糖佰府 (已結業)

好耐冇係晏晝食甜品！今次食飽飯之後就揀咗附近嘅甜品店試一下，尤其是呢排凍冰冰最啱食甜野暖下胃。芒果拿破崙揀拿破崙嘅原因係因為非常之鍾意食佢脆扑扑嘅餅，再配上適當嘅糖漿同埋水果，凸顯出餅同埋水果嘅配合。法式肉桂蘋果批之後就係法式嘅蘋果酥，講真出邊食正式嘅蘋果酥真係好貴，同埋手勢都未必會好正宗。但係呢一間甜品舖就新鮮焗左大約20分鐘出爐嘅，蘋果酥外脆內軟，仲食到一片片的蘋果，配上雲呢拿雪糕真係一大享受！無花果雪梨燉海底椰最尾就要食返個中式糖水，由其是呢排冬天最啱食海底椰燉一潤喉，呢一個係新鮮煮出嚟嘅海底椰，唔會太甜但係唔會太淡，啱晒冬天潤喉暖胃之用。