水月 (已結業)

上一次到水月係1月份我丈夫生日飯，今次係朋友生日再有機會品嚐，係期待⋯⋯今次從訂位開始已感覺到店主誠意，會先發menu俾我參考,好詳細・晚餐開始⋯⋯泰式蟹肉沙律配蕃茄波－店員介紹：廚師以份子料理方法將蕃茄清變成透明波狀，連埋下層泰式蟹肉沙律一齊食・沙律味道好鮮甜，汁料帶有泰式清新味道，絕對係清新開胃亦帶有創意・黃金蝦－平時食中式傳統黃金蝦會好滯，但呢個完全能保留傳統亦創新！廚師以低溫烘焗鮮蝦變成蝦脆片，沾上以份子料理變成的咸蛋黃粉及香脆小蝦乾一齊食，令我完全對油膩的傳統黃金蝦改觀！用心、好味！煙燻高湯鮑魚－賣相特別，打開有一陣車厘子木輕煙飄出黎，樽內鮑魚充滿鮮甜味道，好似食緊日本鮑魚一樣，味鮮、肉彈牙亦夠林，而樽底海苔及淮山吸收哂所有精華，不能不吃！脆香鱈場蟹鉗－如其名，脆、香，加上全隻蟹鉗啖啖鮮蟹肉味，好高分！鱈魚金華火腿夜香花冬瓜湯配櫻花蝦茶包－適逢夏天，絕對是不時不食！呢個湯可以食到廚師的用心，試問依家香港地仲邊度可以容易搵到「冬瓜盅」概念，份子料理演繹呢？泡泡係好香夜香花味，側面係份子料理下造成的金華火腿碎，湯上的鱈魚鮮甜・亮點在櫻花蝦茶包！茶包放入湯會自動溶解變成米漿，鮮香的

去過水月既人都知，水月每個月都會轉小小所以真係一期一會今次我係食5月menu,$528免加一，set有8樣野無花果帶子柚子沙律，帶子切片配上柚子汁，清新鮮味加埋新鮮無花果，作為前菜十分合適珍珠蠔波配泰式蟹肉沙律，蠔波係用蠔既水份整成，好重蠔味，好得意，配上蟹肉，蛋，蕃茄，味道出色另外叫左個煙燻口水鴨胸，鴨好嫩滑，加上口水汁，好惹味，追住食煙燻高湯鮑魚，鮑魚用清酒同高湯煮，配日本海苔同鮮淮山，打開有煙，就係用黎煙燻個鮑魚，煙燻左令鮑魚味道更好，層次更豐富。脆香鱈場蟹鉗，外貌先聲奪人，用蟹殼做裝飾，用得蟹殻裝飾，緊係食蟹，重要無炸鉗，啖啖肉，唔係用粉同蟹肉整出黎，真係用蟹鉗肉去炸，食得到，睇得到一絲絲既蟹肉，正～腐皮窩巴魚湯配櫻花蝦茶包，依道菜真係好驚喜，係盅上面既係鍋巴，腐皮，放係到一陣，個腐皮就會軟化，之後就會同鍋巴一齊跌落去魚湯，魚湯好鮮，再加埋櫻花蝦茶包，入湯就會溶，蝦味溶入魚湯，更顯鮮味。青檸泡泡，酸酸地，一啖仔，好醒胃主菜可以選擇羊，豬，牛或者帶子我自己叫左燒bb牛仔扒配蒜蓉泥，牛仔扒平時少地方有，就算有都好貴，見加錢有得轉，所以一於叫牛仔。牛仔因為重飲緊奶，未食糧草就屠，所以