圍威喂 (荃灣廣場) (已結業)

今日想食泰國菜，見到依間排哂隊就決定一試🤣，餐廳位於荃灣廣場，環境幾大又坐得舒適，開係商場入面成日好怕份量小又貴，依間價位份量質素都成正比👍🏻一家幾口黎食不錯☺️。✨另設加一-💕 青咖喱雞 $88👅好味指數：8.5/10份量都唔小😳雞件大概有7-8件，每件大大件，肉質嫩滑軟腍☺️青咖喱好重椰奶味好香甜😍，配合番香港人口味唔會好重香料味，另外配料仲有茄子、豆角、粟米荀等，連茄子都係爽口的😳仲索哂汁，正🤤-💕蒜蓉包 $38/4件👅好味指數：6/10蒜蓉包落單2分鐘就送到黎了😂微暖，有牛油蒜蓉香。-💕 圍威喂!香辣豬肉生菜包 $88👅好味指數：8.5/10適合重口味人士😆，肥豬肉比例會多小小，肉質唔鞋口仲好軟腍☺️，味道會比平時既偏鹹同辣啲，不過辣味令肉碎愈嚼愈香，加埋洋蔥超惹味😍，怕重口味可以夾小啲料包生菜🥬，生菜都有大概9-10大塊，夠哂夾🤤-💕 燒豬頸肉 $98👅好味指數：7.8/10豬頸肉大概都有8-10塊，肉質爽脆彈牙，配埋個泰式酸辣汁，真係有泰國風味🇹🇭。-環境：8.5/10服務：9/10好味指數：8/10回頭率：8/10

荃灣站📍圍威喂-流連荃灣既我終於試到呢間圍威喂😋呢間餐廳晚飯時間好多人排隊，全場爆滿，見到咁eye catching 既招牌，心郁郁都排埋一份🤪泰式燒安格斯牛柳沙律（$88）呢個沙律作為前菜好開胃！牛柳燒香唔靭，配埋沙律菜、青瓜、車里茄等，仲有酸辣開胃既醬汁，好fresh好惹味😋👌牛柳切條，大大話話都有9-10條👍🏻燒豬頸肉（$98）呢個燒豬頸肉係我食過最滑同爽口既豬頸肉！平時豬頸肉有時會太瘦，有時柴口，呢個肥瘦適中，有10片左右，配埋青檸汁同秘製醬汁，酸辣滋味，當然密密食！招牌泰皇蟹肉炒飯（$98）呢個炒飯炒得乾身，面頭有蟹肉，不過份量唔算太多，味道不過不失。泰奶茶雪糕配油酥餅（$58）呢個十分推薦！滿分好評😍😍😍先講雪糕，完美還原泰式奶茶味道（重點有2球😽），仲有煙靭珍珠🤤🤤另外配埋煎好既酥餅，雖然鹹鹹地，但mix埋完全冇違和感😋😋😋好鬼好食！呢個份量兩個人share岩岩好！（女朋友每食兩啖講一次好食😹）環境方面，裝修好有特色，連上菜碟都好有東南亞特色（本身上菜個陣以為係藤籃質地，原來係瓷器😯）！餐廳仲有一幅打卡牆(植物牆配霓虹燈），可惜太多人我影唔到🫠食完野行埋一田，做緊大減價，

去荃灣廣場行開街，夠鐘食野又想食東南亞菜式，呢間都係一間唔錯既選擇☺️☺️（5分為滿分：🌕）味道：🌕🌕🌕🌘🌑燒豬頸肉($98)味道唔算出眾，每塊豬頸肉都切得好薄，唔係好夠喉,食完好似食左空氣咁😂🧐覺得厚切豬頸肉先係最好食💕沙嗲雞肉串/牛肉串($38/$48)串燒反而有驚喜，肉質夠稔又入味，係全餐最好食🤣青咖哩雞($83)青咖哩味道惹味，椰汁味香之餘又唔辣，用黎撈飯一流🤤雞肉肉質嫩滑，如果配菜再多啲就更好喇🥸圍威喂！炒金邊粉($88)味道中上，略嫌炒得濕左啲🤏大蝦份量都幾多，唔會得一兩隻泰式菠蘿炒飯($98)都係同樣問題，炒得唔夠乾身，同埋覺得落得太多提子乾🤣感覺怪怪der 馬拉盞炒通菜($78)呢個炒通菜夠曬惹味同獲氣🤪算係今餐第二好食既一道餸😆熱帶百香果梳打/薄荷檸檬梳打($24/$26）叫左少甜先係岩岩好，同埋大家記得要撈均啲，如果唔係啲糖係曬底，不過呢個價錢算係大杯🙉😝PS：唔食芫荽既朋友要小心，呢度好多餸都會自己落左芫荽🤣🤣🤣價錢：🌕🌕🌕🌑🌑人均大約$170左右，商場黎講正常價錢😂交通：🌕🌕🌕🌗🌑位於荃灣市中心既荃灣廣場，雖然唔係係地鐵站/西鐵站旁邊，但行過去都好方便😁 停車場位置

💁🏻‍♀️之前食過呢間fusion泰菜印象唔錯，經過見到而家外賣套餐低至六折，非常實惠，有1/2/4/6人套餐選擇，一於試吓。我哋叫咗$248二人B餐另加燒豬頸肉 ($98)-晚市餐牌外賣自取八折，等外賣期間都見到有唔少人order，同堂食一樣咁高效率，等咗一陣就有得拎啦！🥡外賣包裝好用心，即使外賣返屋企賣相一樣精美，餐盒嘅設計有撕開位，好快就可以擺得靚靚用餐。食泰國菜醬料係亮點，即使係外賣優惠套餐，餐廳一樣一絲不苟，🌶每一款菜式都跟足唔同嘅醬料。二人餐份量非常足，頭盤🍤蝦餅紮實彈牙，真材實料，冬蔭功單骨雞翼香脆惹味，🐓海南雞半隻大大份兩個人食綽綽有餘，仲要去晒骨食得非常暢快，雞味濃香肉滑，🍚油飯香氣十足，淨係呢幾樣食物已經值回票價！仲有塔香炒青口拎到返屋企食都一樣嫰滑，醬汁香濃送飯一流，跟餐嘅🥬馬拉盞通菜同兩杯🍹青檸梳打一樣有水準，另加嘅🐖燒豬頸肉惹味焦香，爽滑彈牙配埋秘製酸辣汁💯！好耐都冇試過晚餐食得咁豐盛，好滿足😋💡所有食物拎到返屋企都保存得好好， 如果要加熱原盒放入微波爐就得，呢度嘅外賣實在係高質之選！