誠拉麵 (已結業)

今晚約左好友放工後行黃埔AEON，趁時間尚早，就係food court周圍行下睇下食咩好。見到呢間"誠拉麵"新開張，但都幾多人食，而且開放式廚房好乾淨，價錢又相宜，一於同好友試下！誠拉麵既拉麵選擇都好多下，主打有四款湯底，包括白湯/味噌/黑湯/赤湯，另有豚骨魚介沾麵，天氣凍最岩就係食熱野，就等我試試黑豚骨拉麵！吧枱式座位圍著整個廚房，可以望住師傅煮拉麵既過程。(特)黑豚骨拉麵HK$89好肚餓所以揀左特，餸會比普通size多，包括海苔三片、木耳絲、葱、半熟玉子一隻同叉燒三片。豬骨湯底香濃而不油膩，加入秘製黑蒜油，蒜香撲鼻！麵是幼麵，軟硬度剛好，柔軟但不易斷，掛湯能力佳。叉燒片口感軟腍，不會太薄，肥瘦均勻！特size有整整一隻半熟玉子，流心狀態非常美味！！(特)豚骨味噌拉麵HK$89好友都揀左好豐富既特size，有海苔三片、荀絲、芽菜、葱、半熟玉子一隻同叉燒三片。豬骨湯底加入味噌調味，香滑醇厚不會過稠，幼身拉麵煮得剛好，軟硬度適中，煙韌爽口。半熟玉子呈溏心狀態，三大片叉燒口感軟稔，肥瘦適中！另外追加了兩款小食一同share~烤餃子HK$25/5隻烤得金黃色的餃子內餡恰恰好不會過多，口感偏軟

近排有條癮係逢星期三就要去AEON掃下平貨🤭，今次就黎到黃埔店，仲無意中發現有新開嘅拉麵店，價錢合理，然而就決定坐低醫肚先😌餐廳係自助形式，自己去俾完錢之後搵位，食物準備好會叫你自己去拎，順便自己倒配料，例如芝麻同蒜等黑豚骨拉麵（$76）材料包括紫菜兩片、木耳絲、葱、半隻半熟玉子&叉燒兩片。拉麵係幼麵，軟硬度適中；而湯底嘅黑蒜油味唔算重，可能係foodpigss🐷🐷自己落得太多蒜所以搶左味🤭，但由於覺得太正，然而不知不覺飲曬成碗湯（特）豚骨味僧拉麵（$89）特盛就係材料加碼👉🏻紫菜三片、荀絲、芽菜、葱、一隻半熟玉子&叉燒三片。拉麵同樣都係幼麵，軟硬度適中；湯底係唔止豬骨湯咁簡單，仲帶有味僧味；玉子呈溏心，好滑；叉燒係估唔到咁香咁可口，有驚喜！另外仲升級左做套餐👉🏻夕食之選（$22）喺5:00pm-9:30pm呢個時段先有當中包括二選一👉🏻叉燒丼同餃子三隻，仲有汽水一罐🐷🐷就揀左叉燒丼Size岩岩好，叉燒係一粒一粒，而唔係拉麵果啲一塊咁，味道唔錯座位中仲可以睇到製作過程，十分衛生烤餃子（$28）有五隻，烤得金黃色，但味道只係不過不失，無咩特別，畢竟一分錢 一分貨。最後就緊係飲返罐可樂作完

今日阿肥喺黃埔收工,作為一百分胖友嘅我,當然準時接佢收工加同區覓食,諗住食啲唔太貴嘅嘢所以就同佢去咗隻船下面嘅food court打圈搜尋,見到呢間"誠拉麵"新開張,又未聽過喎~鍾意食拉麵嘅我哋即刻就想試吓啦!由於位置喺food court範圍,所以都係一個開放式嘅空間,座位亦都以吧枱型式圍繞住個廚房,師傅烹煮嘅過程清淅可見,其實咁樣都好有日本嘅氣息。餐牌只有一張紙,主打四款系列,白湯/黑湯/赤湯/味噌湯底,另外仲有一隻豚骨魚介沾麵可供選擇。好快我哋已經可以作出決定,點餐等食一向嗜辣嘅我,嗌咗碗赤豚骨拉麵($76蚊),包括紫菜兩片+木耳絲+蔥+半熟玉子半隻+叉燒兩片,普通size已經好夠我食,大胃王嘅朋友就可以俾多小小錢嗌(特)size喇~等咗大約七至八分鐘,感應器震動示意取餐,有得食喇呢度嘅辛辣口味並唔係獨立調湯,而係同其他唔辣嘅味用同一隻豬骨湯底,然後煮好之後附帶一球辣味調味球於拉麵之中。就係因為咁所以我可以首先盛起豬骨湯先嚐一口味道,湯底幾有驚喜,豬骨味非常濃厚,好味程度令我飲咗幾羹先至將舊辣波同啲湯攪勻再食。呢度係用同一蘭有九成相似嘅幼身拉麵,煮嘅時間調得剛好,麵身腍口係我杯茶