心燒食堂

營業中

休息中

週末沒訂枱的情況走咗上去walk in , 好再仲有一張台。店內有不少日本松島安嘅抵死語錄同海報擺設，而店內用劃菜單交服務員落單嘅方式下單，款式不算少 有部分亦算幾有特色 大致分6大類別 而酒類選擇也不少 對於啲冇idea飲咩嘅亦有必喝名物推介可以參考。不過有啲服務員可能相對新對飲品未必好熟悉 但態度算幾好都搵人嚟回答返我哋嘅疑問。整體係我值得回頭嘅居酒屋😋 店內燒物相對出色 亦係佔菜單最多選擇嘅item .2個人叫咗12道菜+ 1道主食+1杯啤酒1杯 cocktail (Lion on the Rock)🤤 飽到上心口，好滿足😌😋 當中燒物中嘅燒白鱔相當正😋 皮脆肉質彈牙魚身肥厚而且有魚油香。 燒聖子 大大條幾厚肉唔會燒得太乾身岩岩好 夠鮮。心燒龍串鳳 雞翼包蝦乾係幾特別嘅配搭 ，另外燒菠蘿亦幾大條燒完令甜香更出 大愛🥰 鍾意菠蘿嘅人士一定要嗌依個。 而炸物嘅脆炸粟米金磚炸得好脆口而且無芯可以啖啖粟米香 、脆炸廣島蠔 亦不錯 唔會覺得粉漿厚 蠔身都有蠔味。 下酒菜中嘅汁煮東風螺，螺嘅Size 唔會太細幾新鮮汁醬提鮮食完一粒會想接一粒😋 另一半

【串燒性價比之選】📝整體食評食物種類豐富，已經有點眼闊肚窄，因為想試的食物實在太多，而且係美味的。性價比之選，當然係食咗咁多美食，都係$1000鬆啲，會想再回頭。進食當日係情人節，全店滿座。心燒免治雞肉棒 $48 😋9.5/10 【必食】肥美雞肉棒配上生雞蛋，配搭非常夾。兩人一串都可以夠食。燒蟶子皇 $68 😋9/10 【必食】食物新鮮，配上醬料更美味。燒珍寶網貝 $78😋8.5/10 【推薦】食材新鮮，其實新鮮已經勝過一切。燒松葉蟹配多士 $88 😋8/10松葉蟹多士非常有誠意，有6塊多士，2人食份量都略為多。多士夠熱香脆，值得可加。心燒雞翼 😋8/10不過不失😆燒特級牛脷芯 $68 😋8/10 【推薦】串燒牛脷芯特別難抗拒，沒有over cook之餘，牛脷肉質厚嫩，值得推薦。脆炸粟米金磚 $68 😋8/10 【推薦】上枱係係熱到燙咀，炸物一定要夠食。食物方面，鹽燒粟米帶點咸味，格外開胃。芝士年糕 $42 😋6/10網上都頗多人推介，但個人不太喜歡，感覺有點奇怪。年糕似湯圓口感，較喜歡甜食，不過都幾特別，值得一試。燒甜蕃薯 $38😋7/10不過不失😆燒翠肉瓜 $38 😋7.5/10不

今次同朋友慶祝生日就揀左係位於銅鑼灣既心宵食堂💛好耐無食過居酒屋 一入到去店員安排咗一間細房仔比我地 😍 但房間既隔音就麻麻地 好透聲唔建議大家係到講秘密🤣 同埋就算自己同朋友傾偈都會有回音 千祈唔好咁大聲講嘢🤣🤣另外 呢間居酒屋好多野食選擇😍最後忍唔住咁叫左好多野食👇🏻🦖一帶一露💸 $138/份個名好特別 但佢入面有黑松露 海膽 帶子同青瓜好似好吸引咁 但食落就無咩味 有d冰鮮感🫥🐚汁煮東風螺 💸 $68/份份量都算多 佢既汁好濃 好似甜味既滷水汁咁🤣螺肉都好彈牙🤣有驚喜！🌽脆炸粟米金磚 💸 $78/份🍚海膽炒飯 💸 $138/碟炒飯底粒粒分明 食落唔夠熱🤣🤣 🐮日式金菇肥牛卷 💸 $88/份🐮芝心牛肉卷 💸 $58/串千奇要襯熱食 如果唔係凍左就好難咬🥹🐷燒豬頸肉伴柚子汁 💸 $48/串好食！ 肉質嫩滑 配埋柚子汁 食落好fresh😍🐷燒豚肉葡萄卷 💸 $48/串好特別 豚肉包住葡萄係入面 可以解左豚肉既油膩感😆🐔燒雞腎(麻辣）💸 $38/串好彈牙爽口😍😍 🐣燒雞軟骨（鹽燒）💸 $38/串居酒屋必點😆 無得輸😍🍢燒芝士年糕餅 💸 $42/份食落好似芝士味既麻薯波波 必點❤️‍🔥🍍燒

有日，朋友問我食過呢間日式食堂未，我回覆她是，我五年前食過，啲嘢食很好，仲記得好好味嘅蜜糖燒午餐肉。因為我太耐冇食而我朋友又想食，就約埋一齊去食😁*呢間日式食堂有2層，不搭𨋢只可以上到23樓，我哋7點到達，店內已經差不多坐滿晒人啦。枱與枱之間比較狹窄，真係肥一啲可能坐不下🤭*餐牌紙上有好多選擇。我哋就分開咗3次點餐。好攪笑係，第一次點餐後，店員會入機，之後會係張餐牌紙上打星星，然後俾返張紙我哋，話我哋知嗰啲就係多人點嘅食物。*以下是按照我喜歡食嘅排名😝*燒午餐肉(нк$28)．厚切，燒得香脆，有蜜糖塗係面㗎！燒芝士年糕 (нк$42)．麻糬的煙靭，芝士軟溶溶🤤．送到過嚟不要即刻食，因為會熱到辣口㗎！燒特級牛脷心(нк$68)．原條切成五件，厚肉爽口～*脆炸芝麻雞翼(нк$58)．炸得香脆，不太油膩，有芝麻香燒豆腐干(нк$26)．原件豆腐咁燒，外表皺皮，內裏多汁燒煙肉廣島蠔(нк$52)．特別，第一次見煙肉配蠔，味道幾夾喎！燒菠蘿(нк$38)．嘩，有1/4個菠蘿，抵食呀！．燒晒啲甜味出嚟，當甜品食Lychee Temptation (нк$65) x 2．荔枝沙冰，一路飲一路等啲冰融

本日跟朋友試了這家想試很久的店，預訂了7時正，不用等就可以入去坐下了，坐低好興奮地除下口罩，用消毒啫喱消消毒先，店員等我們坐定定舉手先落單，由於通常朋友們出黎聚都係為Relax，所以好Chur果D，例如一坐低就問我們落單同食飽飽就不停地吹我們（無論用言語上定行為上)付款既店，好食都唔會有下次，但這家係有點細心，由落單到埋單，無吹之餘重耐唔耐會留意到客人有咩需要，出餐次序排得好好，有好多餐廳邊樣煮好就上邊樣，濃味野會蓋過D比較淡的菜式，呢個就係為什麼有時候明明不錯，但好似唔夠味咁。除了最後我們問店員想要杯水清一清口漏左之外🙈，其餘都很好！第一樣坐低緊係主菜啦，帶了整天口罩，口都乾，上得超快，爽我的是Suntory既生啤，朋友的是巨峰Chuhai，燒物配啤啤真係無得輸！重點夠凍，生啤無咩意見，就係生啤味，朋友說她那杯提子味重，燒酒味相對輕💕薑蔥煎蠔裏面係有點蔥油，但只係一點點油味，夾埋外面既薑食，夠熱！牛油炒露荀個人覺得唔夠熱，牛油味淡淡，整體OK銀鱈魚西京燒燒得啱啱好，D魚肉唔會熟過頭，襯埋蛋黃醬甜甜地，真係堅正燒芝士年糕嘩，呢個係我既至愛，外面脆，裏面芝士流出黎，芝士味濃，雖然好多

上星期五對自己好啲，去咗日式居酒屋食串燒，呢一間心燒食堂喺銅鑼灣都好出名，除咗係旺店之外食物質素都幾高。今日就嚟一試高下！💛·首先出場嘅係一帶一露， 個名令我諗起中共啲搞唔成嘅嘔心計劃🤫🙄。但係嘢食來講賣相好吸引：用咗酒杯去呈現鮮甜creamy嘅海膽，嫩滑彈牙嘅帶子、同做點綴嘅黑松露。每一啖都係驚喜、 滿足，好正啊🤤🤤·燒雞腎同心燒雞翼用咗鹽燒已經帶出佢哋嘅味道，唔會煮得過火👌🏻·燒菠蘿🍍真係要盛讚！！未食過咁好食嘅菠蘿，外皮輕輕咁燒左，內裏嘅菠蘿鮮甜可口，一啲酸味都冇🤯🤯！！仲要唔駛點咬！！🤯🤯·牛油炒雜菇完全唔會失手，冇嘅：山牛油炒咩都好食㗎啦😗·肥牛魚湯烏冬就真係普普通通，肥牛有啲硬、魚湯都好淡，可以唔使試🧐·店舖細細，帶嘢食都OK用心。雖然價錢略貴，建議重要日子可以去食下，因為最重要係佢個projector播緊rthk，淨係咁到值得去啦👌🏻💛-一帶一露 ｜$138燒雞腎｜$30心燒雞翼 ｜$40燒菠蘿｜$40肥牛魚湯烏冬｜$88牛油炒雜菇｜$68-心燒食堂 (銅鑼灣)銅鑼灣駱克道487-489號駱克駅22-23樓-

同老細(男友)慶生，有別於以往去啲高級fine dinning鋸扒紅酒配靚view，今年試吓去呢度俾啲新鮮感佢😆一坐低老細已經話唔客氣瘋狂點嘢食，由於我都肚餓同想老細盡興，就無節制地叫咗11-12道菜加兩杯嘢飲，諗住唔會太大份啦，點知有啲嚟到個份量又真係好足料喎😂尤其我哋叫咗薑蔥煎蠔、南蠻炸雞、同脆炸自家製牛肉餅，全部都超厚身又juicy又好味，雖然我哋有叫枝豆同燒菠蘿解滯，但老細都要再叫多杯綠茶消滯，細食嘅朋友記得一開始要忍下手唔好叫太多啦。至於個人認為最驚喜係佢哋個涼拌山葵牛脷！本來對呢款菜感覺一般般，結果我係清曬成碟！🙈佢用嘅豉油加山葵，好有食sashimi feel，下酒一流！而老細覺得最驚喜係烤豚肉葡萄卷，成粒提子爆汁而又解咗豚肉嘅肥膩，佢話好似食咗瀨尿牛丸咁，有初戀嘅感覺...😂其他菜式都好食，無一碟令人失望，最後兩個人食到個肚脹爆，埋單又比想像中平喎，不過係以我預算請食生日飯budget嚟去講，平時我哋就真係唔會咁捨得😬唯一一個地方無咁好就係餐廳地方比較細，如果唔係坐近牆邊，中間啲位都係窄同難放袋/褸，如果要我再去嘅話，盡量衣著打扮會輕便一啲。

位於銅鑼灣的 「 心燒食堂 」是最近在網上頗有名的串燒居酒屋建議大家要來吃的話預先打電話訂座，因為在平日滿座的可能性都頗高這餐廳佔了兩層樓，在餐廳內部有自家的樓梯供上落我們是被安排在22樓，不過位置有點像是特地弄出來的~就用屏風稍微隔了一下餐牌的話直接就是下單用的紙，主要的當然是串燒之類吧部份有手繪風的圖可以參考一下～另外酒精飲品的Menu當然也不少得，不喝酒的選擇亦有~店員都幾落力推客人點飲品涼伴山葵牛脷 ($45) - 說是山葵，但其寶蒜頭的味道更為濃郁牛脷的厚薄適中～口感爽脆脆炸粟米金磚 ($68) - 一排的粟米，吃起來十分香甜的喔南蠻炸雞 ($78) - 上桌時還透著熱氣～外層很香脆，內裡的雞肉很滑嫩而且仍保留了肉汁～喜歡的話更可以配上酸酸地的醬汁，吃落味道更為有層次燒豚肉葡萄卷 ($48) - 之前吃過的都是配荔枝 ... 配葡萄還是第一次吃，剛好我吃的那粒有點酸～能做到解膩的效果不過我自己的話是喜歡荔枝的那種甜味多一點 薑蔥煎蠔 ($88) - 蠔很大一隻，十分飽滿呢！爆香過的薑蔥讓蠔吃起來沒有腥味，蔥還辣的～整碟很惹味耶心燒龍鳳串 ($48) - 其寶這是蝦乾釀雞翼，最

以下跟據上菜的次序排列:涼拌山葵牛脷 ♥♥♥♥ 不知為何有種熟悉的中菜味，白醋蒜粒芝麻蔥花還真是經典的頭盤味道。山葵是比較不同的地方，重要是牛舌很脆，口感非常好。脆炸酥粟米金磚 ♥♥♥♥ 想像不到怎樣砌成磚，誰知道是從整條開始切下一大塊上粉炸。完粒粟米特別甜，新鮮炸起再撒點椒鹽，新奇又好食。南蠻炸雞 ♥♥♥♥♥ 極品除了滑嫩熱辣辣真的沒什麼好形容，畢竟誰也知道怎樣是好的炸雞。不太記得南蠻沾什麼醬，不過這碟就有點像稀釋了的千島醬。燒豚肉葡萄卷 ♥♥♥ 剛好我吃中的那顆是酸提，好好地中和了燒肉的油膩，肉汁很多不會乾，不過我認為還是夾荔枝的話味道更好。薑蔥煎蠔 ♥♥♥♥ 一看到覺得蠔真心大隻，外表爆得很香脆，入口有薑味，淡淡肉又唔腥。通常見到蔥都會好開心，但這款就因為生而超級辣。心燒龍串鳳(蝦仁釀雞翼) ♥♥ 樣子看起來很飽滿，也塞了很多隻蝦乾在內，只是本來就乾身再加上都出了味，就顯得不太好食。月見海膽飯 ♥♥♥♥ 看相以為正常size但來到才知道是迷你碗，明顯不夠分。但除了份量外，海膽味道香濃嫩滑鮮甜，非常不錯。燒芝士年糕餅 ♥♥♥ 與平常炸的那種不一樣，可能是焗的，外皮比較鬆脆。內裡當然

之前已經聽好多人講過呢間居酒屋架啦，知道佢都算難book. 好開心今次生日黎到呢到食飯呀 🤗呢到間咗幾間房，抽氣做得唔夠好。坐一陣就覺得好煙。不過唔好理，啲嘢真係好食 佢地仲好細心安排個燒菠蘿🍍係最後先上!

近來銅鑼灣最有諗頭又有質素嘅串燒店，心燒食堂一定係其中一間。事關佢地早幾個月推出左一帶一露半價優惠，而呢個月就搞左"叫我梁特首" 送燒雞翼優惠，令市民衷心感受到中國同特區政府俾左幾多機遇香港。因為機會係唔等人同埋之後有活動，我地兩個六點半就嚟到，叫左兩隻梁特手，一帶一露，鹽燒大虎蝦，燒油麥菜，燒蕃薯，燒豚肉葡萄卷同燒菠蘿。一帶一露係由一粒珍寶帶子圍住一堆北海道海膽，帶子面有黑菘露，杯底係青瓜加牛油果，上面濃味，下面清新，之前優惠做到$68.9係真係好抵，而家原價$128 都算係合理。梁特手其實即係炸雞翼，開頭諗住送得都係一般貨色，點知上嚟外面脆皮內有肉汁，完全冇欺場。燒蕃薯係日本細蕃薯，有蜜糖起面，咬落去好粉，好似食緊糖咁燒菠蘿係呢度必食之一，當食串燒食到乾乾地，又唔想飲酒，食呢個就最好，好甜又多汁，一份有半個咁多油麥菜冇特別鹽燒大虎蝦真係好大隻，我專登放左隻叉起隔離等大家睇下個比例，新鮮充滿蝦味，蝦頭好多橙色膏同油，而燒的火候都控制得剛剛好，可以再食。燒豚肉葡萄卷都係推介之一，顧名思義係用豚肉包住青提子去燒，咬落去提子汁爆出嚟包返住豚肉，在口內有一種新感覺。銅鑼灣食串燒心燒係食物質素

串燒，對我而言，係一點都唔飽肚，可能因為我喜愛食飯，但突然想起好似真係好耐冇食過串燒，於是約左朋友一齊食，而哩間既串燒係我一直都想試既其中一間，原因係因為真係幾有名同間中我會見到身邊既朋友POST哩間既串燒，所以先好奇地想試下我地提早一星期已打電話去訂位，幸運地有位（因為聽聞幾FULL） 我地睇左張叫餐紙好耐都諗唔到叫咩好，因為實在太多選擇，最後我地簡左以下幾樣..柚子汁燒豬頸肉：食第一口，好特別，原來柚子汁同豬肉都幾夾，燒得剛剛好，唔會老同膩燒牛俐芯：好好食，我平時食開都係薄切個種，同埋好似會燒到好老咁，但佢哩度既牛舌係燒到半熟同埋好有口感 燒甜蕃薯: 一般所食到既甜同冧，無咩特別燒白鱔：好食，燒得好冧同好入味，本身個醬汁唔同平時燒汁既味，可能係哩度獨有既芝麻炸雞翼：我地係佢地個PAGE見到話我地只是叫一句"叫我LEUNG X首"就可以每人免費有一只，幾好食一帶一露：好好食，當然賣相好靚之餘，味道好新鮮好夾，海膽同青瓜沙拉撈埋一齊食好鮮甜，帶子好大粒，我同朋友一齊SHARE左一半，配左黑松露好好味燒菠蘿：燒得剛剛好同好甜好多汁，意想不到咁大份，我以為得2-3塊，估唔到有咁多舊京燒銀鱈

心燒食堂近來極具人氣，吃貨如我當然會慕名而來，一睹蘆山真面目，但少不免會中伏碰釘。心燒食堂主打，一帶一露：以施政報告中的「一帶一路」的食字為名，加上早前以優惠價 $68.9 把一帶一路譏弄一番，點子不錯。帶子鮮甜肉質飽滿，黑松露能提味而沒有遮蓋帶子鮮味，海膽新鮮口感豐盈。海膽杯以這種形式呈現確實很有創意。脆炸芝麻雞翼：炸得太乾太老了，外皮硬脆而內裡肉質欠缺肉汁，不見得芝麻發揮了點綴效果。炸雞翼被美名為脆炸芝麻雞翼了。再這，這雞翼的尺寸也小得有點可憐吧。燒雞皮：部分雞皮經已被烤焦，使無味的烤雞皮帶上一點炭味，非常有層次感。建議吃法：擠出大量檸檬汁於表面然後吃用。燒美國牛脷芯：牛脷芯的肉質堅實而欠缺彈性，感覺與普通牛肉無異。持平地說，主打的確實好吃，但整體表現確實叫人失望。以這個價位來說，食物質素本應不止於這個地步。