新德里餐廳

營業中

休息中

都有三四年無去重慶大廈食印度咖哩，去左尖沙咀重慶大廈新德里餐廳，印式薯仔沙律，薯仔配上特別醬汁加上蔬菜一齊食，估唔到都幾好食呀﹗素咖哩角，餡料有薯仔粒同茸少許青豆，皮好香脆同好香咖哩味道，印度炸洋蒽圈，食得是用新洋蒽做，薄薄炸醬，炸得好香脆，好好食﹗燒烤五香雞件，用左鐵板上枱，保留雞件溫度，香氣十足，充滿香料味道，雞味十足，肉身不太乾身，印度烤餅，牛油烤餅同蒜茸烤餅，再叫左香濃牛油鮮茄烤雞，牛油烤餅，好重牛油香味，蒜茸烤餅中夾有蒜茸，烤餅點香濃牛油鮮茄烤雞一齊食，好好味，好重鮮茄味，烤雞嫩滑，新德里炒飯，好香香料味道，炒飯有少許辣，飯炒乾身，好味

其實一路都想黎重慶大廈食嘢，但次次都話呢度好危險，女仔唔好黎，但自從係尖沙咀返工後，覺得咁近都唔黎咪好傻豬，於是搵左一日Lunch同同事黎到重慶大廈三樓既新德里餐廳食嘢。重慶大廈咁多印度咖哩點解偏偏揀呢間？無他既，網上Search到話連日本雜誌都評呢間係全港最好食既咖哩嘛！咁係咪最好食都要食左先知既。一入到去餐廳，充滿印度風情既音樂加埋藍藍既燈光有種昏眩既感覺。我地三個女仔坐低，印度店員就送左碟印度脆餅加蘸汁俾我地，d汁好似Washabi架埋d檸檬、乳酪既味道，怪怪地，我就食唔慣啦。我地三個女仔Order左新德里特式炒飯、瑪莎拉烤雞、燒烤五香雞件同埋芝士烤餅。特式炒飯略平凡，就係d雜菜啊，蛋啊，豆角炒埋，睇唔出幾特色，但印度米比較長條，食落去口感較乾身，都OK啦！另外係瑪莎拉烤雞，話係烤雞，其實成碟好Juicy好多汁，紅卜卜咁食落去其實應該都係咖喱黎，我覺得，齋食係重口味既，要配埋個芝士烤餅，烤餅蘸瑪莎拉汁，幾惹味。烤餅係印度叫Naan，有好多味，個人推介芝士位同蒜蓉味，圖中係芝士Naan，可以見到入面有少少Cheese，增加左鹹味，但其實就咁食一定寡，一定要蘸咖喱。最後重點推薦佢地個

話左去重慶食印度菜好耐, 一路都冇時間。終於呢個星期日由細佬帶路去為食一番。 燒烤五香雞件: 燒得好香, 雞件係雞脾肉所以係滑唔會燒到又乾又’鞋’ 芝士烤餅: 夠晒熱, d 芝士’jit’ 晒出黎 瑪莎拉燴蝦&茄汁燴雞: 撈飯、’yarm’ 烤餅之選

一直都好想去 "新德里餐廳" 食咖哩. 所以就約了班朋友去食..烤麥餅 - 送嘅. 脆卜卜咸咸地. 幾好味燒烤五香雞件 $60.00 - 味道唔錯...而且又冇雪味,不過就唔夠咖哩味印度炸洋蔥圈 $25.00 - 一般洋蔥圈, 冇咩野特別..有少少失望 玫瑰梳打 $18.00 + 檸檬特飲 $18.00 + 檸檬可樂 $18.00 + 檸檬梳打 $18.00 - 全部飲品都 ok..蒜茸烤餅 $18.00 - 好多蒜茸味. 真係 so good瑪莎拉燴蝦 (小辣) $73.00 - 啲虾好少...又係唔夠咖哩味燴巴辣雞 (大辣) $55.00 - 呢個幾好味. 不過都係雞太少 & 唔夠辣椰汁咖哩燴魚 (中辣) $65.00 - 啲魚重好鯹....而且又係唔辣燴巴辣羊肉 (大辣) $60.00 - 叫咗羊肉, 但入面居然有牛肉, 又係唔辣 新德里特色炒飯 $60.00 - 啲飯林 pat pat..又唔夠鑊氣...no good總括黎講. 可以一試....