永順食店 (已結業)

呢日唔知係咪天氣凍唔洗等位直入在場食既大多都係熟客仔坐低餐牌都睇就直接order「沙嗲牛麵加煎豬扒雞翼，唔該 !」┈┈┈┈┈┈┈┈┈┈┈┈┈┈┈┈✺⋆* 沙爹牛肉通粉 $28沙嗲牛Top 幾我都唔知，反正一定係元朗人推薦。牛肉約有十片，食落肉片質感依在，唔會醃肉而令佢變淋，沙嗲牛肉味道香濃，仲好稠身，大家都會食order 麵食，不過我覺得太邪惡，就轉左通粉食。然而，食完其實會覺有少少口渴。除了沙嗲牛麵之外, 我地仲試左佢‧‧‧✺⋆* 芝士流心蛋豬扒治 $28 （烘底+$2）落單時姐姐會問豬扒要煎定炸?我地叫左個煎既～芝士半溶，金黃蛋汁溢出。有流心蛋，不論味道同觀感，整體再加哂分。芝士味香但唔算好濃，反而一直落去係烘底部分同煎豬扒既香味非常突出而且相當酥脆。即使豬扒不算相當厚，但所以食起相當真實。✺⋆* 熱奶茶 $16 茶同奶比較拿捏得剛好，茶底不會太濃而帶苦澀味道，入口相當順滑的口感。

好多人介紹永順食店嘅沙嗲牛肉蟹皇麵，今日終於見識到。嗰度都尚算方便，喺大榮華後面，但泊車就比較麻煩咗少少，因要偷雞泊路邊。永順有兩個舖位黐埋一齊，仲有幾張枱可以坐外面，我哋就選擇咗坐外面啦！樓面阿姐好快就幫我哋落Order，咁梗係食佢哋個沙嗲牛肉蟹皇麵。個麵等咗大概10分鐘，一放低就先試試個沙嗲湯，真係與別不同喎，好濃好香沙嗲味而且夠辣，再食片牛肉，都做得唔錯，做得好淋。蟹皇麵方面我個人比較膚淺，我會選擇出前一丁多啲。總括嚟講呢個沙嗲牛做得真係成功，唔怪之得咁多人會特登入元朗試食~

三十年歷史的永順，遠近馳名的香滑奶茶和招牌的炸豬扒，小妹一直想找個時機拜訪一下。永順位置都不算難找，位於饀饀主理的大榮華酒樓後面的小食店。門口以橙色為主，隔離馬路邊總泊著小型貨車及私家車，空氣充滿著車輛排放的廢氣，環境帶點雜亂，完全地符合像工廠區的熟食飯堂！外邊都放著枱櫈，應該供應煙民和看車的客人們，一般市民大概見到這種環境都怕怕，小妹就是為了好味的炸豬扒甚麽都不理了！自便地找了最入面的位置坐下，裡面零裝修可言，全以摺枱，圓櫈擺設。枱面並沒有餐牌，在哪兒？抬起你的頭來，就在半開放式的廚房對上。豬扒治$14（烘底加$1）必叫的招牌炸豬扒肥大肉厚，即點即炸，皮脆肉滑的程度下，熱氣2個字完全地被小妹拋到老遠之外。面包另外叫了烘底，質地是偏薄貨色，薄弱的質感咬落比較香脆。見其他客人都點上面食，另外同樣熱賣的炸雞翼亦是無限量供應。永順更熱賣失傳的蟹皇面，小妹都是蟹皇面的超級粉絲，除了在雜貨舖有得賣之外，都很難見到大型超市供應，雜貨舖大約賣$5/包，小妹都喜愛蟹皇面的味道，總覺得還比出前一丁好味幾分。永順現在全以出前一丁面供應，想吃蟹皇面的朋友請加多$2。熱奶茶$12來到茶餐廳總愛叫上一杯濃厚的香