粉果佬

營業中

休息中

用餐時間（6:11pm snack）以前廣福邨廣惠樓對出冬菇亭車仔檔，老闆係鶴佬人。喺舊檔，老闆喺後面包燒賣，老婆幫手賣，同街坊有傾有講，樂也融融。🥰之後無做，過幾年喺街市開咗間舖，最後喺大埔中心昌運賣。一粒燒賣，由車仔檔做到開鋪，真係唔容易。仲記得以前老闆同我講話燒賣用鯊魚肉、大地魚、肥豬肉、冬菜等自己用手打成，配埋豉油同辣油🌶️， 十分滋味。（果陣仲話教我點整👨🏻‍🍳😂）但好可惜今次再食，覺得粒燒賣好硬好實，似乎落多咗粉，食兩粒已經覺得好滯。隻味其實都差唔多，只係鹹咗少少。至於粉果🥟由舊舖開始我一直都唔太鍾意，皮比較厚，餡係足料嘅，只係個人口鍾意佢個燒賣多啲。每次我帶個盒去裝，佢都會送多粒魚蛋/ 燒賣，呢啲咪叫人情味囉。

難得入一次大埔，梗係要食大埔名物粉果佬啦～平日難得唔多人，好快就買到👍🏻燒賣最緊要熱，質地口感小小彈牙，配上佢地個祕製辣汁，成件事都幾嘢味。不過價錢就小貴啦，整體嚟講都好食嘅👍🏻

-粉果佬-@大埔.大埔名物，好多人話佢地的燒賣名過其實，但粉果佬燒賣一直係我心目中燒賣的No.1。.魚肉燒賣 ($10/5粒)每粒燒賣都係每日人手包的，粒粒形狀不一但都好飽滿。燒賣皮蒸得好滑身；餡料用上豬肉同魚肉，食落夠晒口感，特別煙韌。.另外都好鍾意佢地的辣油，唔會一味死辣，仲好重辣椒香味，一流。.平時會買定一大盒未整熟的燒賣返屋企，口痕個時蒸15分鐘就食得 (圖2)。.依家好少見佢地大排長龍，對我黎講係好事，唔洗等。如果黎大埔真係好值得一試。.老闆娘同店長姐姐都好nice，有時會送多粒。

之前經過幾次見到排長龍，今日冇人排隊又有啲餓就幫襯下啦～ 以前食過啲粉果，完全係過份吹奏既，不過好多人話燒賣先係尼度招牌小食，就俾多次機會佢🧐2蚊一粒其實唔平😥 見到師傅係廚房入面默默用心製作 就試吓吧熱辣辣，香魚肉味既，相信加埋辣油會更好味，但性價比低比起粉果的確係好食啲既

難得入大埔 就去試吓好出名嘅粉果佬夜晚7:30去到粉果已經賣晒 所以轉戰食燒賣魚蛋1️⃣燒賣$10/5粒燒賣本身質地比較實淨，個人就比較喜歡彈牙少少食燒賣一定要豉油配辣椒油，佢個辣椒油簡直係神來之筆唔會係嗰種死辣，而係好香口嘅辣，食到我額頭有微微出汗，但唔係食到好辛苦個種辣，會想不停浸佢d辣椒油2️⃣魚蛋$10/8粒比起陳皮魚蛋size大些少質地偏硬但未到陳皮魚蛋嗰種實淨不過不失，都係辣椒油令到成件事昇華晒當日叫咗$20燒賣$10魚蛋魚蛋姐姐可能慣咗手勢舀開$10燒賣所以差啲比少咗燒賣，建議大家睇實姐姐有冇舀少比你啊

行山活動搵食搵到入大埔，難得訂到翻新後小白鷺餐廳食Brunch，所以順手試埋係車站旁，香港燒賣關注組名物既粉果佬燒賣。.路盲眼盲足足兜左兩個圈先搵到間鋪仔😂，上網睇話排長龍所以大安旨意搵人群，結果門口咩人都無，我仲擔心係我自己搵錯鋪。.燒賣 💲10/5⭐️3/510蚊5粒大大粒其實都算抵食，雖然網上面睇明明係$10有6粒😂。係全手作燒賣，宜家已經好少。但可能吹捧得太離地，係大大粒款式。我其實唔太食得出入面冬菜同魚肉，只係覺得豉油好鹹（可能因為食開嘅燒賣豉油都會落糖煮過）同埋個辣椒油幾辣。總括嚟講，特登去會有少少失望。.🔸我唔食粉果所以無試埋，如果唔係咁岩經過不可一不可再。

宜家冇得去旅行，放假走動少咗，決定要去健康人生一下⋯⋯踩單車！點知踩踩下好鬼大雨，迫於冇奈要避雨同順便稍作休息啦，十分之有緣咁停左係呢間小食店附近好耐以前已經聽聞過大埔呢間粉果佬嘅燒賣好好食，今日一見真係覺得好誇張⋯⋯「呢間小食店真係好鬼多人排隊」排左都成二十分鐘終於買到，其實我本身真係唔算太餓，所以就咁好簡單地叫左$20魚肉燒賣餐後感：我本身都好鐘意食燒賣只要燒賣我都覺得好好食😋（當然講緊正常煮熟嘅燒賣啦）抱歉呢間燒賣並冇為我帶黎好大衝擊不過如果唔駛排隊的話，我唔介意食多幾次

一班朋友踩完單車🚴🏻‍♀️🚴🏻‍♀️🚴🏻‍♀️ 朋友話係大尾督食完個麵 踩返去還車之後又肚餓，咁難得黎到大埔😼一定要去試下粉果佬d燒賣有幾好食我地5點去到仲見到有條人龍排緊隊，好彩都係排左大概10分鐘就買到🍡 燒賣$10/5粒 大大粒 熱辣辣 食入口好明顯比一般嘅魚肉燒賣煙韌👍🏻個辣油同樣辣得好過癮🤩大推

難得入到大埔，梗係要拜訪下出名既粉果佬，好似無論咩時間都排晒長龍雖然人好多，不過其實都好快就排到，但排到既時候粉果已經賣晒本身想買粉果+燒賣，既然粉果賣晒都要試下個燒賣，$10/5粒，一場黎到索性買$20人手做既果然唔同啲，唔似一般咁粉，好煙韌希望下次可以試埋佢既粉果

如果你<3燒賣, 有個group叫香港燒賣關注組, 我覺得開呢個grp嘅人好有創意, 不過如果假期要排一個鐘我就覺得真係唔係太值?平日排15mins都ok嘅, $10可以食到唔錯既美食🤣🤣🤣第一次去粉果賣晒🥺, 第二次先食到🥳✨燒賣 💰10 (6粒)💫評分: 7.8/10📝每日新鮮製造, 粒粒真材實料😌✨家鄉粉果💰10 (3個)💫評分: 8/10📝薄皮煙韌, 都幾爽口粉果佬📍大埔寶湖道3號寶湖花園商場2樓227F-06號舖

曾經喺廣福邨起家冬菇亭燒賣既參叔，同姪仔係同邨街市開舖做燒賣，但同姪仔反目成仇，被拆夥，其後高山粉果燒賣就由姪仔管理，踢走左參叔，全因為一個錢字。三叔谷氣下自己喺昌運中心開咗依間新鋪，同高山劃清界線。燒賣由細食到大，但賣燒賣又可以排長龍嘅香港應該得幾間，而呢間粉果佬就係其中一間。-排隊🧍🧍🧍店舖係12:00開始營業，當日係星期日晏就13:20到達，排隊時前面大概有25個人，等咗大概20分鐘就排到，基本上日頭時間條龍都差唔多25人或以上，有試過夜晚經過得十幾人。-Menu📋除咗熱賣嘅粉果同燒賣，仲有提供魚肉碗仔翅、生菜魚肉、碗仔翅同埋咖喱魚蛋。因為粉果同燒賣都係店舖嘅招牌，為免好快賣晒要客人等出爐，每人限買$30燒賣同埋$20粉果。-1️⃣ 燒賣💰10（👅: 9/10）燒賣係用地魚、鯊魚肉同豬肉用機器混和之後，人手打成內餡，將魚漿內搓翻搞，一拳一拳打到佢起膠從而富黏性，喺店後嘅位置即包即蒸。鯊魚肉肉質彈嫩，而豬肉係五花肉，令燒賣增加油香。雖然工序非常複雜，但參叔堅持懷舊嘅味道就係足料、夠味、煙韌。燒賣蒸前同蒸後基本上大細冇乜點變，因為魚肉膨脹系數巨豬肉多好多，可以證明燒賣內餡係豬肉比較多，而

難得入大埔 一search大埔美食就彈出呢間粉果佬 未去到店舖門口已經見到一大條人龍隊伍🤯 最後足足等咗45分鐘先有得食店舖門口有寫每人限買30蚊燒賣同20蚊粉果 但可惜我地當日傍晚六點左右粉果已經賣哂😭雖然人氣極高要大排長龍 但仍然保持平民價錢 無因為人氣而加價等緊拎燒賣果時見到有位叔叔不停搓緊燒賣 每粒都人手包 唔知呢位係咪就係粉果佬🤣終於有得食 排咗咁耐一個人都買廿蚊嚟食😎 燒賣極度煙韌 好有咬口 的確似係用咗鯊魚肉 但亦食到有啲豬肉 兩樣加埋都頗有驚喜🤩 真係未食過呢種口感嘅燒賣 同時亦聞到好香嘅味道 問返店員話佢地啲燒賣加咗冬菜 唔怪得知咁香🤤 但醬汁略嫌有啲普通🤓 如果下次再入大埔一定會再試😍

早排有啲事要入大埔，順便去試吓呢間近排好hit既燒賣啦！因為燒賣好多好評，所以都對佢有啲期望。諗住難得入到大埔，都排隊試吓啦。粉果就唔諗住試，因為住大埔朋友話，食過既人都話好一般... 同埋當日呢個時候已經賣哂粉果了。點知... 食落係彈牙既，但魚味欠奉。配咸豉油，個人覺得配甜豉油更能帶出鮮味。辣椒油亦唔係特別香口惹味。整體來講算中上啦，絕對無啲人講得咁天上有地下無。不過，食既係一份人情味吧，支持小店係好既。同埋都算抵食！如果唔使排，都可以食吓既

粉果佬我細細個就聽過佢名，其實早幾年佢係廣福邨都重開過一次，如今係大埔中心重開，嗰陣時仲大排長龍，行到門口望入去5-6人製作點心，好忙架，佢賣點係手工燒賣，食過後，魚肉燒賣餡味道或許同出面街賣差唔多，但燒賣皮好薄，同食落口係feel到唔同，煙韌口感，加埋豉油鹹鹹地就好好食，比出面機器做既好好多。因為人手製作啦，所以佢同出邊啲價錢都貴少少十蚊紙有六粒，但我都覺得抵嘅，因為出邊都好少數手做魚肉燒賣，佢仲有咖喱魚蛋同粉果，留返下次再品嚐！