Camellia (已結業)

經過餐廳門口已經被好Pink lady的裝潢吸引住，所有的餐具都好有特色，不過服務就一般，侍應執枱有啲似大排檔，真的要改善一下！其實食物的質素和味道值得加分，所有餸菜的賣相都十分有心思和精緻，味道全部都好好，只是份量小，唔夠喉！值得推介之選：明太子釀雞翼炸到好脆身，明太子帶少少微辣，好野味！煎香茅脆皮豬真係脆皮，有濃濃的香茅味，肉質鮮嫩！流心抹茶撻伴香芋味雪糕抹茶撻上面有少少朱古力，使抹茶有帶苦嘅味道都中和咗，好少食的香芋味雪糕，別有一番味道！

K11 Musem開張有一段時日，呢日同姐妹相約食brunch，正好有機會過黎閒逛。商場雖然帶著熟悉既味道，但格局、檔次都同K11大相逕庭。從地下樓層Muse Edition一入，轉左就見到呢間少女心滿分、一片粉紅既Cameilla。菜餚屬西日fusion，餐牌配有圖片參考，每道主菜都秀色可餐難以挑選，幸好有set menu五選一，大大縮減選擇時間。落單後幾分鐘前菜就送上，第一次品嘗油炸過既金針菇。菇體幼細，令口感無一般西餐炸蘑菇油膩，酥脆香口。戳穿蛋黃使蛋液佈滿金針菇，增加濕潤感，亦中和左鹹味同熱氣。港女brunch當然要配果茶，雖然加左蜜糖調味，但味道仍保有柑橘果香同微酸，唔會過分甜膩，正合我口味。牛肋排位置經長時間慢煮，非常入味，一入口充滿醬汁既洋蔥香。連中心軟骨部分都煮至黏滑稔軟，肉質鬆軟，一切即開。朋友單點既煎香茅脆皮豬扒，清而不油，外脆內軟熟，又不失豬肉獨有既結實口感，帶一點脂肪更添嫩滑，係我食過最美味既香茅豬扒。

今日來到11 MUSEA，發現又開了新店- Camellia，設計以巴黎的「世界花都」為題，配以粉紅色山茶花作主題，相當吸睛，忍不住進內嚐嚐。餐廳以山茶花為主題，店內更有9999朵山茶花砌成的花牆，相信不打卡留念，都不算來過Camellia。餐廳設計配上拱門及以多層磨砂、中空設計清鏡拱窗、華麗而簡單的燈飾佈置，浪漫得來又優雅。香烤比目魚比目魚外層烤得香脆可口，咬起來更有脆口的感覺。比目魚雖然厚身，但內裡仍然能保持嫩滑鮮甜，口感甜美。配菜更有菇菇作伴，爽口彈牙，實不容易。煎香茅脆皮豬扒賣相相當吸引，添加了甘蔗、甘蔗蓉等...。脆皮豬扒煎得剛剛好，外層剛熟，而內裡肉質嫩身，富肉汁，口感十足。

餐廳以粉紅色山茶花作主題，整間餐廳布滿著9,999朵不同粉色系的山茶花，一室都是粉紅色，滿眼花色。再配以拱門、雲石餐枱和粉色桌椅梳化，非常有格調，最適合一班閨密一邊拍照打卡，一邊享受美食。環境舒適，氣氛浪漫甜蜜，高貴典雅，充滿法式優雅風情。餐廳除了供應紅寶石朱古力主題下午茶，還有西式日系鹹點和甜點，以及多款小食供應。香烤比目魚 ($168)香氣撲鼻，賣相精緻悅目，相當吸引。外皮香脆，肉質鮮甜嫩滑，口感扎實甜美，味道細膩，非常美味。煎香茅脆皮豬扒 ($168)豬扒煎得恰到好處，肉質不柴口富肉汁，有嚼勁，配上香甜幼滑的甘筍蓉，美味可口。