火狐爐端燒 (已結業)

收工同朋友黎到荃灣搵食，黎到哩間爐端燒小店，真係幾有feel 哩度雖然係小店一家，不過有好多特式燒物哩度嘅食物定價適中，唔會太貴。想飲酒的話，都有好多選擇冬天少不了有鍋物，要食翻啲暖嘢泡菜豚肉鍋夠曬足料，豚肉又薄又嫩，配埋泡菜，真係夠晒香鍋仲有豆腐，有菜有菇有大蔥，真心正小食嘅燒墨魚餅，燒得個皮脆，墨魚肉又夠晒彈牙，加埋啲酸酸地嘅醬，好香口好開胃哩度爐端燒嘅餐廳，一定要嗌燒物啦熱烈推薦燒和牛，真心軟熟同嫩口，仲要好鮮肉味雞軟骨好爽脆，燒得夠晒香明太子雞翼燒到個皮好香脆，加埋明太子餡，惹味

晚上同朋友行開荃灣, 行攰就想找個地方聊下天食下小食, 突然係小巷見到一間居酒屋, 那就試下有冇驚喜。燒墨魚餅 $48先點了燒墨魚餅 外皮燒得香且脆加埋墨魚本身嘅彈口 口感有趣 加上上面嘅燒汁 食落幾過瘾。明太子雞翼 $22然後點了一份明太子雞翼 明太子加嫩嫩雞翼嘅口感 實在增加食慾 想再encore 但基於要試其它野 所以還是先點一隻。蒜香雞軟骨 $18乾身加爽口 不失蒜香 本身中意雞軟骨 所以好味。串燒牛舌 $40牛舌係居酒屋必點之一 彈牙結實 鹽味剛好 食完唔口渴。泡菜豚肉火鍋 $98最後點了是日食事 因為愈食愈開胃 泡菜湯底夠濃 豚肉配泡菜 不油膩 肉味十足 豆腐也很滑 茹加菜也蠻多 食完好滿足如果想揾地方傾計食下野, 呢間居酒屋真係唔錯嘅選擇, 又算安靜舒適又可以食小食, 值得一試!

今日同朋友去完荃灣shopping之後喺附近搵嘢食，大家又唔算話好肚餓，但係又想搵個地方坐下食少少嘢，喺附近見到有間舖頭係食爐端燒，大家都話想去試下。店內唔算好大，主要都係食串燒為主，見到牆上仲有秋冬特選迷你火鍋添，所以我哋都揀咗個寄世海鮮鍋試下。寄世海鮮鍋材料都幾豐富，有蝦🦐、蟹柳、帆立貝、蜆、娃娃菜、菇同埋竽絲，啲海鮮都好新鮮，帆立貝同埋蜆都好大粒，最重要係個湯底，雖然只係清湯，但個湯吸晒所有海鮮嘅味道，變得好鮮甜，我都忍唔住係咁飲！串燒方面揀咗至愛嘅和牛串、黑豚五花腩同埋冬菇串，和牛肉嫩多汁，和牛味頗出；黑豚五花腩肥瘦得宜，唔會話肥得太過份，帶有少少肥膏嘅香味，加少少檸檬汁一流呀；冬菇串燒得夠乾身，但咬落去依然保存到juicy嘅口感，上面仲有啲木魚絲喺度郁下郁下，味道不錯不錯！我哋仲叫咗個燒墨魚餅，見到個賣相都好靚啦，金金黃黃，帶點香口嘅感覺，墨魚肉新鮮，爽口又彈牙。今次因為大家都唔太肚餓，所以都叫得唔太多嘢，其實都仲有好多款串燒想試下架，有機會再嚟試過其他款式先。