巧　すしたくみ (已結業)

餐廳既裝潢以木系為主，營造出一種溫馨而舒適既氛圍。坐係餐桌前，可以望住師傅準備食物。午餐既選擇非常豐高，今次試左刺身盛合定食同埋本鮪吞拿魚三色丼，刺是盛合定食入面有三文魚、時令鮮魚2款、油甘魚同埋赤蝦。每一種刺身都新鮮無比，三文魚肉質肥美，油甘魚淡雅既鮮味，赤蝦肉質爽口，非常鮮甜。我同朋友都係吞拿魚控，本鮪吞拿魚三色丼有齊赤身、大吞拿魚腩同埋蔥粒碎拖羅，赤身色澤紅潤，軟中帶綿，大吞盒魚腩入口即化，拖羅混合左蔥粒更能帶出拖羅既鮮味。每一份午餐都有沙律，味噌湯，牛奶布甸。沙嘴清新，味噌湯溫暖，甜點樽身有好可愛表情，口感細膩，每一啖都係牛奶既香甜。

天氣熱辣辣真係冇咩胃口食野，今日同朋友係旺中行完街街見到「巧すしたくみ 」裝潢日式木系，感覺好舒服，所以即刻入咗去用QR Code 落單，叫咗2款午市定食套餐～ ✨師傅即叫即做，非常之新鮮✨ 費話少講，食評即到～🍣豐州壽司盛合 （12貫）$318大拖羅、赤身、油甘魚、赤蝦、墨魚、帆立貝、海膽、時令鮮魚3款 、玉子、松葉蟹最中意係壽司飯加入咗「赤醋」，酸味加上酒釀香氣，令到食材鮮味大大提升，口感非常豐富，真係好啱夏天食～🍣中意食拖羅必定會愛上，入口即溶，滿腔油膩，再加食埋海膽、帆立貝、赤蝦、墨魚；簡直一次過滿足晒中意食海鮮嘅你💕✨師傅件件都厚切，絕不揸流攤🍣特選三色丼 $ 268 蔥粒碎拖羅、日本海膽、三文魚籽（附送沙律、麵豉湯）🍣三文魚籽粒粒都漲卜卜，油漬顏色鮮艷，粒粒晶瑩剔透，食落口即爆 ，有甜味之餘仲有陣陣海水味，非常之適合用來做丼飯！再配上日本海膽+ 碎拖羅，口感綿滑細緻又鮮甜！正啊～✨最後仲有十分濃郁嘅牛奶布甸，簡直you made my day Overall嚟講真係勝價比高，絕對冇揸流攤，非常之有驚喜嘅一間小店！大家要多多支持用心經營的小店，有時會比連鎖式更amazing!