JK Brother's (已搬遷) 新店位置

今日係觀塘做完野，又上左去樓上餐廳食，呢間JK Brother 都去過幾次，價錢平得黎味道都好正宗，去開觀塘都可以試下。佢做緊discount, 芝士果醋醬烤雞原價$168，依家$68 唔叫真係對唔住自己。起初以為會將貨就價，$68就細份d,點知係冇ga,勁大份，見到都嘩嘩聲。一份大概有6-8件，再有職員幫手卷d芝士上去包住件雞，同我係韓國食嘅不相伯仲。味道方面果醋醬酸酸甜甜，再加辣辣地，好香濃，而雞肉亦都好嫩滑多汁，超班水平，比番正價$168都抵食呀。另外叫左個步兵鍋，份量勁大個，我地4個人去都係岩岩好食得晒，少人d 真係咩都味洗嗌喇。步兵鍋都係午餐肉、腸仔、公仔麵，但佢仲有年糕、魚糕同埋好多韭菜，金菇，超級足料。抵食之選。因為個步兵鍋太大個要少少時間滾起，我地太肚餓所以叫多左個芝士香蔥雞肉串，同烤雞有d 似，不過呢個就唔辣，同埋個醬汁係比較bbq醬個種，又另一個風味。香蔥同烤雞肉係絕配，加上芝士真係好邪惡。Jk brother 食物味道好，價錢又平又大份，CP值勁高，最好多d 人一齊黎share又可以試多幾樣。