ねずみの王冠 喫茶店

營業中

休息中

一入呢間餐廳超驚喜！因為張凳超大，好chill 慢慢傾計勁舒服，係日系和式的風格，唔會人迫人。一入來就比杯冰水，好貼心！上菜都好快，4個人食呢個分量都多左🤣左口魚芥末忌廉沙律沙律超級有驚喜！因為本身唔想再食一成不變嘅蟹籽沙律🥗而特登叫左口魚沙律，左口魚魚肉好滑，分量都幾多片，芥末忌廉口味超清新，少少倉鼻的芥末好正！口感好好，蔬菜爽脆新鮮，非常之值得一試！日本鮮海草沙律因為朋友食素，所以就叫左一個海草沙律俾佢，一般餐廳都幾少見，口感唔錯爽脆，醋味清新，但係由於全部都係蔬菜，所以就比起左口魚沙律稍微單調，但係對於食素嘅朋友來講都係有選擇！明太子蟹肉炒飯明太子分量多，味道10分搶眼，唔腥得來好海鮮風味🤣 蟹肉相對淡味左少少，但都食得出，整體炒出嚟香口，乾身而唔會太濕軟！炒飯分量好足料～原條蒲燒鰻魚飯估唔到鰻魚竟然有咁大條！三四個人分享食，每人都食到好多，好鍾意佢個燒汁唔會死鹹，甜得來又帶出鰻魚嘅鮮味，饅魚夠肥美又軟滑，無骨入口即化，十級好食！呢個價錢食到咁大分，真係好抵！淮山醬油漬淮山超級爽脆，開頭仲以為粉粉的～唔會話好軟爛，淮山因為本身冇乜味，所以都好睇佢調味調得好唔好，醬油微甜微咸入易口

講講環境先，雖然位於工業大廈裡面，但餐廳嘅裝潢、佈置都好靚好有心思，非常日式 (*¯︶¯*)■ 神戶野菜牛肉鍋 $118除咗啲野菜同牛肉，裡面有小量粉絲 仲有粒生雞蛋鐘意幾時落都得～個人覺得啖湯幾好飲啊（後尾牛肉逼好多油出嚟就有啲油膩同鹹）不過就咁食個鍋其實唔夠飽🙊■ 明太子蟹肉炒飯 $118明太子味道好入！整體都OK 食到尾仲將飯放落牛肉鍋到做燴飯 好夾啊喂！■ 日式他他醬吉列魷魚 $68好食，如果他他醬放少啲就更好。■ 燒雙重芝士年糕 $58口感QQ軟淋淋，好好咬，面有芝士、饀都有少少流心芝士 幾好食但有少少膩■ 熱焦糖鮮牛奶朱古力 $36■ 奇異果沙冰 $42

約了朋友去了觀塘的冠力工業大廈頂樓的cafe開餐，餐廳裏面除了是cafe外，還有些日本藥妝出售。一坐底就有店員送上茶水，日本玄米茶味道既香且清。大阪麵豉豚肉豆腐鍋比較普通的日式鍋物，幾塊豚肉放在鍋面，下面是一些蔬菜、菇及豆腐，麵豉湯底都算鮮甜，但價錢比較貴。明太子蟹肉炒飯炒飯裏面有一粒粒的明太子及蟹肉，炒飯炒得爽口，明太子咸香味中和在飯肉，加上有少許的蟹肉鮮味及蜆肉，炒飯整體不錯。牛脷串鹽燒牛脷每串有四片，每片不會太薄，肉質爽口彈牙，而且有咬口。燒雙重芝士年糕表面一層的車打芝士包在年糕上，而年糕裏面則包著mozzarella cheese，所以整個年糕有煙韌又有芝士的味道，雖然貴但好味。紅莓撻撻皮很腍，需要改善，裏面的紅莓酸中帶甜，味道不錯。整餐晚飯店員都會主動加茶，服務周到有禮，值得讚賞。