糖佰府 (已結業)

好耐冇係晏晝食甜品！今次食飽飯之後就揀咗附近嘅甜品店試一下，尤其是呢排凍冰冰最啱食甜野暖下胃。芒果拿破崙揀拿破崙嘅原因係因為非常之鍾意食佢脆扑扑嘅餅，再配上適當嘅糖漿同埋水果，凸顯出餅同埋水果嘅配合。法式肉桂蘋果批之後就係法式嘅蘋果酥，講真出邊食正式嘅蘋果酥真係好貴，同埋手勢都未必會好正宗。但係呢一間甜品舖就新鮮焗左大約20分鐘出爐嘅，蘋果酥外脆內軟，仲食到一片片的蘋果，配上雲呢拿雪糕真係一大享受！無花果雪梨燉海底椰最尾就要食返個中式糖水，由其是呢排冬天最啱食海底椰燉一潤喉，呢一個係新鮮煮出嚟嘅海底椰，唔會太甜但係唔會太淡，啱晒冬天潤喉暖胃之用。

天氣寒冷食番碗糖水暖暖個胃。一間小小店鋪，時間尚早人流不多，可舒服地享受我的甜品。最近喉嚨發炎有少許痛，來碗無花果雪梨燉海底椰最好不過，可清潤。 好淸甜，不過甜，飲後即時順喉不少。友人點了椰汁黑糯米，我也嚐了。椰香滿溢，粒粒糯米好有口感。既然一埸來到，個胃還有空位，就不容錯過人氣之選的法式玉桂蘋果批。雪糕自選了抹茶味。卜卜脆的酥皮，酸咪咪的蘋果片，再加上香濃的抺茶雪糕，又熱又凍，口感一流，無得輸。

是日，去完九龍城食越南野，意猶未盡，諗住搵間糖水舖食下甜品。 行行下就見到糖佰府，諗起唐伯虎點秋香，見個名都幾得意就入去試吓啦。 入面細細間，牆上面貼住好多明星黎食過嘅相片同埋食物嘅相片。 睇吓Menu，選擇都幾多，冷熱都有得揀，價錢又唔貴喎，都係30幾至40幾蚊一個甜品，所以一口氣就試咗三樣。 法式玉桂蘋果批 $35即整熱辣辣，未食已經覺得好香，蘋果批脆卜卜，咬落鬆化，玉桂味香濃。 外層係酥皮，中間係一片片薄層嘅蘋果，下面熱上面凍，配搭曲奇味嘅雪糕好夾，唔會好甜。 芒果棉花冰 $40黎到好似一座山咁，棉花冰牛奶味好濃，入口即溶，食落去覺得好軟滑 芒果唔酸好新鮮，芒果汁都好多，撈埋棉花冰好好吃。 無花果雪梨燉海底椰 $30熱食，係咁凍天氣下食呢個甜品真係覺得好滋潤，飲落去覺得好香甜，食完驅趕晒所有寒意，喉嚨亦都覺得好舒服。 呢度嘅甜品真係又平又高質素，老闆娘招呼都好熱情，值得試下。

出街食完晚飯第一件事當然係睇下附近有無糖水鋪可以食埋個糖水。呢排天氣轉凍左好多，真係食唔到太多凍野。唯有向熱既糖水選擇。無花果雪梨燉海底椰($30)無花果雪梨海底椰三樣滋潤既食物加埋一齊燉除左十分適合而家又凍又乾燥既天氣之外飲落仲好甜。食物天然既甜味唔會令你飲既時候覺得太膩，整體係幾岩呢個天氣既甜品。法式玉桂蘋果批($35)玉桂蘋果批玉桂香味好重，加上蘋果批焗得十分鬆脆，咬落去就好似即溶咁，口感都幾好，加上一大舊雪糕，鬆脆既批配上雪糕兩者混合口感更加好，下次黎值得再試。整間店甜品款式都幾多，熱凍都有，定價又唔係太貴，食完晚飯唔錯既甜品店