燈籠滷味 (朗豪坊)

營業中

休息中

來自台灣的燈籠滷味上年係銅鑼灣插左旗，每次經過都見好多人排緊隊，深受歡迎下再係旺角朗豪坊開分店，去唔到台灣，唯有係香港食下滷味、芋圓，一解思鄉情懷🙈餐廳主打食滷味，有超過30多款食材，有d仲係限量供應，如嘴邊肉、豬脷、生腸等，廚房推介既有百頁豆腐、王子麵、鴨胗、麻吉燒等，同時亦有經典小食同夜市小食，真係包羅萬有🤤相當豐富人氣爆漿蔥抓蛋餅 $48 8.5/10可以揀芋泥肉鬆或者花生醬火腿，我就揀左前者，切開左6件，蛋餅包住好多肉鬆同芋泥，有一件仲要漏哂出黎🤣芋泥甜度適中，好綿滑，加上肉鬆鹹香，好有台灣風味👍🏻手抓餅外脆內軟，幾飽肚燈籠芋見你 $48 8/10平日下午係暫停供應，得晚上或者公眾假期先有，材料有好多，分別芋圓、仙草、芋泥、紅豆、紫米、燕麥、黑糖和花奶，芋圓由九份直送，煙韌十足，芋泥整成波狀，好香同埋好吸引😋仙草甘甜，加左花奶成碗甜品都好滑招牌燈籠滷味 7.5/10叫左甜不辣、蘿蔔同王子麵，甜不辣有點似韓式魚糕，有咬口不過味道比較淡，王子麵口感就較腍身，份量偏少

台灣人氣滷味餐廳開到嚟香港啦！好在有佢先可以一解相思台灣美食之苦店內牆上架有寫滿台式語句嘅霓虹燈牌裝修充滿台灣夜市風格 數得出嘅台灣夜市美食都可以一次過喺呢度食到而家就為大家介紹幾款必試餐點啦！.【自選滷味】香味超濃 相當入味可以任揀鍾意嘅食材 有成廿幾款配搭鴨血、鴨腎、大腸、小腸、豬耳都係必試之選！【人氣爆醬葱抓蛋餅】主要有兩款選擇 可再另加配料當日試咗芋頭肉鬆+超司芋泥迷表示好正【燈籠芋見你】芋泥、三色芋圓、紅豆、仙草、紫米有齊哂我鍾意嘅食材【鵝油香葱雞肉飯】雞肉好鮮嫩 好香葱油味仲有滷肉撈飯超好食！‼️注意‼️3pm前Menu只有滷味套餐以上大部分都要3pm後先有得落單

良心食店由銅鑼灣開到來旺角，今晚就試一試它的外賣，今年為了環保所以決定自備餐盒，店員亦很合作，而且省了幾元的外賣盒費用。【招牌燈籠滷味】這個是出名的招牌菜當然要試一下，醬汁是偏甜的，和香港的滷水有些不同，餸選了肝連、杏鮑菇、百頁豆腐和甜不辣，肝連有點像豬腩肉，幾入味。【人氣爆漿蔥抓蛋餅】試了花生醬火腿風味，有點像西式的pancake，加了芝士，不是大眾的口味，我覺得幾新奇，但細佬就不喜歡。【惹味塔香鹽酥雞】難得回家還是香脆好吃的，又有九層塔吊味，是台灣的味道。【燈籠芋見你】芋泥很甜，最喜歡爽口的紅豆加上煙韌的芋圓！

來自台北師大夜市的燈籠滷味在當地人氣旺盛，但以往到台北旅行都未有機會一試，繼早前進軍香港於銅鑼灣開店後，最近再下一城在旺角朗豪坊開設新分店，對我而言亦更為方便。餐牌方面除了各款招牌滷味、小食及飲品外，旺角店亦增設了不少新菜式，而且更有台式多士及蛋餅等早餐供應。店內裝潢甚有懷舊風味，堂食每位最低消費$50，而由於疫情關係今次就選擇了外賣。滷味方面我選擇了大腸 ($12)、生腸 ($14)、鴨胗 ($15)、鳥蛋 ($11)及兩份鴨血 ($14)，滷汁味道偏甜並不會過鹹，每款材料均滷得入味。金黃糖心滷鴨蛋 ($18) 蛋黃金黃流心而且蛋香亦滷得入味。芋泥肉鬆蔥抓蛋餅 ($48) 餅皮用上蔥抓餅口感酥軟且略帶韌度，肉鬆與芋泥鹹甜交錯向來在台灣都是常見的不敗組合，不過芋泥過甜缺乏芋香，個人建議可將甜度大大降低。除此之外更可額外再加起司、玉米、高麗菜、火腿或肉鬆最多兩款配料，自由度高。燈籠芋見你 ($48) 配料包括芋圓、芋泥、紫米、燕麥、仙草及紅豆相當豐富，糖水以黑糖及花奶作為基底，味道偏甜令芋圓芋香不太突出，不過勝在口感煙韌彈牙。