影片
更多
2021-08-11
517 瀏覽
以為中菜淨係啱同家中兩老食？位於大館嘅Chinese library就糅合不同烹調方式、各地食材，塑造出一道道驚喜菜式。裝潢富麗堂皇，樓底高，寬敞舒適具空間感。燈光昏暗 充滿情調，更設有半露天座位，情侶撐抬腳、放工同朋友chill一chill都一樣咁合適。餐廳最近仲推岀左新嘅Hennessy Tasting Menu，每道菜式都相當精緻。呢個menu供應到9月30號咋，有興趣嘅朋友就要把握機會啦~𝙃𝙚𝙣𝙣𝙚𝙨𝙨𝙮 𝙏𝙖𝙨𝙩𝙞𝙣𝙜 𝙈𝙚𝙣𝙪 HK$788 𝘱𝘦𝘳 𝘱𝘦𝘳𝘴𝘰𝘯1️⃣French 75 CocktailHennessy V.S.O.P, sparkling wine, lemon威士忌一貫高調的風格，但意外地沒那麼霸道，口感柔滑，微酸清新。2️⃣凍滷原隻鮮鮑配燒椒皮蛋多士咸蛋醬難得凍盆一上枱都勁香！鮑魚炆得超入味！香濃滷汁，帶點微辣，質地相當彈牙。香脆多士夾滿粒粒皮蛋，皮蛋香氣突出，但咸蛋醬則較為低調。3️⃣蒸點蒸點為黑松露蝦餃、星班魚餃~蝦餃皮厚度適中，好煙韌呢~ 蝦肉彈牙，黑松露香氣滿溢，蝦餃多汁，唔會好似平時個啲咁乾，美中不足係蝦味唔算太濃。綠色嘅餃皮相對較薄，咬落同樣煙韌。面頭
裝潢富麗堂皇，樓底高，寬敞舒適具空間感。燈光昏暗 充滿情調，更設有半露天座位，情侶撐抬腳、放工同朋友chill一chill都一樣咁合適。
餐廳最近仲推岀左新嘅Hennessy Tasting Menu，每道菜式都相當精緻。呢個menu供應到9月30號咋，有興趣嘅朋友就要把握機會啦~
𝙃𝙚𝙣𝙣𝙚𝙨𝙨𝙮 𝙏𝙖𝙨𝙩𝙞𝙣𝙜 𝙈𝙚𝙣𝙪 HK$788 𝘱𝘦𝘳 𝘱𝘦𝘳𝘴𝘰𝘯
1️⃣French 75 Cocktail
Hennessy V.S.O.P, sparkling wine, lemon
威士忌一貫高調的風格，但意外地沒那麼霸道，口感柔滑，微酸清新。
2️⃣凍滷原隻鮮鮑配燒椒皮蛋多士咸蛋醬
難得凍盆一上枱都勁香！鮑魚炆得超入味！香濃滷汁，帶點微辣，質地相當彈牙。
香脆多士夾滿粒粒皮蛋，皮蛋香氣突出，但咸蛋醬則較為低調。
3️⃣蒸點
蒸點為黑松露蝦餃、星班魚餃~
蝦餃皮厚度適中，好煙韌呢~ 蝦肉彈牙，黑松露香氣滿溢，蝦餃多汁，唔會好似平時個啲咁乾，美中不足係蝦味唔算太濃。
綠色嘅餃皮相對較薄，咬落同樣煙韌。面頭嘅魚肉嫩滑，內餡一樣包有彈牙蝦肉，不過就有細妹最怕 山竹牛肉球嘅個陣味 (唔知明唔明🤣) 。
4️⃣腿蓉素燕烏雞露
腿蓉素燕烏雞露
61 瀏覽
0 讚好
0 留言
烏雞露驟眼望好似平平無奇，一𢳂起就會見到晶瑩剔透嘅素燕。入口烏雞香氣十足，面頭嘅parma ham富鹹香，起左畫龍點睛嘅作用。烏雞露口感特別，有粥嘅綿，亦有素燕蛋花嘅滑溜。
5️⃣龍蝦油炒珍珠蛋白龍蝦
龍蝦油炒珍珠蛋白龍蝦
69 瀏覽
0 讚好
0 留言
珍珠蛋白不得了！晶瑩嫩滑！拌勻龍蝦油，可以增添濕潤感之餘，鮮味亦隨之提升。雖説係紅卜卜嘅龍蝦油，食落又無想像中咁油，又唔會太重口味。龍蝦火喉控制得啱啱好，爽彈嫩滑，係近期食過最岀色嘅龍蝦。
6️⃣煙燻北京烤鴨 +$348 per duck
師傅會即席片出烤鴨。
北京烤鴨經煙燻四十五天，色澤紅潤、油而發亮。一片片薄薄嘅烤鴨皮 不帶任何脂肪及鴨肉，酥脆鬆化 近乎入口即化，富油脂香 毫不乾身，食到最後都依然香脆 完全唔韌！烤鴨肉質軟腍，略嫌調味偏淡。
用煙韌嘅粉皮包裹烤鴨、青瓜、京葱，再塗上五花八門嘅醬汁，基本上無得輸！海鮮醬、黑椒醬、黑松露醬、咸檸、子薑忌廉，五款醬汁任君選擇。個人就好鍾意酸酸甜甜嘅咸檸同子薑忌廉。子薑忌廉甜甜地，帶薑嘅清新，又無薑嘅辣，更有粒粒薑蓉。兩款都好開胃，可一解油膩感。
7️⃣禪衣和牛肋
好有心思嘅一道菜！ 一面以天婦羅麵衣作禪衣，酥脆唔油膩，另一面則浸淫於濃稠牛肉汁之中。品嚐軟淋入味嘅和牛肋同時，亦可以享受到天婦羅嘅酥脆，令口感不再單調。
8️⃣小象拔清湯泡白玉
冬瓜煮得軟腍，毫無纖維。小象拔彈牙，更有煙韌跟清甜爽脆嘅粒粒，令天然清淡嘅清雞湯生色不少。
9️⃣鍾水餃
鍾水餃係著名嘅成都小食。水餃都包滿肉餡，不過呢道嘅鍾水餃就有別傳統，加有爽口蔬菜粒。拌勻帶蒜香嘅辣椒油，香口得黎唔會好辣。餃子皮薄，味道唔錯，不過就相對其他菜式普通。
🔟白冰馬蹄露 紅妝雪梅娘
白冰馬蹄露 冰粉滑溜，馬蹄爽甜，清涼唔甜膩。紅妝雪梅娘 外皮軟糯，內餡creamy，帶芒果金橘香，都幾清新。整體嚟講，每道中菜都相當精緻有水準，創新不失傳統，禪衣和牛肋、煙燻北京烤鴨 有驚喜！難得每款調味恰到好處，唔會搶咗食材嘅鮮味。環境雅致舒適有情調，亦唔會太拘謹，無論同屋企人定情侶撐枱腳都咁合適。
張貼
