金祥排骨麵

營業中

休息中

今次食既係一間西營盤老字號既上海麵店 中午時分人流都唔少架🍜我就叫左個no.1 推介既菜膽雲呑排骨麵 呢個麵真係份量十足 有一大塊排骨 3粒菜肉雲呑 仲有菜有麵👍🏻 排骨炸得酥脆 肉質鬆軟 不過食落有少少雪藏味 而且無乜調味同比較乾身🙈 雲呑方面菜肉饀料好多好飽滿 不過皮都係厚左d🤭 麵就正正常常唔好太淋另外 仲叫左2個小食 分別係酥炸雲呑同煎餃子🥟 我就覺得酥炸雲呑比較出色 炸得非常香脆 雲呑同餃子都足料多饀 點d醋幾好食😋

星期六瞓醒，差唔多中午，又到食飯時間。唔想煮，咁就同老婆落街搵食啦。不過唔知食乜，萬無目的咁遊蕩，黎到水街。都幾多選擇，經過猜包剪揼決定後，✊vs✌️就入左金祥。呢間野喺水街口，黄底紅字招牌，平時經過都幾顯眼，外面裝潢冇乜特別都係貼滿野食相。但入到去，玻璃枱面木圓枱，懷舊sofa卡位，感覺幾老牌麵店feel。行左一輪，已經好Q餓，喇喇淋坐底睇餐牌，發覺款式都唔少。不過唔洗諗，叫個最多餸既，餓丫麻~我就叫左個牛腩水餃排骨麵，老婆就叫左冬菇雞球排骨麵。見到門口招牌煎餃子張相，一於叫埋啦～個麵黎到時就知大鑊了....原來排骨(即係豬扒)係分開上，即係我地有兩碟。嘩...正呀～好多餸呀～ 個排骨好鬆脆，油味唔濃，幾好~ 水餃大大粒，牛腩夠腍唔怕鞋，雞球又夠入味，份量唔係少~ 兩個食完都真算捧住個肚走。金祥真係唔錯，cp值高，可以翻食。下一次會叫個鯪魚肉腐皮卷試試~

上星期日同朋友經過水街,比門口個塊大豬扒poster吸引左去食左個TEA. 叫了一些小食:炸雲吞,煎餃子,同炸排骨等等...好鬼熱氣(好彩佢有菊花荼飲)…不過見佢即叫即炸即煎…真係唔理得咁多住。食落排骨勁熱勁香(老闆推介點豆板醬)--->都Okay!!個雲吞超脆,煎餃入面好多涵,個底都煎得好脆,點醋食一流。不過今日冇乜狀態,下次先試埋其他上海麵先得。