大勝軒丸一 (金星閣) (已結業)

疫症之下外出食飯，要做足措施，小心為上，最重要既係搵間環境整潔舒適既餐廳。俾哩個拉麵吸引左，決定一試。整體來講，出品嘅拉麵都好唔錯，店內裝修好有日本特色，環境舒適企理，店員親切有禮，值得一試。沙白蜆拉麵實物與圖片一致湯底係清湯，配上沙白蜆嘅感覺係好清新，一D都唔怕腥。沙白蜆都幾大粒同鮮甜，鋪滿面，店員仲好貼心咁拎多個碟仔俾我裝D殼。我最開心係上面有好多蔥，我最鐘意食拉面上嘅蔥XD 第一次食到哩個口味嘅拉麵，係唔錯嘅新嘗試~~特製沾麵朋友分咗少少俾我試下，湯底好濃好好味都幾多餸，放滿滿，日式叉燒都唔錯湯入面仲有好多配菜，筍、蔥、菜等等日式炸雞哩個真係正，性價比又高，推薦！熱辣辣上檯，真正外脆內軟，點沙律醬好好味！ 煎餃子--係豬肉餡嚟嘅

去到太古城，食左呢間日式拉麵店。首先門面好靚，好有日式既風格，呢段時間又咁岩唔洗排隊，非常快捷。店面環境好乾淨，背景音樂係播住一j pop music，令客人有置身日本既錯覺。服務方面，店員亦非常有禮貌，上菜非常快，下單後不到5分鐘便上菜。食物: 特制沾麵 $95，可自選麵份量，我叫了多麵，真係比好多，差少少食唔哂。肉既入量亦好多，性價比高。沾麵湯係有d似台式魯肉既味，唔錯。沙白蜆湯麵 $85，好鮮味既海鮮味湯底，沙白好大粒，同樣份量都好多。日式炸雞 $38，十分推薦。好香口。

去開太古都知道搵食就去太古城中心和康怡廣場，其實兩個地方以外也有好多選擇。這次來到太古城金星閣吃沾麵。大勝軒丸一相信愛吃沾麵的也不會陌生，老闆師承沾麵之父山岸一雄，已經很有吸引力。主打沾麵款式夠多，除咗招牌大勝軒沾麵，仲有咖哩，黑蒜，魚介湯等不同味道。沾麵以外亦有混麵，拉麵等選擇。特製沾麵 $95其實最經濟$68就有一碗沾麵，本身200g既麵仲可以唔駛加錢揀250g，抵到爛。想豐富一點可以好似我咁叫一個特製沾麵，就會有齊叉燒同味蛋。沾麵湯唔算濃稠，沒有死鹹，配上凍麵，掛湯能力不俗。不過沾麵湯好快會凍，可以叫店員幫忙加熱，繼續享受。黑蒜油沾麵 $82沾麵湯比特製沾麵湯濃厚，平時習慣食開濃湯就岩晒。食完沾麵唔好浪費沾麵湯，加入木魚湯就會變得易入口。煎餃子 $30皮薄餡足有肉汁。太古城食碗平價沾麵原來不是夢。

與友人A在太古閒逛，晚餐想食日本野最後決定以沾麵解決晚上八時多店內滿座率只有一半一入門口便有張長長的吧枱師傅就在客人面前煮麵，單人匹馬來食也不怕寂寞黑蒜油沾麵 $82沾麵只有荀片幾條和兩小塊肉基本配料沒有叉燒是既驚訝又失望，馬上追加麵粗幼度算是太麵，溫度揀了微冷，韌度足夠200G的份量，對於女生已足夠湯底醬油味很夠，黑蒜味頗香但未算濃郁而且頗鹹，食完很口渴魚介沾麵 $75基本配料與黑蒜油是一樣魚介日文就是海產意思，所以湯底很鮮甜但同樣地是頗鹹，比黑蒜油還要鹹味蛋(追加) $12/隻流心度不算高，是溏心蛋的LV而且沾麵湯太鹹，已遮蓋了蛋的味道叉燒3片(追加) $32肥瘦適中，入口柔軟除非你是叉燒迷，否則女生二人SHARE一客便可煎餃子 $30/5PCS餃子無法煎成一塊完整薄脆在面只有厚脆在每隻餃子面，感覺很敷衍但餃子皮夠薄，不過不失總括而言，表現很一般沾麵不跟叉燒或玉子，配料之少令人震驚湯底過鹹，味道很濃和油膩感頗高少有地食完後有很頂胃的感覺，亦非常口渴比這裡出色的沾麵不少，沒有再來的必要