圓方餃子粥麵

營業中

休息中

餃子關注組食過依間未呢🤣係深水埗地鐵站附近 隱藏係鐵皮屋仔檔後面一坐低已經見到有店員包緊餃子🤣🤣✿ 魚湯韮菜餃 $32 ✿一碗淨餃有8隻 隻隻好大隻 皮薄餡多好足料👍🏻👍🏻✿ 魚湯西洋菜餃米粉 $32 ✿跟粉面就有5隻餃 魚湯呈奶白色 好香濃 成碗湯飲晒🥹✿ 煎韮菜餃 $20 ✿皮煎得金黃香脆 即叫即煎 比湯餃好食😋不過一個人食晒3舊既話都頗油 ✿ 煎蘿蔔糕 $20 ✿依個就麻麻地 有陣雪味 質地唔夠實 唔推薦🥲

呢間野係深水埗好出名，專程入去試下，一入到去，已經覺得唔太舒服，位好逼，要搭枱，污污糟糟咁。。。我不嬲支持小店、老店，所以舊係無所謂，仲覺得有風味，但呢間野啲膠盤就咁放係食桌一旁，感覺唔衛生叫咗個魚湯西洋菜餃，一食落口就知唔係好野，皮厚、魚湯味唔突出再黎個煎餃，個皮煎得幾脆， 韮菜味都好出，比個湯餃好食少少總括：呢個質素既食物，完全唔明點解會出名，可能因為平啦，$28個湯餃同$17個煎餃，不過深水埗不嬲多平野食，又唔算真係又平又好食。。。算啦，食過一次唔會再去

其實幾年前已經食過呢間餃子店嘅餃子，但就唔係黎舖頭食，而係我同班同學上hall打邊爐，朋友經開呢頭買左盒西洋菜餃加餸，嗰陣食就已經知足料、好味前日親自來食，晚市都幾多人，要排一陣隊，不過店舖都多位，而且食客食完就走，所以唔洗等好耐。當然係叫返碗西洋菜餃麵回味下，麵就嗌左上海麵，湯底係魚湯，好鮮真係幾足料豬肚肉丸粥，豬肚好重胡椒味，又唔會太韌。豬肉丸亦好滑，唔會鞋強烈推介呢個韮菜餃，即叫即煎，雖然係煎，但一啲都唔乾身，入面仲有菜汁。好好食焯菜，毋需多講😂

講起餃子，朋友話圓方餃子好食。佢鍾意食西洋菜餃子，又話煎餃好大隻，咁我就一於通通都試。魚湯西洋菜餃($27)：皮唔厚，又唔會一夾就爛，摺疊嘅部份都煮熟了，入口滑嘟嘟。餡就以西洋菜為主，啲豬肉似乎只係要來黐住嘅菜同皮，無乜豬肉味。其實我第一次食西洋菜餃，我嘛嘛哋呢個味，唔係佢整得唔好食，係我自己嘛嘛哋西洋菜陣味。至於個魚湯呢，OK喎，飲咗幾啖又唔覺口渴。煎韮菜餃($16)：朋友無講錯，真係大隻。皮唔厚，又無日式餃子咁薄，油囉，有少少黑色鑊撈，可能我放太耐，唔脆。餡同西洋菜餃一樣，豬肉少，韮菜味為主，即係鍾意就鍾意，唔鍾意就唔鍾意。跟餐油菜($7)：未見過咁粗嘅菜莖，有2cm吧。此外，無特別。

魚湯西洋菜餃 ($26) 8隻實現左我童年既幻想，將晶瑩透薄既雲吞皮同餃子份量既餡料結合，餃子大隻飽滿、皮薄餡靚。作為西洋菜愛好者，好欣賞佢用左最幼嫩既菜莖，新鮮爽脆、冇草青味。肉餡比例較少，味道清新健康。魚湯老實講飲唔出魚味，似係豬骨熬既上湯多d，但勝在鮮甜冇味精，一滴都冇飲剩。整體好有家既味道。煎韮菜餃 ($15) 3隻、魚湯韮菜餃 ($26) 8隻煎餃比湯餃體積大3,4成，外皮煎到脆卜卜、熱辣辣，一咬就有鮮味肉汁流出黎。想同鐘意點醋食既朋友講，呢度只有大紅浙醋，冇黑醋感覺爭d野呀... 韮菜餃放湯反而食到韮菜既幼嫩，餡料香濃惹味，配上滑嘟嘟既金魚尾成功中和膩感。眼前一亮既感覺就冇喇，但食完會真心講句，「廿幾蚊，仲想點呀？」 樸實足料，就係咁簡單。

餃子控又突然心血來潮想食! (目標係食勻全香港的餃子~哈哈)印象中這家餃子好像出現過媒體的訪問和介紹, 而我又從來未食過的 今天去開深水埗點都要試一試! 店內還會見到幾位呀姨不停地包餃子, 貨如輪轉應該非常新鮮!煎韮菜餃 ($15/3隻)有圖有真相! 餃子大大隻, 煎到金黃香脆~ 勁香口! 饀料份量十足勁多韮菜, 又多汁, 調味剛好不會太咸, 皮亦夠薄不怕成口粉皮~吃落蠻像我媽媽在我小時候經常包的餃子味道,  對我來說有一份特別的親切感~.魚湯上海雲吞 ($26)湯是奶白色的~魚味很濃郁~ 好像沒有味精, 感覺健康點! 不過會有一點點我會怕的魚腥味~ 雲吞皮薄有住家味~不錯.鮮滑牛肉腸 ($18)價錢是便宜, 但味道真心一般粉皮太厚牛肉又太少, 且腸粉皮不夠滑又糊, 有陣粉味....下次還是只吃餃子雲吞就好了!

今日同朋友黎到深水步既圓方食餃子，因為有我地中意食既韮菜餃!由於位於深水步，食物價錢都偏平。先講最好食既煎韮菜餃，餃子非常大隻,一份$15有3隻。餃子皮薄餡靚，用煎既方法非常惹味!韮菜非常多!中意食既朋友必點!想猜咁熱氣的話可以點魚湯韮菜餃，魚湯清甜，食唔到有味精!餃子同樣非常足料!蜜汁叉燒腸不過不失，腸粉皮唔算厚,但叉燒份量略嫌少左D。但$16呢個價錢亦好抵食，不妨一試。最唔滿意一定係蘿蔔糕，有一浸UP味，非常難食。

星期六出開深水埗當然要去合益泰食下腸粉牛肉啦，去到關了門裝修十分失望，點算好呢！一於去食豆腐花和煎豆腐去到又是裝修，發生咩事呀全部都裝修，在十分無助之際發現這間「圓方餃子粥麵」門口有雜誌的報導，而且望入店裏座無虛席，當下決定入去試一試。魚湯上海雲吞 - 新鮮魚湯配上上海雲吞魚湯的鮮味豐富了雲吞裏豬肉的味道實在妙，而且雲呑的份量也不小有八大隻實在正煎韮菜餃 - 煎韮菜餃味道一流，外皮香脆一口咬下充滿肉汁而且餡料十足蜜汁叉燒腸 - 這個蜜汁叉燒腸令人十分失望皮厚叉燒切得十分細粒全無叉燒味，實在不應在這間買餃子的舖頭裏出現時菜 - 時菜新鮮食落爽脆只是比較細碟而已這間以餃子為名的店舖，餃子造得出色值得再來，以後去深水埗又多一個選擇了😄

朝早十點幾醒 唔知落街食早定午餐好於是決定去食餃子 然後等下午茶再食個人中意食韮菜多啲 但好似得煎既一上枱好香煎味 皮有少少厚 但餡都飽滿既都有好多肉汁juicy😋都真係要叫下魚湯既餃子（見到附近枱既人都有叫）叫左西洋菜既 皮薄餡多一碗有8粒 但啲湯一定要飲埋！坐坐下又想食咸肉糭都幾好味 又有蛋黃 幾香一個人食晒三樣野 好飽但好滿足最終下午茶都冇食 到晚餐先食得落後記：食完之後仲買左一打返屋企西洋菜餃 24蚊12粒😋

在深水埗經過這間「圓方餃子粥麵」，見店入面幾有人氣，於是入去試吓。既然將餃子放店名前頭，加上隔離左右的食客都係食餃子，肯定是主打項目。叫了個魚湯西洋菜餃，好味！相對皮厚令人飽肚的北方餃子，此店的餃子較適合南方人口味：皮薄餡靚，尤其是西洋菜好新鮮，肉與菜的比例拿捏得很好較。可惜的是個魚湯冇乜味，純以湯計算就遠遜太子的「美味餃子店」了。至於十五元三隻的煎韮菜餃更是精彩，韮菜餡料綠油油，而且做到爆汁效果，是我近期在九龍這邊吃過最佳的煎餃也。

最近都很愛吃餃子既野食 跟住同事講起有間不錯係深水埗 而且好底食 就決定去試下 果然$25已有8粒 湯韮菜餃我地再叫左煎既韮菜餃 比湯還好味 肉汁更多 可見我地真係好愛餃菜餃 😂😂 之後我地再叫左非主打既煎蝦米腸 同 蒸叉燒腸 蝦米腸我還挺喜歡 腸粉極'林' 但同行者就覺得麻麻 因太'林' 而叉燒腸就真的不太OK 所以連相都冇影到

小狗老細成日都好想試下哩間餃子店終於有時間去試一試入去得一個感覺係好乾淨好企理有時小狗公主好怕去一d餃子店地下唔乾淨 枱面痴笠笠既 有d 燈光仲暗暗地 不過哩一間完全無哩個感覺 好白淨無痴笠笠 仲有好大個電視睇 我地叫左煎韮菜餃同埋魚湯西洋菜餃同豆漿豆漿唔係好甜 味道岩岩好煎韮菜餃 煎得好好 仲好多汁魚湯好香 一d腥都無 連小狗老細咁怕魚既腥味都飲到西洋菜餃好香 門口有一個姐姐親手包既 包得好好 唔會散開 如果大家有時間去開深水埗就去試下啦