榮昌茶座

營業中

休息中

上星期我係車友group有朋友仔話可以揸車去嚟呢間茶座試下，今日去咗試試佢😋😋。茶座喺粉錦公路旁，雖然位置唔係好方便（最好揸車，但都有小巴/巴士到附近），但都有不少捧場客，餐廳分室內和室外，室外位置設有風扇及冷風機，夏天嚟都唔會感到太熱，而且用餐時有短時間嘅免費泊車，所以都吸引咗一大班喜歡假日車聚嘅車友過嚟！第一次過嚟就先試左佢哋餐廳嘅餐牌推介先😋😋豬扒米粉🐷🍜肉質非常鬆軟，肥瘦均勻，而且中層有少許油脂部分，令口感更為可口！煎雞尾包🍔熱度啱啱好，食到新鮮出爐嗰種感覺，一個字正👍🏻熱奶茶🥛☕️呢杯奶茶冇令我失望，茶底很濃，奶的比例調教得很好，令茶質更滑！呢間茶座是值得過嚟一試。雖然位置有啲隔涉，但價格合理，分量又充足，加上地道的味道，讓人感受到香港的飲食文化在這片土地上的延續。

去上水粉嶺遊車河一定識榮昌茶座，最出名就係佢地原創秘製香煎豬扒🐷 煎得香口又有肉汁😋 豬扒包係用脆豬仔包，加埋煎香左既洋蔥，勁好食！最得意係煎雞尾包，皮包香脆，好似新鮮出爐咁正🥖 下次黎試下其他野先😆.🔹馳名豬扒飯 $55🔹澳門豬扒包 $36🔹煎雞尾包 $20.📍榮昌茶座 (上水)上水粉錦公路蓮塘尾村1號（近哥爾夫球場）

呢間茶座十幾年前有人介紹過已經好想嚟趁放假緊係去遠d但一直都只係搭77k知道喺邊今日終於嚟試試某幾樣招牌野上水其中一名物煎雞尾包炸BB鴿綠茶紅豆冰（太肚餓叫埋 椒鹽雞球飯）炸鴿好食，肉嫩好juicy，皮都脆雞尾包壓扁再煎個底部，熱食之餘又將中間餡壓得廣闊d，唔駛下下食到中間先有餡綠茶紅豆冰，乃係一球綠茶雪糕加紅豆冰撈埋嚟飲幾fresh，當甜品咁食真係好正至於個飯不過不失，d雞肉唔算炸得脆，唯椒鹽味都尚算重估唔到keep著都多人等位，始終嚟呢度都要喺上水駁程巴士或者小巴嚟，不過可以感受到鄉郊味道

今日郊遊 途經茶座 小休之餘 補充吓能量先 煎雞尾包 煎包一定唔可以用太新鮮既包 包太新鮮 個皮就太軟 煎起黎就唔脆口 呢個雞尾就啱啱好 外面少少脆中間小熱令到個餡帶少少溶 雞尾包另一食法 煎菠蘿包就同雞尾包差唔多 而包中間就有牛油 食落就好香 石板街涼粉 朱古力雪糕加涼粉冰 消暑新飲法 呢種配搭出面都唔常見豬扒米 豬扒好軟好淋 仲好香豬扒味 米粉就係雞湯底 第一推介必食干炒豬扒烏冬 豬扒比較軒身 味道都唔錯 烏冬炒得啱啱好 本人覺得豬扒米嘅豬扒好食啲

感覺真的像走到了這世界邊端。這間榮昌坐落於上水的無人之境，但依然人山人海 。千萬不要給粗豪的賣相騙到，他們的食物是十分有質素。煎雞尾包是把雞尾包壓扁後煎成朝香，令到雞尾包好像餅乾一樣薄。食下去外脆內軟，真是別有一番體驗。他們的煎豬扒味道相當好！無論加在出前一丁中，還是用作洋蔥豬扒包享用都十分惹味！至於鹵水雞翼就有點失色，肉質較為老身，鹵水味亦都不足夠。如果想吃正餐的話都可以試試他們的碟頭飯。梅菜扣肉飯的扣肉嫩身得來又入味，牛仔骨飯的牛仔骨也醃制得相當好！惹味之餘，用來拌飯更加一流！難怪不少人都千里迢迢來朝聖。

一班人下午茶時候去到呢度午餐，馬路邊一間簡陋冰室，有得泊車，室外座位都有陽傘，我哋人多坐在有蓋大圓枱，在枱邊有個櫃位放咗蔬菜及農具放售！ 餐牌選擇以冰室食物為主！有好多有特色飲品！店員落單後食物好快到！ 炸雞髀沙律（$35）雞髀唔算大隻，炸得外脆內嫩，鹹香好味，沙律份量唔多，蔬果爽口，但沙律太多沙律醬，味道太酸 珍寶熱狗（$36）熱狗大隻，香腸皮薄多肉汁，青瓜醬酸爽好味，可以解膩，麵包鬆軟！ 煙肉腸仔卷（$30）派對小食，炸得熱辣辣，煙肉油脂滿咀，香腸彈牙！ 咖哩牛腩飯（$50）少飯，咖哩汁香濃微辣，牛筋粗身，炆得入味彈牙！膠質滿咀！牛腩有幾多件，有啲有筋膜，炆得入味唔嚡！加上入晒味嘅薯仔同爽脆洋蔥！好味！白飯一般！ 菠蘿包（$12）我唔要牛油，菠蘿包皮甜膩但唔夠脆，麵包略濕唔夠鬆軟！一般！ 煎雞尾包（$12）扁平樣子好搞笑，烘得熱辣辣，雖然無咗鬆軟，餡料椰絲甜膩可口 熱鹹檸水（$17）第一次飲熱鹹檸水，唔落糖，鹹味清爽唔澀，幾易入口！飲完喉嚨好舒服！ 石板街涼粉冰（$18）賣相好特別，朱古力雪榚比較實，朱古力味唔夠濃，我唔鍾意撈落去食，所以先食晒雪榚，涼粉冰唔重奶味，涼粉多又彈

揸車入開元朗，順便兜去上水試下之前電視介紹既煎雞尾包，當日下午去到餐廳門口已經看到有人等位，餐廳隔離有個停車場可免費泊車，泊好車後便入去問服務員攞飛等位，餐廳分別有室內及露天座位，等了差不多30分鐘有位了，入到去大部份都是大圓枱，所以就跟別人搭枱了坐低後拿餐牌一看便叫了這裡出名的煎雞尾包、牛腩河、西多士、綠茶雪糕紅豆冰、炸薯條、熱狗、梅菜扣肉飯煎雞尾包比想像中沒什麼特別，只是壓扁了的雞尾包，十幾蚊一個太貴牛腩河d牛腩煮得好淋又入味，可以一試 這個是朋友叫的，他的意見是不會太肥，好味綠茶雪糕紅豆冰 紅豆又大粒又多，值得叫的炸薯條、熱狗、西多士都是跟一般茶餐廳差不多

住上水咁多年都唔知有呢間野，因實在好偏，睇到網上對呢間茶座都幾好評價就想去試下，本諗住行山後兜過去，但果日落大雨，就放棄行山，只專程去呢間茶座，從北區醫院行經粉錦公路行過去，點知原來條馬路旁係無行人路的，行去會好遠及好危險，唔好諗住行去去喇。去到茶座，應係因有雨關係及已過左下午兩點，唔使等位，叫左「紅豆冰、煎雞尾包、豬扒包及牛腩河」，叫呢幾樣都係睇到人地推介的。。。一樣一樣來評：紅豆冰：真係OK及起沙，紅豆又大大粒，出邊茶記好難食到呢個質素煎雞尾包：都OK既。。。個人唔多好食雞尾包，煎過又幾香口豬扒包：乜件豬扒咁薄。。。加埋個包都唔多食得出件豬扒乜味喎牛腩河：真係食唔出比出邊好響邊到。。。係林，但得個林字，河粉比較粗，但「鞋」之前有人投訴過服務員態度麻麻地，但我覺得OK喎，都好笑容既。想俾喊面，但問心，如去呢到之前未睇過網上評價，會覺得呢間野OK既，只限OK，不過不失.

星期天早上，老公提議到粉嶺哥爾夫球場附近的榮昌茶座食早餐。他說之前踩單車經過時，曾在此茶座歇腳，食物質素不錯。我們饞嘴一家便駕車前往。感覺此茶座較偏僻，沒有車子較難到達。我們點了豬扒一丁、牛腩河、煎雞尾包、熱奶茶和咖啡。豬扒一丁的一丁麵質煮得很好，老公說香港大部分的茶餐廳要麼用假一丁，要麼煮得不夠好，但這家茶座卻難得地把一丁的精髓煮了出來。(我對一丁沒有研究，姑且引述老公的評語。)至於炸豬扒，反而沒有什麼特別。牛腩河的牛腩煮得很軟很入味，大大碗的，可以一嘗。煎雞尾包還是第一次見，略嫌裡面的饀料不夠多，較乾身，個人比較愛吃新鮮出爐的。總的而言，這是一家above average的茶檔而已。此茶檔兼賣新鮮蔬菜，如矮瓜、節瓜等，我們買了一些回家，回家立即清蒸了矮瓜一試，確是清甜，值得推薦。

很久前來過，經常心癢癢的想再來食過煎雞尾包，終於都成事了。星期日下午一點多，家庭日當然是旺場的。坐下，餐牌都不用看就叫了煎雞尾包及紅豆冰。雞尾包即煎，也不介意制作需時，久一點也沒所謂。其實此物絕對其貌不揚，黑黑乾乾遍遍的，但就是喜歡。包煎過，外皮香脆，餡料也分佈平均，由頭到尾都會吃到有餡料的，很好。解了一個心癮也很滿足。市面上有些紅豆冰竟然用大粒方冰製作的，一見到就嬲，大粒方冰怎會吃得過癮？榮昌此處當然是用碎冰，不用擔心。更值得一讚的是紅豆都大大粒，加上是綿綿的，用粗飲管把碎冰花奶紅豆一次過吮入口中，成件事就完美了。在幹掉了我的煎雞尾及紅豆冰之際，竟見阿姐端著一樣賣相好靚的甜品出來，當然立刻拿餐牌看看此為可物… 原來叫甜心窩，是雪糕載在成窩形的酥皮內，就來一客嚐嚐看。酥皮應該也是即焗的，因為也等了十多分鐘才到。雪糕是藍莓味，大大球，興熱辣辣的酥皮混著吃，頗滋味的。但可能雪糕的質地太凍太硬了，總不能與酥皮和諧共融，是有點貌合神離的感覺。