十二味 (嘉峯匯)

營業中

休息中

十二味，就係好出名既川菜，依間分店位於嘉峯匯，好靚既裝修，又新又雅致，新派川菜有傳統味道新裝環境舒服、新潮又大空間，燈飾好有氣氛，仲可以坐窗邊望住靚景聚會一流，網上落單，十二味既酸菜魚、香鍋、熱菜、涼盤都好出名，價錢合理先試涼拌菜，燒椒皮蛋，賣相好正，個人覺得皮蛋係涼菜中最特別嘅上枱好吸引，份量足，上埋白飯，皮蛋皮晶瑩通透，口感一流，蛋黃流心，皮蛋味濃尖椒粒加埋麻辣汁就係正，算係一個好唔錯既皮蛋送飯都好正最出名既香鍋黎喇！經典香辣鍋，配至少五種配料，上枱嚇死你超大既size，兩個人食都嫌大，配料好足、香料又足又香麻，配料揀左：嫩牛肉、四季豆、台灣魚腐、鮮腐皮、寬粉，先食嫩牛肉，肉質好滑好腍，辣子牛肉既感覺，麻麻辣辣既牛肉好惹味台灣魚腐，四方型，口感似魚蛋既魚腐，外麻內滑，好味仲要好多塊，成鍋至少有6塊，四季豆好有驚喜，爽身，充滿麻辣味，而一咬入面有鮮甜既味道，好Refreshing鮮腐皮無湯煮既咁腍，但就吸晒啲香料既味，夾一塊配另外既配料一齊食啱晒最正既真係寬粉，完完全全吸味吸到變晒色，味道係成個香辣鍋既精粹，口感腍得黎Q彈我係食辣野好想食飯既人，都叫左寬粉而發覺原來麻辣寬粉配飯都好好

咁啱同同事傾計，佢話想食辣野，我地一諗到就係十二味🧡 呢間係我好鐘意食酸菜魚嘅其中一間，食左好多次質素都係有保證😇 個重點係價錢不算太貴，性價比高嘅一間店！🐠人見人愛酸菜魚 $218嘩!! 一上到枱我地就嚇親😱 勁多勁大碗~ 表面上面放左大量辣椒&花椒，入面都有好多配料，除左滑嫩魚肉，仲有萵荀、雞髀菇、酸蘿蔔、酸菜😳我地叫左小辣，食落唔太辣，湯飲落幾鮮甜，飲埋d湯一流🤤燒椒皮蛋 $ 48同平時食嘅灰色皮蛋唔一樣，佢係金黃色嘅，好吸引！😍 皮蛋食落好有彈性，配埋醬汁超好食☺️熱情果梳打 $28估唔到係咁大杯!! 呢度嘅份量都係偏多~ 兩個share飲都完全冇問題，消暑又解辣🤩總括而言 (5個💖係最高)好味指數 : 💖💖💖💖🤍服務態度 : 💖💖💖🤍🤍環境打卡 : 💖💖💖🤍🤍回頭指數 : 💖💖💖💖🤍📍 十二味 (嘉峯匯)🏢 啟德沐泰街9號嘉峯匯1樓10號鋪位🕗 星期一至日 11:30 - 22:00

🌶 川菜 🫶🏻我好鐘意食麻辣而家🐼十二味🌶愈黎愈多分店隨時都可以滿足我嘅麻辣癮 而家仲喺啟德開咗分店 好大間好開揚 🤩坐得非常舒適✨必點🐟唇齒留香水煮魚🌶中辣🌶魚片好嫩滑 每塊都大大片揀咗中辣 多麻 夠哂麻辣刺激鍋底仲有好多寬粉芽菜青瓜 索哂啲辣汁 😋建議另外加多碗白飯 撈麻辣汁太開胃啦✨ 燒椒皮蛋 🥚黃金皮蛋 晶瑩剔透 加麻辣汁 紅綠椒 帶微麻香辣 又有少少甜✨ 熱情果梳打 🍹超大杯 香甜嘅熱情果又解暑 又解辣 每次食十二味最後都要叫❣️紅糖糍粑❣️先滿足外皮微脆 入面煙靭 點埋黑糖同黃豆粉好難抗拒我一個人食哂八條都可以 😌

呢間好受歡迎嘅連鎖店相信大家都好熟悉❤️想食麻辣嘅川菜第一時間諗到佢🤪 傳統經典嘅味道又唔會淨係得辣味🤩 今次嚟到呢間啟德店坐得舒服仲有落地玻璃好開揚呢👍🏻⭐️ 酸菜魚 🥬先講魚肉十分滑溜同入味 果然無失水準😛 靈魂既酸菜酸得來夠香💚係有層次既味道 好鍾意入邊既萵筍同雲耳 口感好豐富🥒⭐️ 牛肉麻辣香鍋 🥘好似我咁鍾意食香口嘅朋友一定會喜歡💕每一口都充滿麻同辣🌶 牛肉調味好均勻🥩唔會過分重口味同油膩⭐️ 川式口水雞 🐔呢個辣度比較強🤣 但係雞肉入味肥瘦適中🍗 下飯一流🍚⭐️ 燒椒皮蛋 🍳皮蛋糖心效果做得好好😚 整體好入味可以更多刺激感🤩⭐️ 桂花冰釀 🌼一直都冇為意有咁高質嘅嘢飲😋 帶清甜嘅桂花同糯米香🥂唔會過分死甜中和返D辣味 🧋⭐️ 紅糖糍粑 🍡又係另一驚喜‼️ 外皮炸得脆但內裏黏黏的🥳配上黃豆粉同紅糖既焦香🍭 比起日式糯米糰子更多了一份脆脆的口感⭐️ 十二味 (嘉峯匯) (九龍城)📍 九龍城沐泰街9號嘉峯匯1樓10號舖