EAT ME Bar & Restaurant (已結業)

旺角新開既大廈，裏面有好多餐廳。今次選擇左西餐。餐牌食物選擇唔算太多，同埋都係大路野，豬牛羊！前菜叫左白酒炒藍青口同凱薩雞胸沙津！酒味唔係好濃，味道清新，唔算好大隻，份量多，食極都有！沙津反而份量唔大，多沙津汁，多雞，每條菜都有沙津醬，幾好味！主菜叫左燒澳洲丅骨牛扒配蒜蓉汁，好大塊，每一啖都係肉，5成熟師傅控制得幾好！脂肪同肉既分佈平均，好juicy既肉，好有肉味，口感都好好，沿著骨邊既肉好惹味！意粉做到'just cook'，師傅好手勢！同價錢唔成正比，CP值高！衣份燒烤風味西班牙黑毛豬背肋唔係大大舊果d，可能用乳豬仔，好嫩口，好軟熟，個BBQ sauce好好味，甜甜地！薯條熱辣辣，仲係粗薯條！小弟最愛！埋單都係幾百蚊，食到超飽！

嚟到旺角嘅EAT ME Bar & Restaurant。坐咗晌窗邊位，睇住鬧市夜景食晚餐都唔錯。餐廳有二至四人套餐，最後都係決定散叫，試多幾款自己想食嘅。某啲散叫菜式可以加$18轉做套餐，包沙律同是日餐湯。當晚嘅沙律入面有巴馬火腿、車厘茄同雜菜，同埋用芝麻醬調味，都幾醒胃。是日餐湯應該係甘筍忌廉湯，都幾creamy。燒澳洲T骨牛扒配蒜蓉汁，估唔到仲跟埋意粉。T骨牛扒揀咗五成熟，切開後橫切面呈淡淡嘅粉紅色，食落軟嫩，近筋位就有油香。意粉彈牙，撈埋蒜蓉汁嘅話就仲好食。伴碟有意大利瓜同四季豆，口感爽脆。雀巢薄餅，竹炭餅底薄而脆卜卜，有啲似平時嘅餅乾。鋪面嘅芝士焗到微焦，當中仲有蘑菇同黑松露，同埋搽咗番茄醬調味。頂層就放咗鵪鶉蛋、車厘茄同火箭菜，運用想像力嘅話都有少少雀巢效果嘅。香口唔乾身，味道唔錯。黑松露芝士牛肉漢堡配薯條，賣相可愛。黑色嘅竹炭麵包鬆軟，不過就只係顏色特別，實際無乜味道。餐牌寫中間嘅牛肉漢堡扒有6.5安士重，實物打得厚身又挺身，質感鬆化有肉汁。夾住番茄、巴馬臣芝士、火箭菜同黑松露，同埋酸酸甜甜嘅醬汁，惹味又平衡，薯條方面就正正常常。藍蝶花茶，透明玻璃壺入面有好多朵蝶豆花，令

路過旺角見到樓下有餐牌，牛扒都係$118一份，立刻上去食個晚餐，原黎不單價錢便，環境仲相當舒適，大落地玻璃，大投影睇韓國MV，相當享受。我點左七成熟嘅燒澳洲T骨牛扒配蒜蓉汁，牛扒厚度適中，兩面燒至金黃，咬落去，牛汁嗶曬出黎，表面脆，裡面嫩滑夠多汁，牛肉味好濃，份量較大，喜歡距配搭蒜蓉汁、增添不少野味，跟意粉，配菜有甜豆，真係處理得好好，甜，新鮮，脆，仲有薯角和菜，超抵食😍北海道帶子扒虎蝦墨魚汁意大利飯，尼個好特別，首先帶子真係好厚好大粒，煎至兩面金香，口感爽滑，好鮮甜，虎蝦好大隻，好彈牙、墨魚汁嘅意大利飯好特別煙煙韌韌，味道好正.咖啡迷嘅我選左焦糖咖啡、口味濃郁，焦糖同咖啡味中和得啱啱好，飲咗一杯非常醒神、超正感恩美好的一天