Explorer Fusion Restaurant (已結業)

第二次到訪，水準依然咁高。同上次唔同嘅係，餐廳內外都貼滿文宣，變左連儂牆♥️沙律夠fresh，加左三文魚籽作點綴，份量都夠4個人分。牛油果可以多返啲啲，就perfect喇😚哩個意粉真係100分! 兩粒北海道帶子大大粒，啲菇超級好食，勁香😋意粉汁龍蝦味超濃👍🏿大大份又好味，推薦大家試～羊扒只有香味無羶味，唔鞋都幾嫩，配芥末、薄荷醬同洋蔥汁，個人鍾意點芥末，但得少少😂薯角外脆內軟，口感非常好。四個人一人一條岩岩好😆都係配薯角同沙律菜，肉質軟稔，多肉汁夠juicy。我平時食多幾舊肉就會覺得好膩，但今餐出奇地無哩種感覺。最後男朋友唔夠飽叫多左份薯角...可能因為頭先兩個伴菜都係薯角，所以食到無咩感覺😂餐廳氣氛好有feel，飲野chill又得，慶祝特別日子都得😉

石門呢度開咗好多嘢食見呢間佈置得幾有氣氛，又有darts玩就試下Menu選擇都幾多餐廳名叫fusion，有西式又有日式食物提供即係又可以食壽司又可以食下pasta啱曬唔同人口味最後拍板叫咗2日2西！先叫咗個煙三文魚牛油果沙律上面舖有魚子沙律汁用上油醋味道好夾，伴有牛油果粒，增加口感煙三文魚份量都唔少叫咗是日精選嘅刺身，𩶘魚雖已薄切上枱，但魚肉肥美，食落魚油味濃鍾意食日本嘢嘅我再叫咗火炙壽司拼盤好鍾意火炙壽司燒過魚肉後，會更肥美擺盤都有小心機，見到擺得靚靚都即刻加分魚肉上放上海膽再燒，多咗陣咸香另外叫咗慢煮美國豬肋骨上枱時比佢嘅份量嚇親搬開舊骨，下面全部都係薯角！呢個豬肋骨十分驚喜！慢煮果然令到肉質熟度啱啱好既唔會鞋口，又唔會太過軟，散收收咁肉質tender，帶點爽配上bbq醬，雖然份量對2個人黎講好多，但都忍唔住食曬！薯角新鮮炸起，外脆內軟，清曬！會為咗呢個豬肋骨再黎！下次要多d人一齊，試多幾款見佢lunch都幾吸引影埋menu比大家參考下

由馬鞍山線的石門站出發，步行約一分鐘就會見到一間酒吧，名字叫Explorer。感覺好Relaxing，就決定同友人入去飲返兩杯。店內播放著強勁的DJ Mix，有飛標機，有啤酒機...仲有壽司吧？！What？！原來係西日Fusion餐廳，真係估佢唔到！睇咗陣餐牌，食物非常之吸引，決定轉章，喺度食埋晚飯。煙三文魚牛油果沙律 $78油醋汁嘅沙律除咗有牛油果同埋煙三文魚之外，仲加入咗頗多嘅三文魚籽！帶來了澎湃的口感和濃郁的咸鮮味。天然鯛魚薄切 $128擺盤非常用心而且漂亮！刺身排列得像蓮花一樣。無論點特制酸汁，或者豉油wasabi，一樣咁好味，新鮮就係皇道！Explorer爆丼 $238賣相相當精美，份量同用料都好誇張！二百頭就食到爆丼，真係唔講得笑！呢碗嘢出面賣起碼要四舊水...巨型牡丹蝦、三文魚腩、同埋拖羅都係超級肥美！海膽新鮮，味道濃郁；帶子鮮甜；油甘魚同八爪魚都一樣咁正。仲有大量嘅三文魚籽同埋拖羅蓉，mix埋壽司飯一齊食，真係正到難以形容。另附一些櫻花色的飯素，為飯增添一點點的甜味，感覺也很特別。慢煮澳洲羊扒配時令蔬菜 $210羊架厚切啖啖肉，配油醋汁的沙律和薯角，連燒汁、芥末和薄荷醬

石門鄰近第一城，坐馬鐵到石門也很方便。京瑞廣場的周圍食店林立，其中一家的外表看起來像酒吧，於是我便選了西日fusion的Explorer Fusion Restaurant。餐廳內的裝修也很有情調，一旁更有日本菜常見的壽司吧枱，另一旁則是西餐的裝潢。餐牌內概有刺生和創作壽司，又有意粉和牛排，選擇也十分多。除了餐牌外，店員更會推介一下當日精選，讓食客能吃到想吃的美食。首先，我們點了一客煙三文魚牛油果沙律，沙律除了煙三文魚外，更有牛油果和魚籽。魚籽味道濃郁，配上清新的沙律菜，令人食指大動。此外，我們更點了凍醬油鴨胸和香辣燒雞翼作為小食。凍醬油鴨胸味道一流，鴨胸伴洋蔥和芥辣醬後，入口除了感受到鴨胸的肉香外，洋蔥和芥辣更為你的味蕾帶來了一點小刺激。至於香辣燒雞翼則燒得十分嫩滑，微微的辣味更令雞翼變得十分惹味可口。刺生方面我們吃了赤貝、牡丹蝦、八爪魚和日本活帶子。赤貝的肉質十分爽口肥美，口感爽脆之如，更帶有豐富的鮮甜味。牡丹蝦也十分一流，蝦肉甜美，蝦身肉質也很豐厚，吃下時更帶有甘香味道。而活帶子更是珍寶級，肉身肥美，吃下時更鮮甜美比。此外，更點了一客火炙黑松露鵝肝壽司，鵝肝燒得剛剛好，帶有鵝油的