錦 (已結業)

今年叫做第二餐正式生日飯，又可以係5月12日生日前一晚嘅第一餐生日飯，其實今年真係無特別攪生日飯、生日派對、飲酒parties等，但唔知點解忙過上年好多，我自己都好混肴，都唔知自己講緊乜？多謝馬老闆帶我去九龍尖東富豪酒店1樓，多年獲得港澳必比登美食推介，米芝蓮車胎人美食嘅「錦 Nishiki」食串燒，入餐廳前當然要先量體溫及唧酒精搓手液，之後由店員安排座位，隨即放下熱茶、熱毛巾、醃漬物及白蘿蔔蓉，老闆主場，點菜佢發板，未點菜已點一枝純米大吟釀：一品(之後共飲咗1大1細枝)，平時夜晚10、11點後先飲酒嘅我，生日月就破介早啲飲，不過都唔係晚晚咁早飲。先上佐酒小食，有燒三文魚乾、燒三文魚翅(印象中)、毛豆、芥辣八爪魚、燒白飯魚乾、螢光魷魚、芝士酒盜，全部都係佐酒嘅美食，大部份都好好食，我最鍾意就係味濃嘅芥辣八爪魚、螢光魷魚同芝士酒盜，而香口嘅有燒三文魚乾、燒三文魚翅同燒白飯魚乾。「錦」嘅名物免治鷄肉腸出場了，先將日本蛋撈勻再塗上鷄肉腸去食，蛋汁嫩滑，鷄肉腸外微微煎香，內裏肉質細嫩、味道適中。燒鷄肝，人老了，大家share一串便可，燒得外脆內粉，膽固醇萬歲。燒牛肋骨肉，剛剛好7-8成熟，肉嫩

睇住Openrice食評，擔粗粗試新野，訂左7pm兩位，6:45一去到門口，e ~~ 無人嘅，原來我地係今晚第一枱客，員工們圍著在傾計，心諗我地好似阻住佢地wor….. 餐廳內部裝修一睇就知道已經有相當多年歷史，我們安排入座於長枱位置的二人枱，已經心知不妙，因為如果一陣有大party座隔離，一定好嘈。算啦，預佢平日唔多人。一坐下，員工已經遞上熱手巾，醃菜及蘿蔔蓉, 賣相幾好Openrice內其他食評提及的 咖哩飯，滑蛋豬扒飯，一律無於晚市供應，好失望。咁唯有食串燒啦。我地點了鵪鶉蛋，冬菇，鰻魚，免治雞肉腸，納豆雞串, 腐皮烏冬。諗住食第一轉先，一陣食完再叫，點之隔離真係有大party入座， 一枱6位日本熟客，仲要有BB車，因為係熟客，所有waitress一擁而上招呼，好開心呀，又逗BB玩，但係可否靜D呢，我們也是客人哦， 見得3枱客，我問waitress可否轉位，答覆係只能轉Counter位，所以我們拒絕了轉位，繼續等上菜。由於食物未見驚喜 及 環境太過嘈雜，我地決定唔再叫菜及埋單走人。兩位連加一才收$335真係唔算貴，口痕問佢拿張單睇，才發現一項 OTOSHI 無中文的收費$35 x