東京チカラめし

營業中

休息中

鐘意食日本野嘅我，無論去日本定係香港，都一定會食牛丼，因為四個字，平快靚正👍🏻香港都有好幾間相同類型嘅牛丼店，咁今晚就試下旺角呢間過江龍啦！夜晚八點到，門口都有幾個人排隊，大概10分鐘左右就入得燒牛肉丼加餃子$68（大）（加配泡菜$12）Qr code落單，好快食物就送上枱！叫左我最愛既組合 好多牛肉啊！！鋪滿成個碗! 超正！醬汁同飯比例好，唔會食到一半無汁勞飯，再加泡菜加持！清碗無難度！食埋餃子，滿足！

📍 東京チカラめし (旺角)旺角奶路臣街17號The Forest 地下G8號舖———————————————日本人氣連鎖元祖牛肉飯🤩✨ @chikarameshihongkong 仲記得啱啱開店嗰陣人龍排到勁長，嗰時望見條龍都卻步，今次終於有機會來試一次啦!!鐵板野菜燒豚肉定食(💰: 70 hkd) 定食配咗白飯、味噌湯同沙律，份量好足唔怕食唔飽😆 豚肉肉質較有咬口，鐵板上菜熱辣辣超正🔥 椰菜爽脆，中和番香濃嘅肉味，而日本米飯口感都幾唔錯，煮得好軟熟又唔會過冧，加埋個甜甜地嘅醬汁撈飯一流～燒牛肉丼 (配溫泉蛋) (中)(💰: 58 hkd) 牛肉燒到好香 ，而且牛肉丼飯係用日本珍珠米，粒粒都好有咬口；唯一係醬汁比例有啲少，食到一半會少少乾😛 不過我哋加咗溫泉蛋，加埋落啲飯一齊食即刻加番幾分💕加配小食：唐揚炸雞(💰: 18 hkd) 炸雞有3件，即叫即炸，雞肉嫩滑多汁，下次嚟一定會encore🤭加配小食：餃子(💰: 18 hkd) 餃子餡料唔算多，皮亦略嫌厚咗少少，如果可以煎得脆口啲會更好～整體評分 (6個🐽為滿分)味道：🐽🐽🐽🐽抵食：🐽🐽🐽🐽🐽環境：🐽🐽🐽🐽服務：🐽🐽🐽🐽

之前經過見到大排長龍，已經心動想去試，所以今日收工就一早飛奔過去，我建議大家可以喺旺角東站落車比較近。由於我哋比較早到，所以唔使點樣排隊就可以入到去食。一入到去我哋就即刻揀咗牛肉壽喜燒配烏冬 $98燒牛肉丼配溫泉蛋 $58快樂嘅肥仔水（可樂）$12大紅袍烏龍茶 $16壽喜燒有滿滿嘅牛肉，咁嘅價錢有咁多牛肉性價比真係高燒過嘅牛肉就比較香口，配埋滑捋捋嘅溫泉蛋，味道一流加埋嘢飲都唔使$200就落到樓，價錢都唔錯我哋食完之後已經出邊有人排緊隊，唔想等太耐嘅話話真係要早少少嚟到

港人對日本有名餐廳o係海外開o既分店都特別喜愛，等我都唔執輸，跟隊排下食呢間丼飯店。鋪頭沿用日本總店鮮明橙色同大大隻日本字o既醒目設計，加上選址o係旺角the forest 成座building 都好澀谷feel 好潮，價錢又夠晒平民，CP 值高！丼飯有並(普通)、大同重量級三個level 揀，試o左一客並size o既燒牛肉丼配唐揚炸雞2 件($55 無加一)。首先普通size o既飯量都ok，牛肉鋪到滿一滿，再附上少許菠菜。d 牛肉本身o既肉質我唔會話佢好高級，但蘸上惹味醬汁燒製，味道濃郁。d 汁滲到飯裡，輕輕攪拌，讓人胃口大開。o個兩件唐揚炸雞，超級好食，5 粒星！佢唔單止大粒，d 雞皮仲炸到好脆，一啖咬落去真係「索索」聲無o厄人，而裡面o既肉仲係好熱同鮮嫩juicy。終於都知乜o野係真正o既日本唐揚炸雞，食過呢間而家簡直番唔到轉頭呀……除o左牛/豚肉丼，餐廳都有得叫d 定食同咖哩飯。我地另外叫o左個餃子定食，才$40 就有咁多款式，物超所值！以椰菜絲為主o既沙律，可以o即沙律醬，或者加檯上一隻類似油醋o既汁都唔錯。味噌湯加入o左豆卜，不過略為有少少偏鹹。主角餃子上檯時聞到煎到好

未開之前，經過已經見到佢裝修，非常好奇係咩餐廳，等咗個幾兩個月，終於開喇☺️ 原來係日本過江龍，人氣連鎖牛丼店。一開始冇外賣自取，非常多人排隊，之後終於有外賣自取，就試試佢！大概等咗15分鐘就可以拎得！我哋叫咗兩碗都係細嘅，對於女生來講，份量啱啱好呀！(≧▽≦) 男生應該叫大先夠食。米飯方面，就感覺煮得太軟同水，無咗日本米飯嘅口感。▧ 燒牛肉丼本來以為係吉野家牛丼味，但原來係好唔同！係燒汁煮嘅牛肉，醬汁非常香口惹味( ´▽｀) ▧ 鹽燒牛肉丼又係另一種口味，見到無醬汁以為會無咩味，但又唔錯，連同生洋蔥絲一齊食，不知不覺一口接一口。

最新日本過江龍店舖會唔會就係呢間 「東京チカラめし」？無論個答案是對或是錯都好，可以肯定嘅係自從喺旺角開業後，以親民價錢吸引咗好多人排隊食。我哋特登喺晚上6點前到，都已經有大約10個人喺我哋面前。好彩嘅係只係排咗10分鐘就有得入座。排隊時已經決定咗食咩，一坐低就立刻掃QR落單。所有丼都係即叫即做，我哋等咗大約10分鐘後就有得食喇。▫️燒牛肉丼 (配唐揚炸雞2件) 每日新鮮醃製嘅牛肉比其他牛丼店厚身。店內最大賣點就係即叫即用鐵板燒啲肉類，再配日本秘製醬汁，真係同日本食嘅味道一樣呀。普通size牛丼配兩件炸雞(HKD55)。▫️鹽燒豚肉丼 (配溫泉蛋) - 來自荷蘭嘅豚肉片帶有少少肥膏，用鐵板燒嘅時候啲油好自然就吱晒出嚟，跟牛肉丼比較，呢碗豚肉飯油膩感就重好多喇。不過我將隻溫泉蛋撈咗入啲米飯後再就覺得好好多。豚肉片嗰種鹽燒味道好突出，呢碗丼都值得一試。我哋口痕想每個丼都跟個小食😆😆如果唔係嘅話就咁叫一碗牛/豚丼最低價錢係$45 (普通size）。以咁嘅質素絕對抵食。大胃王擔心唔夠食嘅話可以叫大size，都係貴$10啫。▫️餃子 (HKD15) - 另加咗一份餃子作為小食。餃子上枱時仲熱辣辣，皮薄