爆丼屋 (已搬遷) 新店位置

每次看到爆丼屋門前大排長龍😵，不禁令我好奇，該日本餐廳的食物是否真的那麼美味？Menu上以魚生丼為主，我和朋友不太愛吃生吃食物，便點了它們兩款唯一的熟食等了一會，侍應先給一客味噌湯，內有紅白蘿蔔、豆卜和海帶，材料入味，湯比一般餐廳濃，假如加上幾顆淡味豆腐，味道更佳燒鰻魚盛丼有5-6塊鰻魚，鰻魚上有一些紫菜粉，配上鰻魚汁可惜，鰻魚上菜時稍涼，似乎放了一段時間雞蛋像是溫泉蛋質感，蛋味濃爆盛慢燒牛肉丼牛肉像有10片，牛肉似乎太生了(對我來說)，挺薄，頗嫩滑配上山葵忌廉汁，忌廉中有 wasabi味，挺有新鮮感，不過醬汁過多，令整碗飯有點膩不太喜歡生雞蛋……服務：挺不錯，會替客人加茶

第二次去食依間丼飯~晚飯時間都幾多人, 好彩2個人去唔洗等位係旺角食飯預左會逼少少…要將就下2個女仔叫左2個丼飯加1個小食👇🏻👇🏻👇🏻👇🏻✨爆盛牛肉丼$128今次因爲叫2個飯所以食細size, 無大size咁堆到好高, 視覺上差少少😂但都係大大碗！最鍾意個白色醬👉🏻山葵忌廉汁, 撈飯食好開胃✨北海豐盛丼$198有好多魚生！而且都好新鮮~鍾意食海膽既朋友大讚~我就喜歡三文魚籽🙈✨一口芝士$48上台時入面既芝士仲融融地🤤因為實在太好食, 一定會有下次！價錢上其實算中等, 而且佢好食嘛加油keep住啊╰(*´︶`*)╯♡

想試呢間爆丼屋好耐，見好多人去食某星期六下午就同朋友即興去食喇！我點左呢個火焰盛丼，其實食落就冇咩特別，但係擺到滿滿咁 係幾靚既友人點了爆盛慢燒牛肉丼，我都食左幾塊😜堆到成座山咁既牛肉 非常足料 味道方面 個醬汁好有驚喜 同牛肉好match值得一試👍🏻

前兩日同朋友食飯，朋友book左呢間試下，入去睇餐牌都覺得好好食，兩個人叫左兩個餐，第一個系爆盛慢燒牛肉丼是此店的招牌飯，首先是滿滿的鮮嫩牛肉，牛肉的量多到驚人，吃的時候還要小心D將牛肉分開兩份先得，否則隨時可能令牛肉滑出碗。當然啦，量永遠唔夠質吸引人，牛肉D熟嫩度恰到好處，你可以好明顯見到牛肉唔系燒得太熟，入口感覺好爽口。加上店內的獨特醬汁，唔會比口感過膩。如此分量足夠的牛肉飯，食客們簡直是欲罷不能。另一份系原隻龍蝦盛丼。如圖所見，真系成隻龍蝦擺響上面！單單是視覺上的衝擊感就已經好震撼啦！而且店家仲好細心，將龍蝦肉都剔除出來，方便食客。配合龍蝦肉送飯，簡直系尚級享受。蝦肉的鮮美度都好正，Q彈爽滑，好有嚼勁。其次可以根據個人口感，試下芥辣，都系唔錯的選擇。

剛好出旺角見到依間menu幾吸引就入左去食~✨爆盛慢燒牛肉丼 $188，因為2個人食所以叫左個Mega size(大)，一上枱我地已經🤤🤤牛肉切薄片燒到6,7成左右，一層一層疊到好高，肉質好鮮嫩一d都唔鞋，個山葵忌廉汁同牛肉好夾！d飯份量好多，2個人好夠食，依個牛肉丼勁勁勁勁推薦！✨香脆一口芝士 $48，上枱時即刻食左粒，炸到脆卜卜入面仲係流心狀態既芝士，個白色醬好好味，應該係牛肉飯個醬汁，我用埋黎撈飯！✨另外要讚下碗湯，唔係一般無料麵豉湯，入面有白蘿蔔同好多牛肉粒，有少少牛腩汁味依間絕對有下次！等無咁凍要去試魚生飯🙊

依間日本餐廳一向出名，今次試左，終於明白原因，入面每款都係超級邪惡，大份量之餘，用料又吸引！1. 爆盛慢燒牛肉丼  （大＄188、小＄128）完全係霸氣級料理！燒牛肉生生地咁食，又出奇地唔錯，加埋蛋黃同山葵忌廉汁就更加正！大家放心，唔食開山葵嘅人都完全接受到，我就係一個例子！彤樂評分：8/102. 盆滿缽滿三文魚籽丼（＄238）日本岩手縣嘅三文魚籽粒粒都好晶瑩剔透，魚籽超級多，未食已經覺得好治癒，夠甜但有D鯹。彤樂評分：7/103. 燒鰻魚盛丼（＄138）鰻魚肥厚而且燒得好香口，如果飲加多少少燒鰻魚汁就更好啦！彤樂評分：9/104. 三色海膽盛丼（＄238）佢地選用左三種來自唔同地方嘅海膽，包括北海道、加拿大、韓國，同埋日本生鵪鶉蛋，不過都係覺得唔太新鮮，有D鯹味啦！彤樂評分：6/10

平時經過爆丼屋都勁多人排隊等！好彩依日唔使等咁耐，好快就可以入去！點左 北海道豐盛丼，有海膽、左口魚裙邊、赤海蝦、三文魚子同帆立貝！全部都好鮮甜！同埋爆盛慢燒牛肉丼 份量不少 慢燒牛肉加埋生蛋黃一齊食 好正！

今天終於有機會一嚐遠近馳名的爆丼屋。由於午餐時段經常爆滿，我和朋友特意在下午2時半才到達餐廳，但仍然須等候5-10分鐘。想一嚐爆丼屋的朋友可能須要一點耐性。爆盛慢燒牛肉丼:選用幼嫩的紐西蘭西冷牛肉，慢烤至6成熟。切成薄片後，400克重的牛肉薄片疊至7吋高再用鐵纖串起，淋上自家製的香蒜燒汁和山葵忌廉汁。牛肉肉質鮮嫩， 醬汁酸甜味能中和牛肉的滯膩感。 分量足夠兩人使用。推!四重火山盛丼: 魚喜歡吃日式魚生丼， 一定要嚐一嚐這款店用料了最豐富的海鮮丼。中間的刺身魚蓉是由多款海混合而成，包括 赤身、劍魚腩、甜蝦等。 旁邊配上三文魚子、海膽及松葉蟹肉。 海鮮用料比飯量還要多，而且非常新鮮。大滿足呢！另附菜單供大家參考。

咁岩想食日本野 之後就上網搵諗起有間魚生飯都開左一段時間 都未試過去到已經五點幾 門口已經企滿人問左店員話要等二十幾張枱先到我地等左大約四十五分鐘左右 終於可以入座入到去 見啲位都幾逼 見佢啲櫈同櫈之間既距離都幾近 如果有人係後面行過 都會感覺到有人踢到張櫈之後就揀野食 我地三個人 一人一碗 見人地食個碗都幾細下 但其實飯既份量都好多第一個黎到既係爆盛慢燒牛肉丼 叫左個細既啲生牛肉好正 好好味第二個係帆立貝 三文魚籽盛丼 呢個又係好正 啲三文魚籽好夠鹹 帆立貝又夠新鮮第三個係甜蝦盛丼 呢個第一舊入口就已經覺得好好味 好鮮甜 同放題個啲完全唔同 但太多甜蝦 食到尾好似太漏 已經食唔落啲飯個人覺得三個都正 好值得去試 店員服務又好好 好有禮貌

今晚正當我喺旺角唔知食乜好嘅時候，見到琴晚仲裝修緊嘅爆丼屋竟然好神奇開咗舖！見到舖外嘅LCD果碗3色海膽飯勁吸引！諗住新開張應該可能有平，一打開menu，每碗飯最少$128起……海膽要$238……好貴……睇到眼都凸……最後我叫咗爆盛慢燒牛肉丼Small size，碗飯都幾多牛肉，牛肉燒到7成熟，不過由於係慢熱，所以啲牛肉唔係熱嘅，但牛味幾濃，又唔會有血腥味。牛肉上面分別淋咗蒜香燒汁同山葵忌廉汁，我就覺得山葵忌廉汁撈埋啲蛋汁一齊食最正！蛋汁令到啲牛肉同飯好滑好juicy，山葵汁有山葵味但唔辣唔攻鼻，反而帶點淡淡嘅甜味！同埋會跟一碗三文魚麵豉湯，味道鮮甜！所以哩碗飯絕對物有所值！下次試埋個海膽飯先！