華星冰室 (克街)

營業中

休息中

早前的復活節4天假期，我 Book 了位於黃竹坑的南灣如心酒店3日兩夜 Easter staycation！ 在黃竹坑工業區這一帶，很難搵到餐廳食肆呀！ 於是，在第二天早上，既然當日在港島區，我想走到銅鑼灣行街，醒起灣仔克街有間 <華星冰室>，就一於趁 11:00 前，走入去食早餐啦！早餐選擇不多，反正時間充裕，我一於點老外早餐慢慢食吧！這裡以懷舊冰室裝潢，設有卡位，牆上貼上唱片及電影宣傳海報！店員們很有效率！ 老外早餐 & 熱奶茶老外早餐 $50包括：炒蛋、煙肉、多士、薯餅炒蛋 ~ 蛋汁豐盈，口感滑溜！煙肉 ~ 烚熟的煙肉，顯得肉質嚡口！多士 ~ 外脆內軟，不過不失！薯餅 ~ 超大塊兼香脆可口！  令人食得滿足又飽足！熱奶茶論色澤幾對辦！華星茶味較突出，  質感稀薄！卻不及翠華的香濃滑溜！如果，以茶記早餐花上 $50 的確貴了一點，但是嚐到想食及喜歡的美食總是值得！

冰室擁躉嘅我係華星嘅fans，有幾次仲見到老板之一嘅Eddie巡視業務。好多人或者都知道每間華星都好似小型展覽館咁，不經意望到牆上面嘅一幅相、poster，甚至裝飾，都係同明星有關係，最重要係出品有水準，真正做到「專心做好炒蛋」。常餐 （鮮牛肉湯意粉、炒蛋牛油多士、熱奶茶）- 確實好少冰室可以做到真正鮮牛，華星就係到今時今日都無退步可以keep到水準嘅一間。意粉湯底係小時候嘅味道；- 多士係新鮮方包即烘，仲有間條紋令到賣相更美觀；- 炒蛋好香蛋味而夠滑；- 奶茶茶膽夠濃夠滑，奶味香濃，飲完味道仲會停留喺咀裡面一陣子。

今日陪個friend 去灣仔北帝廟還神，星期六早上訓到九點，食個港式早餐再還神~好日都唔出灣仔，即刻上網睇下有咩冰室，搵到華星冰室有四粒星，就去了~十一點半入到去人頭湧湧！都差唔多滿座。坐低睇下有咩食，早餐時段已過，咁就食常餐。常餐叉燒意粉：忌廉雞湯底，好濃味但唔咸，好味！叉燒唔多但都夠食，好“林”。意粉唔會煮過火，岩岩好。煎雙蛋：蛋黃係流心，加埋落碗粉度一齊食令個湯更濃郁。火腿正常啦，如果可以煎一煎就更好😋。多士烘底唔洗加錢，但因為我叫左個菠蘿油就無食到啦。奶茶：懷舊的黑白淡奶杯，茶奶比例都岩岩好。菠蘿油：上菜時係暖粒粒，麵包鬆軟，菠蘿皮好脆，牛油未溶，冷暖交融好幸福😋總結黎講都係一個簡簡單單既早餐，食物滿意，餐廳裝修幾有感覺，仲有好多歌星既親筆簽名poster貼滿牆身，幾特別。

小二經歷人生第一次搬屋，記得初初裝修時，由於新屋內烏煙瘴氣，我們姐弟三人一起床後便會走出屋外天井位置空地坐，玩，食......那時候女麻女麻準會買定樓下某舊式老牌茶餐廳的公司會意粉俾我食。那種蕃茄汁底，那種食到一咀都係污糟貓，那種滿載童年回憶的味道而家好難食得番啦！......某夜，一個人由灣仔尾行落老銅搵食，行至英皇，突然醒起都好耐冇食過華星冰室了，不如就去食啦！當時人唔多，所以有卡位坐。由於唔係太想食常餐果類食物，赫見有蕃茄會意粉 (單拼$44，雙拼$47，仲要唔跟野飲)......雖然貴，反正坐左入黎，試一次咁多啦！打下機睇下面書，等左一陣，就開餐了！呢度嘅會意粉同餸料係分開上的！煎雙蛋自己一碟，而碟意粉就有蔥段和洋蔥在上，蕃茄原個切件，似係舊式茶仔果種。唔知，佢個蕃茄汁係咪自己調較架呢？眼前溫熱的意粉，似曾相識，我急不及待叉一注意粉入口，嗯，係呢種味呀！就係細個女麻女麻外賣俾我食果種蕃茄會意粉嘅味呀！個蕃茄汁不慍不火，酸甜度適中，不會過份黏稠，食著食著，充滿親切感。邊食著不無感動......更令我憶起昔日與祖母的日常。

華星嘅多士同埋三明治類嘅出品可以放心點來食，因為總係發揮出色品質有保證嘅！每次經過呢邊，如果方便嘅話都會來華星食d嘢，唔係幾驚艷，但係總係唔會失望，一如既往嘅味道！炒蛋多士，炒蛋黃橙橙一陣炒蛋味香噴噴嘅，雞蛋炒得好嫩，滑溜溜嘅，亦唔會有腥味，我個人最憎雞蛋嘅嗰种腥味喇！呢度嘅炒蛋絕對要試下。感覺我自己係去到邊度都係少唔倒熱奶茶同凍檸茶嘅，華星嘅奶茶，奶味濃茶味更濃，香到不得了，砂糖隨便妳＋唔＋，就算依家炎炎夏日，飲一啖熱奶茶，食一啖炒蛋多士，真係好歎！豬仔包烤得啱啱好，脆度適中，牛油好香。仲有嗰個軟硬沙爹牛肉包，真係唔錯，比較新奇嘅味道，牛肉餡好香，值得一試！

今日下午我們去咗「華星冰室」喺灣仔分店食下午茶！我們叫咗黑松露炒蛋多士、校長多士、森美鹵脾、重口味一丁「鹹牛肉蛋餅」、軟硬沙嗲牛肉包、魔鬼潛艇、凍奶茶、熱奶茶同熱3.6鮮奶！黑松露炒蛋多士嘅炒蛋非常新鮮熱辣同軟滑！校長多士係他們獨有㗎，黑松露嘅香味好濃郁，多士亦相當香脆！黑松露炒蛋多士同校長多士都係即叫即做，係本人嘅必食推介！軟硬沙嗲牛肉包嘅牛肉相當新鮮，肉質好嫩滑，但因沙嗲汁好濃郁嘅關係，所以味道鹹咗少少！魔鬼潛艇嘅熱狗腸係切開一半，醬汁係wasabi加沙律醬，味道非常特別！熱3.6鮮奶真係非常香滑同奶味好香濃！凍奶茶同熱奶茶好滑溜，茶味好香濃！

 六月，香港正值炎夏，偶遇風球過境，不時零星小雨，但一出境走到機場外，係熱情的陽光迎接我們。和同行的好友一起搭機場巴士，到我們位於灣仔的旅館，一路上欣賞窗外景色，聊著天，轉眼便到達灣仔。下了車，走一小段路先到飯店卸下行李，辦理入住，等待和一早專程由內地來香港見面約會的好友們！整理番行李，好友們安全到達與我們一起會合，一起見面聊天好開心，但已是下午時分還未用餐的我們都有點餓了,我們一起決定在晚餐前先去食點東西。上OpenRice App查詢，發現我們附近有評價不錯的華星冰室！一群好友由飯店走了約五分鐘路，終於到達！好幸運的我們不用排隊，一入店就有熱情夥計招呼我們入位。在客人絡繹不絕的店內，多謝我們熟悉點餐的好友幫忙，介紹我們選擇需要的餐點，用流利的廣東話幫我們快速點餐！還幫我們埋單（真係好多謝又不好意思！）店家速度不慢，不一會便送上我們的餐點。我食的餐是牛油西多士加炒蛋火腿，還有熱奶茶。熱熱的餐點一上桌，就傳來濃濃食物香氣！先嚐一口好滑嫩柔軟的炒蛋，一入口濃濃的蛋香，滑順不膩的好滋味，搭配烤的外酥內軟的牛油西多士，真係好好味的口感！好滿足！溫熱的奶茶，濃郁的奶味伴隨茶香，加一些糖更順口好

同朋友係Sogo行街行到天昏地暗，到十點都未食晚飯。想飲杯香濃奶茶，二個人就行去灣仔方向既華星冰室。其實我最愛就是他們餐廳的卡位，很有特色，用舊時香港人很喜歡的 Levi' s 牛仔褲的圖案作椅子背的裝飾。我們點了不少的特色小食我推介一定要點的熱奶茶($19)，又香又滑，茶味香濃。我們也點了熱杏霜($19)，正正常常都算香濃，但唔會話好味到極點。繼而上枱的小食是炸雞翼($17)睇返之前食評話唔推介，炸得好乾。但係我又覺得ok 啵，香口又炸得啱啱好。一定要點的還有校長多士($25)年年25的校長多士，永不加價是它的特色。很香的黑松露配上香噴噴既芝士，真係正！二個人一份，啱啱好！最後叫左豬扒包($23)包皮很脆，但對我來說略為硬了一點。入面既豬扒炸得好香，重點是有肉汁的！同澳門既豬扒包有得比。

喜歡到華星冰室，嘆一份好蛋、好奶茶。不過多次光顧，都只是西洋菜街分店的早餐。第一次來到灣仔華星，是跟朋友去完旅行展後的事。一路由會展走到克街，全因安娜及另外兩位朋友久聞華星之名，卻未緣一試。但對我來說，今次也是一次新體驗。我心想，此行一定要試試馳名的黑松露炒蛋。店子比旺角分店大了一倍，環境略為擠迫嘈吵，還是喜歡旺角分店新淨而寧靜的氣氛。後下來，翻開餐牌，選擇比早餐豐富太多了，連最近突然想食的炸雞脾也有。沒有下漿粉，純粹的連皮炸雞脾，雖然不見特別，但我就是喜歡那啖啖肉的感覺，以及香口的味道。　　一時貪吃，叫了炸雞脾，原本要食黑松露炒蛋的計劃豈不泡湯？多人的好處是可以分享。慫恿朋友試黑松露炒蛋，厚厚的炒蛋面灑滿黑松露，並以多士托底。隔空聞到黑松露香，但不算很濃烈。切一片來嚐，加了牛乳的炒蛋頗滑，夾雜松露的微咸，味道不俗。但因松露味偏淡，並沒有預期中的驚艷。索價近四十元，太貴。　　另一位朋友點了咖央西多。咖央是加了椰漿、雞蛋等材料而製成的混醬，不過從這個西多中，並未食到明顯的椰香，只有糖漿重重的甜味與牛油的香。西多香口鬆脆，中規中矩之作。　　最後是芥末豬扒包。甜甜酸酸的醬汁中，加了芥末後，入

聽說華星是新式的懷舊茶餐廳，很多名人明星捧場，還有一樣絶招，叫「黑松露炒蛋多士」，是入店必試，但只在三點後供應，然此店亦不設下午茶。下午兩點九來到，店裝飾格局用冰室的簡陋設計，點了那個叫「黑松露炒蛋多士」，售價三十五元，屬豪華級多士，再加上一杯熱奶茶。多士來了，也頗特別，多士上堆滿了一層層的炒蛋，上佈滿黑松露碎粒，以刀叉切食之，果是黑松露味，炒蛋熱度適中，極為暖胃，多士仍脆，份量似少，吃下卻飽。奶茶色靚，落奶恰好，入口軟滑，不濃不燥，應是用上好茶葉。總結之，地方一般，如坐大排檔，但招呼好，食品特出，門口還貼出校長多士，說是譚校長最喜歡的，下次來試。

由以前早餐二十蚊有找, 到而家接近午餐價錢, 可想而知早餐起香港人心目中已佔一個好重要既地位, 唔知係大家已經改變咗唔食早餐既概念, 定還是現時既早餐越黎越吸引, 越黎越會包裝呢? 炒蛋多士配通粉加飲品已經唔使朝早11點前趕頭趕命入去問"仲有冇早餐?"先可以食到了, 午餐, 下午茶都有得咁食. 當然如果你可以11點前去食的話, 就可以慳番幾蚊! 不過我認為都係早餐岩feel啲, 下午茶還是當晚餐食總係有點怪. 一早起身就係為咗去一年一度前世未迫過既動漫節, 準備入去迫之前, 都係嘆番個早晨全餐叉足電先. 去開灣仔, 就梗係搵番間又係起灣仔既餐廳啦, 橫樹又未食過, 離地鐵站都唔算遠, 就揀華星冰室. 起我領導之下, 就算幾隔攝, 都難唔到我既又無我想像中咁多人, 唔係處於繁忙階段, 環境尚算舒服. 大少諗到華星的命名會唔會同華星唱片有關係, 唔講都唔知, 聽落有啲似! 周圍有歌手明星既poster, 又有一塊簽滿名既board, 係都唔出奇呢!食早餐有樣好, 唔使多揀! "炒蛋多士, 火腿通粉, 熱奶茶丫唔該"炒蛋多士炒蛋好滑, 多士烘有少許脆口, 牛油在剛烘起的多士的餘溫上溶化

我有時都會偷懶，遲起身，但又想食個早餐，看看手錶，11點半，心裡歎息餐廳的餐牌都轉了午餐了。突然間，因上次Spoil Cafe而被拋棄的華星在腦海中閃過，令身在灣仔的我想起還有港島的澳牛! 我以為華星的門面會好似澳牛一樣十分光鮮，很容易便會認出，誰知我在克街來回走了一遍才發現她! 幸好，即使迷路，到達時還是11點49分，我仍可以食個早餐 可能今日是閒日，尚有不少空位，基本上，跟在澳牛一樣，沒有怎樣看過餐牌就要︰多士走油、火腿通、熱奶茶﹗幫我下單的侍應真的有時面善，難道是從澳牛挖角過來的嗎﹖環觀四周的牆，果然貼了不少明星的相或演唱會海報，聽聞陳奕迅有份投資華星，所以你的演唱會海報貼在最搶眼的位置??!!短短2分鐘，熱奶茶首先送上。華星其中一個gimmick是用北海道3.6牛乳，不過同時我見水吧有一罐罐的黑白淡奶，我面前的奶茶，應該是用黑白淡奶吧! 奶茶不算十分outstanding，但茶味香濃，帶有微微的澀味，滑口，比澳牛優勝。再來的是火腿通，我非常喜愛食茶餐廳的火腿通，特別是那種厚身通粉。輕輕灼過的火腿絲沒有令我失望；可惜通粉卻好像還未煮熟般，有點硬和半生熟的粉味，不合格主角果然是最後

今曰去咗灣仔區嘅華星冰室食嘢!好有懷舊色彩的冰室不知這間冰室是否前華星唱片公司工作人員開的!其實餐牌並不是有大多選擇!但常餐係最抵食的!所以我們兩個人也order常餐常餐包括:炒蛋多士,牛肉通粉及飲品一杯.另外見有奶油豬仔包,也忍不住叫一個!好彩都幾好味牛肉通粉的牛肉好軟淋,只可惜太少了最靚係個炒蛋,好滑好滑呢兩個人共吃了HKD70,已經好飽好飽啦

冰室於上星期在灣仔克街開業我趕快去tea一tea內裡裝潢有點懷舊地上及牆上用黑白色紙皮石感覺舒舒服服。。。牆上掛有藝人簽名的黑膠唱片尤其哥哥張國榮的4張 LP很是突出。。。另外冰室選用北海道3.6牛乳令奶茶比較香滑不像一般茶餐廳的帶點苦瀝我一連3天去光顧侍應生都非常有禮食物味道亦不錯