影片
更多
2018-03-24
527 瀏覽
熊妹今日又見莎莉喇，今次係想慶祝返莎莉生日既，咁當然要帶莎莉食好西喇，熊妹睇中WOFT呢間西餐廳，好似環境坐得幾舒服，可以吹下水聊聊天。成日係莎莉身體徘徊的愛德華又話要跟黎，熊妹見卡肥又咁得閒，多啲人一齊食野開心啲嘛，咁就造就左4人行喇。食西餐一般都會先叫啲前菜小食，莎莉就點左個黑松露芝士薯條，真係點正熊妹個範，熊妹又鐘意食黑松露又鐘意食芝士，夾埋薯條就無得頂喇。話明小吃，份量就唔會好大碟，黑松露唔係好多，反而芝士醬就幾足，薯條係粗薯條，咁既配搭好難唔好食，不過熊妹覺得黑松露薯條用黑松露醬味道會比較特出點。西餐唔少得的都係pizza，burger，pasta同steak 喇，好，熊妹3樣都叫齊。首先來的係忌廉菠菜煙三文魚水牛芝士墨汁pizza，睇個名都夠架勢喇，墨汁形成的黑底pizza，上面鋪滿顏色鮮艷的煙三文魚，好強烈的顏色對比，賣相已經好吸引。咸咸的煙三文魚不嬲都好配做pizza的饀料，再配合水牛芝士同忌廉，加埋啲菠菜感覺無咁油膩，仲有酸瓜，中和返芝士同煙三文魚的咸味，味道一個字，夾，真係食到lam lam脷，絕對值得推介。跟住就到burger la，好特別喎，WOFT 有款係芝士
熊妹今日又見莎莉喇，今次係想慶祝返莎莉生日既，咁當然要帶莎莉食好西喇，熊妹睇中WOFT呢間西餐廳，好似環境坐得幾舒服，可以吹下水聊聊天。
成日係莎莉身體徘徊的愛德華又話要跟黎，熊妹見卡肥又咁得閒，多啲人一齊食野開心啲嘛，咁就造就左4人行喇。
黑松露芝士薯條
$63
50 瀏覽
0 讚好
0 留言
食西餐一般都會先叫啲前菜小食，莎莉就點左個黑松露芝士薯條，真係點正熊妹個範，熊妹又鐘意食黑松露又鐘意食芝士，夾埋薯條就無得頂喇。話明小吃，份量就唔會好大碟，黑松露唔係好多，反而芝士醬就幾足，薯條係粗薯條，咁既配搭好難唔好食，不過熊妹覺得黑松露薯條用黑松露醬味道會比較特出點。
西餐唔少得的都係pizza，burger，pasta同steak 喇，好，熊妹3樣都叫齊。
忌廉菠菜煙三文魚水牛芝士薄餅
$118
53 瀏覽
0 讚好
0 留言
首先來的係忌廉菠菜煙三文魚水牛芝士墨汁pizza，睇個名都夠架勢喇，墨汁形成的黑底pizza，上面鋪滿顏色鮮艷的煙三文魚，好強烈的顏色對比，賣相已經好吸引。咸咸的煙三文魚不嬲都好配做pizza的饀料，再配合水牛芝士同忌廉，加埋啲菠菜感覺無咁油膩，仲有酸瓜，中和返芝士同煙三文魚的咸味，味道一個字，夾，真係食到lam lam脷，絕對值得推介。
軟殼蟹窩夫漢堡
$88
52 瀏覽
0 讚好
0 留言
跟住就到burger la，好特別喎，WOFT 有款係芝士軟殼蟹窩夫漢堡，係窩夫唔係用包做皮的burger喎，即刻試試喇。雖然好想好似一般burger咁一啖由頭咬到尾食齊所有材料，但係有啲難度，因為窩夫係有啲厚度，軟殼蟹又好大份量，應該有一隻手掌咁大，仲有啲蕃茄，生菜同芝士配料，一次過食都係會爆哂出黎，所以都係分開食喇。窩夫幾好味喎，表皮有曬上幾粒糖粒所以脆脆地，食落去甜甜地，裡面軟身，唔係話好重奶油味，配合返漢堡的咸食，唔會變成甜品窩夫咁搶左漢堡風頭，唔錯。軟殼蟹真係好大塊，莎莉好細心咁切成4份，連埋蕃茄芝士生菜，無得彈。
黑松露肉醬千層麵
$128
59 瀏覽
0 讚好
0 留言
好，再來的係pasta，莎莉揀左黑松露肉醬千層麵，有黑松露掛名的食物通常都成為必點菜式。不過唔知係咪因為肉醬味太濃，搶哂黑松露的香氣，所以就唔係好食得出有黑松露喇。肉醬配成的食物不嬲都唔會差，酸酸地的蕃茄醬，連埋肉碎，仲有芝士，雖然普遍，但夠哂惹味，好難整得難食。今次係撈千層麵，比起平時食的肉醬意粉，千層麵係變成一片片，無食意粉一條條的感覺，可以更加重點帶出肉醬芝士的味道。不過食肉醬芝士都預左會好漏好膩，所以都係少吃多滋味。
牛三味
$182
70 瀏覽
0 讚好
0 留言
跟住係重點出場的steak la，熊妹揀左牛三味，幾特別，即係食3種牛款，有牛舌，牛肩肉同牛肋條，一次過食哂牛的3種唔同地方，唔洗齋叫steak得一款味道，係幾好的選擇喎！熊妹忙於食食食，講講講，莎莉細心地一路聽一路將三味分成4份喇。呢個牛三味真係做得好出色，每款牛味都有灑上鹽巴同胡椒調味，牛舌比較彈牙有嚼頭，無任何脂肪，岩哂熊妹;牛肩肉比較冧身，脂肪與牛肉的配合好恰當，唔會過多肥肉感覺肥膩;牛肋條就好有牛肉的煙韌，可能因為肋骨部位比較多活動，肉質會比較結實，WOFT好貼心地先除去肋骨部位，免得要食客煎皮拆骨，幾窩心喎！熊妹認為三味中牛舌係最好味的，街外好少地方有得食，加上佢的牛味與咀嚼感又無脂肪正正岩哂熊妹口味，令熊妹留下深刻印象，真係可以encore。
WOFT的調製飲品系列係幾吸引喎，七彩繽紛，五顏六色，係幾特別喎，仲有自家製手工啤，愛德華同卡肥呢啲酒鬼當然唔放過喇。
LOL mango
$68
60 瀏覽
0 讚好
0 留言
愛德華叫左個手工啤獅子山下，卡肥都係偏好傳統啤酒，叫左杯hoegarden，莎莉唔飲酒既，所以揀左杯mocktail，LOL mango，係由passionfruit，mango，lime調製成的沙冰飲品，幾好味喎，酸酸甜甜幾開胃又解渴，熊妹鐘意酸酸，所以熊妹就無嗌飲品喇，同莎莉一齊分享呢杯沙冰。
最後當然唔少得係甜品喇，慶祝莎莉生日喎，緊係唔少得生日蛋糕喇。擅長整甜品的熊妹為左呢餐已經前幾日預先買定材料，為莎莉整個靚靚生日蛋糕，surprise! 生日快樂呀，莎莉!雖然遲左好多，但有心唔怕遲嘛，哈哈!
又薯仔，又肉，又pizza，又burger，又pasta，又有甜品，肚皮真係要撐開了。食咁多野，total $872，仲有酒飲滿足埋啲酒鬼，慶祝莎莉生日緊係熊妹請喇，最緊要莎莉滿意，happy!
張貼
