巧　すしたくみ (已結業)

餐廳既裝潢以木系為主，營造出一種溫馨而舒適既氛圍。坐係餐桌前，可以望住師傅準備食物。午餐既選擇非常豐高，今次試左刺身盛合定食同埋本鮪吞拿魚三色丼，刺是盛合定食入面有三文魚、時令鮮魚2款、油甘魚同埋赤蝦。每一種刺身都新鮮無比，三文魚肉質肥美，油甘魚淡雅既鮮味，赤蝦肉質爽口，非常鮮甜。我同朋友都係吞拿魚控，本鮪吞拿魚三色丼有齊赤身、大吞拿魚腩同埋蔥粒碎拖羅，赤身色澤紅潤，軟中帶綿，大吞盒魚腩入口即化，拖羅混合左蔥粒更能帶出拖羅既鮮味。每一份午餐都有沙律，味噌湯，牛奶布甸。沙嘴清新，味噌湯溫暖，甜點樽身有好可愛表情，口感細膩，每一啖都係牛奶既香甜。