爆丼屋 (已搬遷) 新店位置

望住餐廳內不同客人點的刺身丼飯在店內遊走，真是十分吸引。被一個夏日隱藏Menu所吸引，隱約從圖片看到滿滿的海膽、帆立貝，兩樣都是最愛！雖然價錢比較貴，但試問邊可以抵抗到呢！！丼飯一來就吸引場內人的注目，開蓋有一陣白煙飄出，終於看到丼飯真身，跟圖片一樣，舖滿了帆立貝及海膽。海膽色澤金黃，質感細膩，入口就化開，味道甘甜，帶有一點點回甘味。帆立貝新鮮水潤，厚肉味甜，鮮味無窮。終於吃到壽司飯，經醬油炒伴帶有煙熏味及濃濃的鵝肝味，飯粒亦發現不少鵝肝碎，味道濃郁，再吃底一點原來裏邊還有鮑魚，怪不得價錢比較貴，一碗丼飯，多種滿足！

每次經過爆丼屋都排曬隊，今日6點左右經過早無咩人，即刻衝入去呀😆唔使排隊，太好啦‼️食到一半人流多了，成場爆滿👩🏽‍🤝‍👨🏼👩🏾‍🤝‍👩🏼⋯⋯🔸 煙燻海膽帆立貝丼黎的時候是用了玻璃罩罩住，好有食分子料理嘅感覺，打開有陣煙霧飄出來💨食落很重的煙燻味Wow~wow~賣相好吸引喔🤩海膽和帆立貝很多到爆出來咁..食既時都要留意唔好整跌曬d刺身呀😉哈哈～飯是沾滿醬汁差不多食到底既時候，發現呢個丼係藏左一個驚喜👻有2粒鮑魚係底喔😙😙🔸 慢煮西班牙黑毛豬肋骨丼豬肋骨好份量好大，起碼有大約8條肋骨！係用慢煮既方式烹調豬肋骨，味道好惹味！豬肋骨上面有粒wasabi，無諗過豬肋骨也能做丼喔🤓

爆丼屋已經開業一段時間, 但一直未有機會試。今日正同好姊妹經過, 見到其中一款丼飯為熟食, 岩哂唔食生野既佢, 加上有限定半價優惠, 咁抵當然入去一試啦!多款丼飯選擇, 不同刺身配搭都相當吸引, 而其中一款丼飯圖片充滿神秘感, 設計成幻得幻失, 好奇下我就Order左呢款丼飯!【煙燻海膽帆立貝丼】HK$268充滿神秘感, 以透明罩把丼飯罩住, 罩內有著厚厚煙霧, 很有仙氣。打開透明罩, 隨即聞到一陣煙燻味, 而丼飯慢慢呈現; 圍邊有大量帆立貝, 而中心位疊著大大粒海膽, 好豐富啊!!海膽超鮮甜, 沒有半點腥味, 不是入口即溶口, 而是半固體口感, 正~丼飯為赤醋飯, 黏性較高, 當中加入左鵝肝粒, 但就唔太食得出。帆立貝鮮甜, 最後還有一個小驚喜, 有一隻鮑魚係飯既最底, 鮮甜爽口。【西班牙黑毛豬肋骨丼】HK$98半價優惠只限12:00-18:00; 整條豬肋骨平放於丼飯上, 盡顯份量!以200度慢煮竹炭燒過, 表面還留著薄薄燒汁同埋微微炭燒香, 肋骨比預期中林, keep到肉汁唔會好乾。還有很多款刺身丼飯都很想試, 有機會一定再幫襯!

早排同閏蜜去咗食爆丼屋，去過食嘅朋友都知呢間高質又抵食，平時我都係食火焰盛丼，今次試試其他款，估唔到成為我最推介嘅一款😳煙燻海膽帆立貝丼 $268 一打開個蓋已經引嚟大量目光，因為個丼飯真係色香味俱全，佢帶有濃濃嘅煙燻味，又有好多煙飄出嚟，丼飯上有幾層嘅海膽，同埋圍咗一圈嘅帆立貝，仲未完，下低個飯係炒底，用上肥美鵝肝嚟炒。飯底仲有兩隻鮑魚𠻹！成個飯都好驚喜🥰 海膽鮮甜綿滑，帆立貝肥美，成個丼飯都好香口，整個配搭非常討好，超抵食😋西班牙黑毛豬肋骨飯 $98 呢款飯做緊半價優惠，折後$100都唔駛，勁大嘅豬肋骨，煮得入味，份量亦好足，但因為個飯底係白飯，被煙燻丼比下去了🙈需加一服務費，埋單2人約$400。如果你鍾意睇我嘅食評，不妨關注我，支持吓我，謝謝你☺️💕