甜入心 (已結業)

今日落大雨心情有d厭悶👉👈所以放工後特別安排同男友黎食下甜品~~😜😜其實自開張以黎都黎左好多次🤗平時次次都要等位,可能今次好早黎(平日夜晚7點左右),成間餐廳得一枱客人😛😛餐廳入面唔係好大,不過成間舖頭用木材原色做主調,混搭嘅白色嘅牆身同餐枱,加上柔和偏黃嘅燈光,令人感覺置身喺森林小木屋之中🏡🙂臨走仲睇到餐廳入面有一個位係千秋凳咁樣咖😍😍不過由於當時有其他客人坐緊,就唔方便影相嚕~ 焦糖香蕉比利時窩夫($58)整得好有心思嘅waffle😘除左主角朱古力窩夫好有朱古力味之外,其他"配角"都絕對唔會失色 - 雪糕可以簡味道(vanilla/芒果/朱古力/綠茶),除左有糖漿之外,仲有d朱古力脆脆,曲奇餅碎同開心果碎😊😊口感勁有層次!!香蕉有焦糖脆面~仲暖暖地咖😍😍😍超正!!!沖繩雪花冰($45)好靚好豐富好多料🤩🤩仲滿到影影下相有粒藍莓跌左出黎🤭除左有好多唔同嘅水果之外,仲有棉花糖芋圓同開心果粒😋不過海鹽味雪花冰真係有d咸..唔係個個會鐘意嘅口味🤔但冰藍色嘅雪花冰影相打咭係幾靚🙈🙈食完真係大滿足呀😆👍👍

《大食仔無老點》特色甜品今日要介紹一間個人幾欣賞既甜品，眾所週知，九龍灣甜品舖都集中左係淘大商場，老牌金滿堂、新小小既小方糖、仲有好搶眼既hey yo，但今日要介紹既係係戲院隔離既「甜入心」。一入到去，因為人多，被安排坐係特色櫈。有幾特色？就係有張應該係花園既搖搖櫈搬左入舖，女仔打卡岩曬！大食仔今日真係大食喇，揀左4個甜品，有熱有凍，滿足！戀上椰皇子 - 堪稱係呢度既招牌用椰青殻🥥裝住椰青水燉蛋白，燉蛋面放湯圓芋圓。燉蛋白好滑，好重椰子味，食到停唔到呀！焦糖香蕉比利時窩夫 - 有心思抵食一定要介紹下條焦糖香蕉🍌，拆肉開邊燒埋糖，有口感，效果好亦都有誠意！個比利時窩夫，香濃朱古力味，雖然唔係最熱，但暖暖地咬落仍然相當脆！加埋雪糕🍦一齊隊入口，邪惡！紅絲絨布丁燒 - 聖誕甜品呢個布丁燒賣相唔錯，有聖誕老人亦都有開心果碎，仲有好搶眼既金箔漿。食落口感濕濕地，個人一般，不過味道小小酸，冇咁膩，加返分。值得一提個布丁，好滑！生薑椰皇子燉奶 - 滋潤又係椰子🥥今次係裝生薑糖水，睇見都滋潤！大隻仔專業推介椰皇子同窩夫，有興趣就去試下啦！