影片
更多
2018-05-09
188 瀏覽
唔少扒飯都會設低消，有時逼住每人叫個set嚟食，貴就不在話下，食唔晒做大嘥鬼先係最令人痛心嘅事。呢間鄰近油麻地站嘅扒房就親民得多，晚市九點後入座優惠全單75折，而且低消只係每人一杯飲品(最平$3X)，絕對可以錫住荷包食。喺樓下見到lunch menu更加抵食，最平$42免加一跟湯連飲品，想食得豐盛啲嘅鋸個扒都得，啱晒啲唔同對食有唔同要求嘅朋友同行。對於呢種price range闊嘅menu，我向來係甚為欣賞~今次次我哋幾個人嚟食dinner就係採取叫飲品嘅策略，喺度揀咗幾樣嘢食介紹~平時caesar salad嘅精粹就係芝士薄片嘅鹹香，沙律上枱時只係見到芝士粉，以為佢因為係跟餐沙律所以求求其其...非也~廚師用芝士調咗個沙律醬出嚟，咁樣食比平時更加啖啖芝味~菜唔係個個都好，所以menu其中一個option係田螺薯蓉，迎合晒肉食同草食系嘅人。蒜蓉多士烘得好鬆脆~如果餐湯再杰身少少就perfect。$188 set嘅特色就係可以配多個dish~相當豐富嘅海鮮拼盤，以一個咁多items嘅set嚟講質素都合理。大蝦有蝦膏，不過可能因為切開嚟煎，有點overcooked。推薦黃金豬手~店員好貼心
今次次我哋幾個人嚟食dinner就係採取叫飲品嘅策略，喺度揀咗幾樣嘢食介紹~
凱撒沙律
6 瀏覽
0 讚好
0 留言
平時caesar salad嘅精粹就係芝士薄片嘅鹹香，沙律上枱時只係見到芝士粉，以為佢因為係跟餐沙律所以求求其其...非也~廚師用芝士調咗個沙律醬出嚟，咁樣食比平時更加啖啖芝味~
巴黎汁田螺焗薯蓉
6 瀏覽
0 讚好
0 留言
菜唔係個個都好，所以menu其中一個option係田螺薯蓉，迎合晒肉食同草食系嘅人。
蒜蓉多士烘得好鬆脆~如果餐湯再杰身少少就perfect。$188 set嘅特色就係可以配多個dish~
相當豐富嘅海鮮拼盤，以一個咁多items嘅set嚟講質素都合理。
大蝦有蝦膏，不過可能因為切開嚟煎，有點overcooked。
推薦黃金豬手~
黃金西班牙豬手配芥末蜜糖汁
$158
6 瀏覽
0 讚好
0 留言
店員好貼心咁叫廚房將豬手切片上，但更驚喜嘅係切完之後竟然仲可以擺得咁靚！
豬皮燒得酥脆，一啲多餘油份都冇！燒肉嗰層薄薄嘅脆皮已經唔易整，呢度將厚豬皮燒到成塊都咁脆真係唔簡單。
肉亦幾嫩，有啲位仲幾膠黏黏地，唔錯~
南瓜risotto打卡一流~
玫瑰岩鹽燒石班魚柳配原隻南瓜芝士意大利飯
$188
9 瀏覽
0 讚好
0 留言
廚師將南瓜挖空，釀入risotto，賣相令人聯想起南瓜車，未食先興奮。
魚柳幾厚身。
釀入risotto後鋪上芝士焗，邊位嘅飯特別濃南瓜甜味。
醬汁其實做得唔錯，有天然南瓜香，唔會漏，但可能因為焗過所以risotto唔夠濕潤。
焦糖燉蛋
5 瀏覽
0 讚好
0 留言
燉蛋夠creamy，焦糖層厚咗少少，有點黏牙。
但3款甜品都係會首選佢。
紅豆椰汁奶凍
5 瀏覽
0 讚好
0 留言
奶凍都好重椰香，冇咩好挑剔，但始終燉蛋比較少機會食到，所以都係首選燉蛋XD
張貼
