BBQ美食店

營業中

休息中

以前久唔久都會嚟依間串燒舖望吓餐廳牆上面嘅報道呢間餐廳已經有廿幾年歷史，真係陪住唔少人成長😆琴晚去到啲員工都仲係原班人馬舖頭雖然多人但係唔使等太耐就有得食啦🥰基本地叫一枝Sake 先點餐紙照舊，如果想食海鮮記得問服務員報價😆有時都會賣晒或者冇入貨㗎正所謂慢功出細貨，好食嘅嘢係要等一陣嘅有啦！必食鵝肝多士😍 怕太滯兩個人分一件食都得鵝肝燒得啱唔好，配埋脆卜卜啱啱烤好嘅牛油多士🥰真係要嚟呢度先食到🤤當然仲有必叫嘅海鮮，我哋揀咗生蠔同埋鮑魚，兩樣都好掂😍🤤燒得熱辣辣，配料都好足，啲蠔底仲有芝士，好入味😍！除咗海鮮，都仲有好多其他美食，我哋今次揀咗牛仔骨、雞心喉、雞軟骨等🥰最後送上呢個努力整嘢食嘅叔叔😆後記：同唔少人覺得一樣，串燒嗌咗係真係需要等，不過反而咁樣其實可以坐耐啲，夠晒地道，喺約埋三五知己一齊飲酒食串燒嘅好地方🤤

阿哥食完呢間位於西環既BBQ美食店後同我講呢間好出名，一定要試！於是我有晚放工終於來朝聖！呢度鋪面細，大排檔咁，勁多人排隊！見都有幾多明星幫襯過，不過座位比較逼，無所謂啦最緊要好食！..點左既串燒🍢- 燒花膠- 燒白鱔- 燒活鮑魚- 燒蟶子皇- 精選牛仔心- 咸牛脷- 雞翼- 雞脾菇- 燒茄子- 墨魚丸.唔少得啤一啤啦🍻叫埋啤酒飲！除左上面，仲有叫左皮蛋瘦肉粥，樣樣都好好食，夠獲氣，夠火候！只係唔慣食牛仔心😂 無食開既可以唔駛點🤣 花膠超大件，有驚喜！個人反而覺得最好味係燒茄子同雞脾菇，因為最入味😂

我地兩個女仔食左hot dog同心太軟之後未夠喉, 朋友介紹食BBQ, 所以就約左男仔朋友黎. 由於都係臨時想食,所以八點二先打電話黎訂位,訂八點半.八點半黎到等左三分鐘就可以入去, 坐得有d迫,但係無所謂啦,為左食想食既野.叫左唔係好多野,話晒我地再個女仔都已經食左野.燒白鱔2串, 有6件, $56我覺得最正係呢個,燒得剛好,出面燒得脆脆地,加上一層美味既醬油搽埋係出面,食落去又彈牙,又夠厚肉, 好味呀,無得彈!燒海大蜆1份, 有8隻, $78朋友話佢最鍾食意呢個, 個汁食到牛油味,又有d蔥花係面, 唔錯呀蔥花元貝1份, 有2隻, $78相比之下蜆好食d燒活鮑魚1份, 有2隻, $98鮑魚燒完切左薄片, 有十塊到,都唔錯呀.不過朋友話佢上次食爽d.雞軟骨3串, $21乾得濟,同埋有d燶.燒腐皮卷 1份, 有件6件, $16都好燶下,每人食左1件就放棄左蟹膏海鮮炒飯1份, $48好普通,無蟹膏味,只係見到蟹子係飯面見好多人都話佢服務唔好,態度差,不過我地去個時又無咁既情況,d職員都笑笑有,有禮貌.