華嫂冰室 (皇廷廣場)

營業中

休息中

今天早上刻意步行很遠路去食早餐。餐廳內部裝修算新，環境狹窄，大部份座椅有背靠，少部份沒有，近馬路的幾張枱冷氣不足。秘製雞翼出前一丁34元，有三隻卤水雞翼，卤水味道甜美，雞皮嫩滑，雞肉粗糙，應該是煮得太久，配有少量生菜，新鮮翠綠。加12元可配熱奶茶，有茶味但不濃。早餐一碗麵一杯飲品合計46元，太貴了。

每次係觀塘都想食華嫂冰室，但次次都遇著排長龍，難得星期一放假又係觀塘整完嘢，就去碰碰運氣。幸運地趕得切係五點收舖前做最後一位食客。香煎豬排大大塊，肉質鬆軟有肉味。皮蛋芫茜湯底果然大讚，芫茜味濃之外仲有大量嫩滑芫茜及皮蛋做湯料。另外通粉煙韌份量多。多士非常厚，熱辣辣烘底加上厚厚一片牛油，牛油半溶加上少少鍊奶，雖然邪惡但非常美味。奶茶出色，茶味濃夠香滑。

老公揸車返工既一早，經過觀塘，早上既時間無需要等位，泊左架車係附近就入去食個快早餐。今朝突然好想食豬扒，見到餐牌上邊有豬扒 米線、米粉同通粉，就揀左米粉。湯底有standard，亦都有特別味，難得出黎食早餐，梗係揀個特別架啦！冬陰公湯底，老公就揀左雞翼番茄湯底。飲品原來無包，全部另計。建議下次唔係特別口渴都唔駛叫，飲水慳返啲。好快就上菜，勁大塊豬扒，又厚肉又淋，正呀！雞翼入味，但未至於「骨肉分離」。冬陰公同番茄湯底都相當濃，係濃湯，好味！下次要試下佢既招牌三明治先得。

難得住觀塘，難得閒日放假，是日緊係帶媽媽去華嫂食個靚BRUNCH啦。果然，11點呢啲早餐高𡶶時間剛過，Lunch時間又未到，平時排長龍既華嫂都唔洗排隊，實在太好喇XD先黎一杯熱奶荼，其實之前飲過佢既凍奶荼覺得好香滑，可惜病病地，唔可以飲凍野，熱奶茶茶味都好香，但如終唔夠凍奶荼滑，皮蛋芫茜湯底米粉配豬肝＆魚肉，湯底真係好足料，面頭勁多芫茜，皮蛋一開四而唔係得少粉皮蛋碎，同埋我好鐘意呢個湯底清黎好香芫茜味，一啲都唔油。豬肝唔韌，係我鍾意既爽口type；魚肉爽口同埋冇咩味精同黑椒味，本身應該幾新鮮。番茄湯底米粉配墨丸＆肉眼筋，呢個番茄湯真係好濃，番茄迷必愛，配料方面墨丸好彈牙，肉眼筋呢，其實我都係今日先知係豬一個好爽口既部位，佢既爽口又唔似豬頸肉咁油，口感幾特別。招牌芝士咸牛肉蛋朱仔包，呢個真係久仰大名，朱仔包烘到外脆內軟，咸牛肉超級香，配埋半溶芝士同半熟煎蛋，真係冇得輸。下次真係想試埋佢個冬蔭公湯底，華嫂真係會令人食完又食，唔怪得食完呢餐12點令出面又出現人龍，哈！

華嫂冰室一向都出名，之前係元朗，對於我呢個唔鐘意搭好耐車既人黎講，點會走入去元朗食！如今係勁近我屋企既觀塘開分店，可以拜會一下！星期六一點去到 超多人係門口等位！我要等30張枱，最後等左30分鐘就入座，餐廳安排得好好，等位既時候已經派曬餐牌，未入座之前已經幫我地落定單先，入到去好快就有野食！黎到當然要食招牌菜啦！招牌菠蘿包個包又暖又脆又香，夾左塊厚牛油，蛋，蕃茄，本身個包既感覺好肥膩，但出奇地無呢種感覺！可能夾左塊蕃茄，令個包fresh左！真係值得一試！ 招牌芝士咸牛肉蛋豬仔包個包又係又熱又微脆，咸牛肉炒蛋一向係絕配，點會唔好食，仲要加埋邪惡既芝士，再多一份香味，依加打住食評都流口水呀！ 蕃茄豬排雞翼出前一丁湯底杰但唔夠蕃茄香，有點失望，豬扒有2大塊，整得好好，唔韌，雞翼已經炆得林，離骨，易咬！我覺得一般！唔會再叫！ 奶茶算滑但唔夠奶味又唔夠茶味，飲落去就係覺得爭d咁！檸檬益力多好多人叫，應該係夠特別，不過益力多味唔夠，飲品方面好像差一點。 包類價錢相宜而且味道好，但麵類就一般，下之要試試其他湯底好唔好食！