JK Brother's (已搬遷) 新店位置

開心星期五，係時候獎勵下自己啦今日收工就約左朋友去食韓國菜，當然小編更係會做資料收集，發現觀塘工廠大廈有間食韓國菜，非常低食兼有質素。小編我當然去試一試佢啦黎到店鋪，而經比D海報吸引眼球，急不及待想食炸雞！！！！第一道上既係石頭鍋飯，味道非常好味，而且材料好足，黑豚肉都好多，食極都仲有！！仲有一定要講，佢係有好多飯焦D飯焦吸收哂肉汁精華，非常非常好食！大家估下佢係度整緊咩？？就係呢個芝士烤雞！！既場熔在d芝士，一件一件用芝士包住D雞！！真係，真係好好味兼好邪惡！！呢個需然d辣，但味道配合得非常好

今日係觀塘做完野，又上左去樓上餐廳食，呢間JK Brother 都去過幾次，價錢平得黎味道都好正宗，去開觀塘都可以試下。佢做緊discount, 芝士果醋醬烤雞原價$168，依家$68 唔叫真係對唔住自己。起初以為會將貨就價，$68就細份d,點知係冇ga,勁大份，見到都嘩嘩聲。一份大概有6-8件，再有職員幫手卷d芝士上去包住件雞，同我係韓國食嘅不相伯仲。味道方面果醋醬酸酸甜甜，再加辣辣地，好香濃，而雞肉亦都好嫩滑多汁，超班水平，比番正價$168都抵食呀。另外叫左個步兵鍋，份量勁大個，我地4個人去都係岩岩好食得晒，少人d 真係咩都味洗嗌喇。步兵鍋都係午餐肉、腸仔、公仔麵，但佢仲有年糕、魚糕同埋好多韭菜，金菇，超級足料。抵食之選。因為個步兵鍋太大個要少少時間滾起，我地太肚餓所以叫多左個芝士香蔥雞肉串，同烤雞有d 似，不過呢個就唔辣，同埋個醬汁係比較bbq醬個種，又另一個風味。香蔥同烤雞肉係絕配，加上芝士真係好邪惡。Jk brother 食物味道好，價錢又平又大份，CP值勁高，最好多d 人一齊黎share又可以試多幾樣。