華嫂冰室 (皇廷廣場)

營業中

休息中

每次係觀塘都想食華嫂冰室，但次次都遇著排長龍，難得星期一放假又係觀塘整完嘢，就去碰碰運氣。幸運地趕得切係五點收舖前做最後一位食客。香煎豬排大大塊，肉質鬆軟有肉味。皮蛋芫茜湯底果然大讚，芫茜味濃之外仲有大量嫩滑芫茜及皮蛋做湯料。另外通粉煙韌份量多。多士非常厚，熱辣辣烘底加上厚厚一片牛油，牛油半溶加上少少鍊奶，雖然邪惡但非常美味。奶茶出色，茶味濃夠香滑。