Outback Steakhouse (東薈城名店倉)

營業中

休息中

哥日嚟東涌shopping,忽然發現有個好大嘅igloo勁得意!後來誤打誤撞嚟咗Outback食,因為室內太多人又唔想等,先知原來係佢嘅戶外空間咁正~我估話佢係全港最靚景Outback都不為過~當日差不多日落時間嚟🌅,睇住個天色由光變暗,由橙紅變到紫藍,真係勁靚!不過個igloo可能係活動先會用,當晚唔覺有人坐,但以去影下相~回到重點,開餐🍴!雞鎚又熱又脆,係我覺得烤肋骨雞鎚芝士薯條拼盤中最好食嘅🍗~而烤肋骨嘅汁我覺得偏甜,而且唔太夠熱...薯條都算脆,而且新鮮熱辣🍟~呢個燒雞肉芝士夾餅係咗一半嚟親Outback都會食嘅嘢,所以都好正路嘅好味~佢芝士好多,而且有啲拉絲效果,鍾意芝士嘅人一定啱食🧀~而佢亦有附送薯條~而家我去親邊度都會睇下佢有冇Sangria😂😂雖然佢係新南威爾斯,但同西班牙嘅口味好類似,都係有水果有橙味~佢話呢個有加咗梳打水,我覺得比平時嘅Sangria略甜,但酒味都夠🍷另外點咗雜果賓治,飲落唔係啲好假嘅糖水味,都ok,但我都係鍾意我杯Sangria多啲🙈🙈所以總括而言,嘢食就同一貫嘅分店差不多,味道都算唔錯,呢個芝士雞肉夾餅係最推薦嘅👍~但當日負責出面嘅一位哥哥真係好

而家食Outback好抵食，有一啲優惠套餐，比起平時以正價食Menu入邊嗰啲嘢食真係抵好多，所以晏晝就嚟咗東涌outlet呢一間Outback食晏晝😋一坐低好快食完已經俾咗一條黑糖麵包同餐湯我哋，Outback黑糖麵包真係冇得輸，依然可以加添幾條麵包，而餐湯係西蘭花忌廉湯，味道濃郁，好有口感。兩個人嗌左一個和牛扒同埋燒雞肉芝士夾餅，燒雞肉芝士夾餅熱辣辣好好食芝士有拉絲效果，而入邊雞肉同蘑菇口感十足，味道非常好，加埋佢俾嘅蜜糖芥末醬，味道立即昇華；而牛扒叫咗五成熟，肉質鬆軟，唔會好韌，加埋燒汁肉味都好出，兩碟都配有薯菜，薯條用新鮮薯仔整，好脆口，整體食物質素高，套餐仲包埋餐飲，以前嗌嘢飲要另外嗌，價錢比起以前抵好多，真係值得嚟食！