天機棧扒房 (已結業)

有朋友介紹，有頭盆、湯、沙律、主菜、甜品、飲品，都係$188加一，9:00後仲有75折。有無咁So呀？一行兩人，叫左兩個餐，分別係$188同$288，立刻體驗一下，有咩唔同。頭盤：兩個餐都係一樣的選擇我地簡左生蠔拼盤生蠔：有海水味，都creamy，中型size，不過有黑邊，算新鮮凍蝦：肉質實在，啖啖肉，不過無乜蝦味蟹棒：口味偏咸，無乜味道，只要咸沙律：🥗$188-茶杯碟size，過下口癮的分量，無特別$288-三種唔同的沙律，正常味道，無特別湯：龍蝦湯-分量小，得半碗，仲有「搞唔暈」情況，一舊舊。本人覺得好腥蒜蓉包-超級無敵迷你的級數主菜：$188-炭燒牛扒8安士-有燒焦味，肉質較實身，有牛味，味道徧淡$288-安格斯牛扒10安士-肉質淋淋，好入口，牛味算足夠甜品🍮朱古力心太軟：喜愛甜的人，一定十分喜歡。焦糖燉蛋：外脆內香，凍凍的，好入口，又唔會太甜飲品： 從來都好喜歡薄荷朱古力味道清新，不過飲飲下有啲似牙膏味道環境： 枱與枱之間嘅距離唔會太近，有私人空間燈光小小昏暗，靜靜地， 都幾好傾計服務: 其中一位，上年紀的男士，十分有禮每一次收枱，放低食物，都有詢問及好笑容整體上: $188/

唔少扒飯都會設低消，有時逼住每人叫個set嚟食，貴就不在話下，食唔晒做大嘥鬼先係最令人痛心嘅事。呢間鄰近油麻地站嘅扒房就親民得多，晚市九點後入座優惠全單75折，而且低消只係每人一杯飲品(最平$3X)，絕對可以錫住荷包食。喺樓下見到lunch menu更加抵食，最平$42免加一跟湯連飲品，想食得豐盛啲嘅鋸個扒都得，啱晒啲唔同對食有唔同要求嘅朋友同行。對於呢種price range闊嘅menu，我向來係甚為欣賞~今次次我哋幾個人嚟食dinner就係採取叫飲品嘅策略，喺度揀咗幾樣嘢食介紹~平時caesar salad嘅精粹就係芝士薄片嘅鹹香，沙律上枱時只係見到芝士粉，以為佢因為係跟餐沙律所以求求其其...非也~廚師用芝士調咗個沙律醬出嚟，咁樣食比平時更加啖啖芝味~菜唔係個個都好，所以menu其中一個option係田螺薯蓉，迎合晒肉食同草食系嘅人。蒜蓉多士烘得好鬆脆~如果餐湯再杰身少少就perfect。$188 set嘅特色就係可以配多個dish~相當豐富嘅海鮮拼盤，以一個咁多items嘅set嚟講質素都合理。大蝦有蝦膏，不過可能因為切開嚟煎，有點overcooked。推薦黃金豬手~店員好貼心

其實哩間西餐廳我間唔時都會上去，因為附近工作，地方又就腳。今日早左收工，見到fb賣廣告9點前有個$98豬手set就上左去試，平時通常hea到9點先捨得上去，因為有75折。上到去發現好多人，可能係星期五掛，幸好都仲有位，坐低左先發現裝修唔同左，格局就無乜分別，然後就自自然然叫左個豬手set，例牌頭盤，例牌餐湯多士，終於豬手到左，哩個絕對係令我想出post同大家分享嘅原因，首先隻豬手大到遮住個薯蓉，又嫩滑又多汁，塊皮仲要脆架tim，最後飽到薯蓉都無食，今次真係又要比個讚，最後食埋個必食嘅焦糖燉蛋，真係歇一歇先走到。

 唔會再黎, 食牛扒同食炭無分別!!我黎食牛扒不是食炭!!!環境已經黑媽媽, 仲要黎件咁既野件牛扒質素差過茶記什扒, 食完狂飲水豬扒無味, 可能件牛扒令我食唔出其他食物既味道... 甜品要三摧四請, 大佬啊, 我都係客, 比d誠意招呼, 咪黑口黑面趕收工啊! 一句講哂,搬左廚房仲差, 無下次, 完.

呢間餐廳之前係矎華中心的，搬左黎呢邊之後都唔黎食過，今晚係搬左黎呢邊之後第一次食，餐牌同之前冇變，食物都冇話特別好定差，不過相度我會再講多Ｄ，但係一樣野可以提下你地ＧＥ係，如果生日ｏｒ紀念日，可以訂位個陣同佢講定，因為有得加＄４９要一個大大地的心型心太軟，真係好流心ｇｅ，不過唔好處係冇配雪糕架，就咁食就好齋啦，所以俾幾蚊加返一兩球都抵ＧＥ，因為我就覺得有雪糕同冇雪糕配心太軟都差幾遠。仲可以叫寫字ＴＩＭ架＝〕