Jan Jan 串揚專門店 (尊豪坊) (已結業)

有日突然好掛住日本夜晚嘅宵野於是就OPENRICE搵下附近點知就尋到寶 搵到間勁高質嘅串揚專門店🤤一入到去裝修&佈置都勁有日本居酒屋FEEL加埋店員有禮同細心嘅服務態度 真係好難唔讚呢串揚✨係大阪名物 即將串燒沾上粉漿再拎去炸值得一讚嘅係 佢將不同串揚物悉心配上不同醬汁而且炸衣唔厚 薄薄一層 厚薄均勻 剛好覆蓋食物一咬開食物 本身嘅肉汁滲透晒出嚟 唔會炸過龍 口感唔會硬邦邦 食落唔似豬肉乾😛除咗串揚 店舖嘅串燒都非常出色🤍小編推介٩(˃̶͈̀௰˂̶͈́)و天使蝦、炒麵飯、高湯雞蛋卷

新一年，又到邊飲邊食既時候香口酥脆既食物就岩哂口味啦食炸串之前，食啲清甜爽脆既日本椰菜片清清個口既味蕾先不過記得有一個規矩，醬汁每次只能夠點一次！！自家醃製既醋鯖魚，經過火烤令味道變得柔和小小既醋酸味令魚肉更帶出鮮甜，滑溜既口感之餘，而肉質比較結實，令口感變得更加豐富用芥末浸漬，令芥末味滲透山芋之中山葵既香味完全散發口中，有刺激既辣味但只有少少嗆鼻既感覺仲有爽脆既質感，配上一杯啤酒嫩滑既質感充滿著蛋香加左用木魚 炮製既高湯混合其中每一口，都有一股鮮甜香滑既感覺浮現將雞蛋拎去唐揚，仍然有半熟既效果灑上小小鹽，輕輕既調味，所以味道立即提升脆皮既唐揚衣配合上鮮甜既蝦肉，咬落去爽口彈牙沙椎魚香港比較少見有得試下當然要試啦肉質唔算結實偏鬆軟，不過配上紫蘇葉，令魚肉加上清新既氣味一種吸引力就此而生明太子本身偏鹹但鮮味濃郁，再加上燒製，所有味道更加濃縮一小口，明太子係口中卜卜聲散出濃濃既鹹鮮味，配上一口冰凍啤酒，又係配啤酒必點既食物最後自己唔夠喉，點左個茶泡飯飯團經過燒製，形成一層飯焦，浸泡落日本玄米茶中，令原來清香既茶中加添一種燒烤既味道，令滿足感大大提升最後唔覺唔覺食左好多串新一年又要定減肥大計