影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
相關文章
我同一對仔女，對日式既牛肉飯係情有獨鍾的。然而，在香港，因為比較少出市區，我地黎黎去去都係食同一間既牛肉飯。所以，一有機會出到黎旺角，我就會同仔女去試下一些大家都未食過既日式牛肉飯店。這一次大家在旺角的波鞋街，遇到了這一間《東京チカラめし》。不得不說，每次經過這店，都被牛肉的香味吸引住了。而見當天沒有人排隊，我就帶著阿女，一人一份牛肉飯了。日式的牛肉飯店，好多都是裝潢簡單，食堂式咁經營。若這不是一間日式牛肉飯專門店，入到來餐廳的感覺，就同一間港式茶餐廳既分別不大。這兒，是要用手機點餐的。老人家用不慣手機時，也可以叫店員過來落單。都叫到方便架啦。比起在日本，要自己出來自動售賣機自己按，已經是方便多了。而為我自己點的，是一份燒牛肉定食。豐富的定食，有沙律、有湯、有一大碗白飯，當然，仲有一份超份量的牛肉。像我這一種喜歡叮燒牛肉的人，一定會好開心。沙律，只是簡單幾條椰菜、粟米加沙律醬。作為前菜，這一個份量已經足夠，再加上蔬菜的清新感覺，同新鮮菜才有的爽脆口感，不得不說，是一份好沙律。食日本餐，尤其是在香港食日式既定食餐。味噌汁 (麵豉湯)，基本上是一定會有的。而是日的味噌汁，味道夠濃，加了炸豆腐又多了一重可愛的口感。再者，個湯夠晒熱，入口順滑，感覺是舒適的。我點的定食，是一盤燒牛肉。這兒的是醬烤牛肉，所以，有一份濃濃香香的日式醬汁味。入口香甜，而牛肉味道濃郁，薄薄的一片，很香，但稱不上是滑。伴以白飯，可真是一流啊。再加上這帶有牛肉的油香感，伴飯更美妙。所以，我點給阿女食的燒牛肉丼，連香甜醬汁一起吃的丼飯。不得不說，是更美味的。原因就是底下的飯，把甜甜的醬汁同牛肉油完美的吸收了，吃起來的確是更香，更可口，更甜美。亦因為有牛肉油，這樣吃的飯，比起我的定食，更飽肚。妙，這絕對是美妙的一餐。也是好味道的一餐。而最開心的，就是那醬香味濃郁的牛肉片，比起其他牛肉丼飯的汁煮肉，更勝一籌。
繼續閱讀
奶路臣街球場對面，The forest嗰邊地鋪，就係呢間所謂「燒牛丼元祖」既日本過江龍餐廳Tokyo Chikara Meshi！裝修簡潔，有日式既感覺。檯面有辛辣醬、豉油、和風汁、五味粉、 胡椒粉自由調味，仲有清水自助。QR code落單,QR code scan既menu比餐牌顯示更加多嘢食。小食除咗炸雞、餃子之外，原來仲有脆炸香芋地瓜球、吉列蠔、吉列蝦、章魚小丸子...唔想食飯既話，原來都有烏冬揀！🥩🍚鹽燒牛肉丼(配温泉蛋🥚)$58用優質美國牛腹脅肉，而且即叫即燒，牛味濃，肉質鮮嫩，唔會乾柴，牛肉丼係不錯！大大推介要叫溫泉蛋！撈飯食！超好味❣️😋🍱重量燒豚肉飯$78用上優質荷蘭豚肉，簡單表面薄薄灑上秘製鹽燒醬汁再燒，已經幾好味。重量級份量真係好大！仲有d醃生姜片配料。🥚温泉玉子$15真的建議呢15蚊唔慳得，叫黎撈飯食真係無得頂❣️🍗唐揚炸雞3件$18大大粒外脆內juicy🥟餃子3件 $18幾抵食，外皮煎得香脆大紅袍鳥龍茶(無糖)$16雲抹日式線茶(無糖)$16除左支裝飲品/汽水，餐廳都有提供特色熱飲。不過天氣咁熱，都係揀凍飲爽😆
繼續閱讀
我之前都有朋友同我講有間日本嘅好出名食丼飯［東京チカラめし］登陸香港，期待咗好耐終於有時間可以喺旺角順便shopping食嘢，坐低咗依個好有一個日本氣氛嘅感覺，因為佢一個連鎖嘅舖頭，但係裏面嘅所有職員都好有招待嘅感覺，感覺好似置身於日本咁，坐低咗一陣我哋都即刻掃QR code落order😛😛重量燒牛肉飯朋友話最鍾意食牛肉飯，所以order咗一個重量級嘅燒牛肉飯🥵嚟到枱前一盒日式BOX set送到枱上，打開滿滿嘅牛肉白飯上面，一啖咬落去牛肉嘅燒過嘅香味特別濃郁再配上日本買感覺好甜好黏口，所以食落去嘅味道好正👍🏻最後我哋都追加咗個溫泉蛋配埋一齊白飯，絕配 🤩燒豚肉丼配溫泉蛋另外我就嗌咗個燒豚肉丼配溫泉蛋，估唔到除咗牛肉好味之外，原來豚肉都好大驚喜😳豚肉嘅分布油脂啱啱好肉質好嫰，開埋個溫泉蛋食落去嗰種口感大滿足😙再加餃子三件最後追加咗兩款小食，小食餃子會有三件煎好餃子外脆，而豬肉餡好juicy，點埋日式醋，和風味首出晒嚟😌唐揚炸雞三件炸雞原來食落去個口感好嫩，勁Juicy雞皮連埋粉漿一齊炸至好鬆脆😍追加咗兩杯嘢飲，一杯可樂同檸檬茶，飲完透心涼😛
繼續閱讀
昨晚我訂了東京チカラめし（日本燒牛丼元祖）的外賣，點了他們的燒牛肉丼配溫泉蛋，費用大約是80港元。以下是對這份外賣的評論：這頓外賣的燒牛肉丼配溫泉蛋味道還算不錯。燒牛肉的肉質較為軟嫩，入口後散發出淡淡的燒烤香氣，燒汁的味道稍稍偏向甜味，這點可能會因人而異。溫泉蛋的蛋黃口感滑順，與燒牛肉搭配得宜，增添了整體的口感和豐富度。80港元的價格對於這樣的份量和質素來說，算是相當合理。外賣送到家的便利讓整個用餐體驗更加輕鬆和便捷。雖然這頓外賣沒有什麼特別突出的地方，但整體而言，讓我感到滿意。如果您想在家中享用一份日本風味的料理，這家店提供的選擇算是不錯的。總的來說，東京チカラめし的燒牛肉丼配溫泉蛋外賣提供了一項簡單而美味的選擇。儘管沒有帶來驚艷的感受，但這樣的口味和價格組合仍能滿足一般食客的需求。我會考慮再次選擇這家店，也會向喜歡日本料理的朋友推薦這份外賣。
繼續閱讀
我喜歡這裏的燃燒豚肉丼，因為啲豬肉夠林，味道唔錯，加上美味的醬汁，還有黑椒調味，整體的味道唔錯。雖然賣相普通，但味道唔錯，價錢又合理。啲侍許多侍應生的態度普遍友善。
繼續閱讀