加上肥瘦適中的羊肉~很好吃~但味道有點接近風味羊排~沒辣味而已~可以二選一~特色酸奶:我要了原味酸奶~一來看到上到放了一小堆的沙糖~真是原味到不得了~不放糖是完全不甜的~加上一點提子乾~多了一份果香~還有蒟蒻在底~好味~(不過新彊會有蒟蒻的嗎???)