新麻蒲 BBQ (形點) (已結業)

行完麥理浩徑直落韓燒真係好幸福既一件事。星期日七點左右呢間餐廳並不多人，三個人一入已經有位，餐廳播放一d潮流韓文歌，餐廳同一般韓燒店一樣，充斥著燒烤味，不過並不太攻鼻。坐低即刻有人送上小食碟，樣樣都風味十足，個人最愛拌沙律，沙律醤清新不油膩，平時恨不得走醬的我，直頭想食曬d醬。海帶反而有d腥，不過還可以忍受，其中一位朋友零舍喜愛，最後佢一個人食左兩碟。小食碟雖然寫明任食，但唔知係咪人手唔夠，d碟好容易一去不復返😂叫左個$6xx既豬牛套餐，整體份量偏少，中等偏上質素，d肉算係新鮮多汁，最中意食肥牛同豬五花，燒完點一點韓式辣椒醬，連兩片泡菜一齊包入生菜，香味十足！火炙牛肉壽司不值一提，醬，飯，肉都完全唔得。部隊鍋也是份量太少，鍋底應該係辛拉麵，都係普通部隊鍋會有既餐肉，面，年糕，腸等等。本來套餐應該係比四個人食（壽司有四件），如果用二人份計的話，價錢就相當唔抵，就算我地三個點肚餓都好，始終三個女仔，平時普通飯量，到最後我都係覺得差小小先飽，所以抵食程度真係一般。

又黎YOHOMALL試新野，今次係新麻蒲韓國燒烤～～今次我同3個女仔朋友黎試，四人檯都算剛剛好夠坐，肥D都唔知點算，而且一多野食張檯就唔夠位放。前菜有一盤蔬菜沙律，而且一般沾醬、配料都齊全。呢邊的爐邊蛋是我吃過這麼多間韓燒最好吃，蛋很滑很濃味，但又不會太咸，而且不用一直看著也不會過熟及過生，很好吃。我地仲加多次爐邊蛋＄28，如果是免費任加就好了～～我們點了牛肉套餐1，有霜降牛肉、牛肋排、秘製牛五花、年糕、蘑菇、香腸、大蝦，種類很多但份量不多，四個女生就剛剛好，肉的質素也蠻不錯。章魚石鍋拌飯味道就是一般拌飯味道，微辣但章魚不多，所以感覺不出跟一般拌飯有甚麼分別。海鮮蔥煎餅的麵粉口感較重而且同樣是海鮮不多，似是一般的蔥煎餅。

第一次食新麻蒲係係cwb個間 個次第一間分店 亦得一間分店 依家擴展到有3間 仲令我依個屯元天人受惠 因為第一次去已經對佢既燒肉同埋爐邊蛋 心心眼一泥梗係爐邊蛋落左先 等一陣差吾多成型嫩嫩地就有得開食今次去係全為左個sakura2人餐 同男朋友或者閏蜜去都不錯 滿滿既粉紅色 fantasy388兩位 肉既量中等 但相比其他set依個價錢我都接受到 因為上次去既時候嗌牛既set 都600以上埋單 雖然包羅萬有 但可能有啲係吾岩食又或者無甘大程度想食 而今次依個set啲肉又有最受歡迎既護心肉又有五花肉 仲有砌成花形既豬頸肉啵 性價比相對高啲喔既然食sakura set我地就食得徹底啲 飲品都有櫻花 叫做櫻粉漫天 入面仲有啲西柚粒添 相對其他飲品甜 但酸同甜揀我會揀甜既 櫻花帶比人既感覺就係甜甜的肉肉啊 にくにく 明明係韓燒反倒講日文 其實係因為比日劇洗腦 依排勁鐘意食肉先燒秘製豬頸肉 豬既油真係好惹火 明明圖中燒得好靚仔 點知轉個頭waiter落第2碟野落枱 啲豬頸肉就燶ed 但幸好無燶晒 真係要好專心甘燒啊之後燒五花肉 都係好扯火 但燒出泥又勁邪惡 不過相對其他醃制過既肉就稍淡 但食到五

明明月頭先去完日本賞櫻，到月尾我已經勁掛住，好想再回味！新麻蒲就睇中Li股櫻花熱潮，新推出左「嚐．櫻BBQ餐」，睇得之餘又食得添，櫻花迷就算去唔到日本或韓國朝聖都可以黎到「嚐」櫻啦！嚐．櫻BBQ餐 $388作為韓燒店，個餐主打既當然係燒肉啦！燒肉拼盆係全豬宴黎，唔食牛既朋友仔都無有怕。肉類有護心肉、五花腩同砌成花型既豬頸肉，我個人至愛既係五花腩。五花腩大大件腩肉一放上燒爐油份就迫哂出黎，非常惹火！腩肉肉質好鬆化，食落一D都唔覺油膩，可以塗上醬料，連埋配菜包係生菜入面食真係Very good！🏼另外仲有爆芝既芝士豬肉腸同蘑菇俾你燒ga添。另外一提佢個爐邊蛋真係好好味，見到佢一熟就要鏟上黎食，燒得太老口感會唔好ga。櫻花特飲既然個餐係以櫻花做主題，入面既其他食品當然係圍繞住櫻花啦。好似跟餐飲料就有「櫻花特飲」，淡粉紅色既佢非常靚，味道就偏甜左D，但勝在夠哂冰涼好岩用黎解熱氣。炒出火花炒飯 加$10轉另外仲有個「櫻花綻放年糕」，大家可以免費轉做「花紅柳綠冷麵」，又或者好似我地咁加$10轉做「炒出火花炒飯」。炒飯上枱時店員會用火槍將上面既芝士燒熔🧀熔左既芝士、切合主題既粉紅色炒飯同半熟煎蛋撈勻

難得遠水路去到元朗跟友人共晉晚餐，又耐冇見，就想來點好吃的。人生路不熟，還是讓朋友決定要吃什麼，在地鐵站會合就跟隨她的腳步。怎料……點啊會唔會係專登入黎食新麻蒲？明明銅鑼灣都有。重點是當晚為星期六晚上，仲要等位等十年，早知我就自己揀地方好了。但沒辦法，友人堅持要去，加上一開始又叫佢搵，根本由開始就是咎由自取。　　唯有等，等大概九個字左右就有位，因為職員嗌號嗌得飛快。基本上你不是佔據正正門口位的話，可能嗌到票號，半分鐘之內叫兩次就沒下文。「36，36。37，37。」幾乎沒有停頓的一剎。意識到此的我倆當然就企近門口，通道旁邊盡量不阻人而又可以秒回。不得離開方圓三米，幸好店門位置擺放了大量餐牌，可先看看。　　不過講真佢真係滿座，並非騰出座位後不招待客人，想多人係門面等位做下樣咁。要知道其實市面有不少正在用這樣手法的餐廳。讓人感覺十分受歡迎，群眾心理，咁多人去，肯等咁耐，一定有好野。就算不是中學女女的技倆，毒拎也表示看得清。　　先來的就是大量多款的前菜及沙律，均可以任添，單食菜都食飽你。個人最喜歡的莫過於芝麻醬沙律，只因新麻蒲用的是黑芝麻醬。雖然沒有胡麻醬的那份濃郁酸甜的開胃味道，但甜清雅緻的

YOHO MALL在元朗, 好像也起了一段時間, 分1期2期之前新元朗中心也裝修了蠻長的時間, 終於都開了啊, 雖然有些地方還在小裝修, 但大部份都開了!! 其實現在的MALL都差不多樣, 買的吃的都是常見, 不過有些食店可能九龍港島才有, 但現在也進駐了元朗了, 因朋友家在元朗, 而且很久之前在第一間店吃過, 所以今次又來吃一下, 聽她說星期六日很多人啊, 而且就算是早早的時間也都多人吃及留了位, 所以我們揀了星期一應該唔太多人的時間來, 果然這段時間蠻好呢, 很快有位~~~因為萬聖節將近很多餐廳都有佈置, 這裡也不例外, 裡邊都算幾大, 同埋位置好像比銅鑼灣第一間較寬闊, 當然也是很多卡位坐得舒服點~~看看餐牌, 又變身了變得靚靚又重手(或許是我很久沒有吃過吧~~) 一坐下當然侍應就會立即提供多款前菜及烤肉的伴菜啦, 包括: 泡菜、洋蔥、醃蘿蔔、生菜、海鹽、烤肉韓式辣醬、醬油、沙律、醃海帶等, 多款可以即食啊!! 泡菜又大又爽, 夠辣好好味, 醬醃得好; 沙律很喜歡那芝麻及火龍果醬, 味道MIX得很好, 可以作前菜及燒烤時喚喚喉嚨的感覺…….海帶也很好味啊, 醃過有少少咸味; 而侍