碗盛 (已結業)

之前行經天后已經留意到有間新開嘅居酒屋叫「碗盛」，皆因佢個木系門面幾靚，又掛滿燈籠🏮。呢日約咗個自稱鄉下喺日本嘅朋友嚟食晚飯，舒緩下佢啲思鄉情懷🤣。餐廳室內環境設計貫徹居酒屋風格🎌，當中更設有包廂，適合一班人聚會。而我哋就坐咗喺吧枱位置，私隱度高，但位置對正冷氣出風口，愈坐愈凍，建議隨身帶定件外套吧。沖繩水雲漬($68)，水雲又稱海發菜，係水藻嘅一種。黑色條狀口感滑溜，又帶點爽口，幾得意，而且配上柑橘醋🍊，酸酸哋，幾開胃。牛小排蘿蔔蓉醋串($45)，🐮牛小排一串有三粒，肉質燒完都唔韌，而且個蘿蔔蓉醋汁能畫龍點睛，微酸而不搶味。紫蘇芥末豬五花腩($32)，🐷五花腩嘅脂肪比例較高，食落好重油香。紫蘇葉嘅味道好出，蓋過咗芥末味，亦無乜辣味。燒白鱔($68)以及串燒豆腐($28)，🐟白鱔幾厚肉，魚皮燒至脆身，魚肉就保持鮮嫩。豆腐亦都幾特別，外層係煙煙韌韌嘅豆卜，內層就係嫩滑豆腐。大蔥雞肉($28)以及雞尾($25)，本身想要另外兩款雞肉串燒🐔，但售罄，店員介紹我哋食另外兩款雞串。雞肉同大蔥係朋友，好夾。我第一次食雞尾，原來係雞屁股🙈，其實都OK，幾爽口。汁燒一口牛柳粒($88)，🥩牛柳粒份量幾

天后越黎越多美食，依間居酒屋主打串燒及自家製濃湯拉麵，以木系和風風格為主調，裝修得好有格調。店內有獨立bar位及卡位，仲有兩間以「竹」及「櫻」為主題既榻榻米房，想坐榻榻米房記住要先預約呀～✨前菜❀ 麻醬棒棒雞沙律 🥗份量好足，沙律有嫩滑既日本雞肉及新鮮清爽既青瓜絲，配埋麻醬食好開胃～✨串燒❀ 鹽燒雞中翼 🐥雞皮香脆可口，肉質鮮嫩，鹽燒令雞翼更滋味❀ 雞軟骨 🐥雞軟骨燒得好爽脆，調味得唔錯❀ 燒白鱔 🐟外皮燒得好香脆，質感比平時食開既白鱔嫩滑，而且鮮味又juicy，完全無腥味❀ 牛小排蘿蔔蓉醋串 🐮牛小排燒得好香，牛味重，口感嫩滑，配埋酸酸甜甜既蘿蔔蓉醋，味道更有層次❀ 大蔥五花腩 🐷五花腩肥美肉嫩，配埋清甜爽口既大蔥可減低油膩感❀ 翠玉瓜 🥒燒得啱啱好，爽脆多汁，有陣陣牛油香❀ 串燒豆腐 🍢豆腐外皮脆卜卜，入面好滑溜，配埋醬汁更滋味❀ 冬菇 🍢冬菇燒得幾好，唔會好乾，上面塗上一層醬汁及加入木魚碎，味道香濃❀ 明太子汁蛋卷 🍳份量十足，蛋卷熱辣辣，嫩滑又香蛋味，上面仲加了明太子醬，火炙後焦香及鹹香味突出。另外仲可以自己加紫色及木魚碎，食落更有風味～❀ 火炙牛小排拉麵 🍜湯底係自家製黑蒜油

在我來說飲食從來都應該是一種享受，而日本對食的文化及要求一直都相當高，所以自己尤其喜歡吃日本料理。今晚呢間餐廳朋友極力推介，所以預早訂枱來試，果真沒有介紹錯。到達餐廳時剛巧突然下起大雨，正在門口等侯入座時，另一枱正要離開的客人，由於沒有雨傘，正惆悵的時候，一位店員主動向客人借出公司雨傘。呢一個舉動，真的十分體貼細心。枱面清潔好後，我亦很快被安排入座一張卡位。餐廳大概有5張四人卡位，另一邊是一排單邊座位。另外，尚有兩間榻榻米房間。牆上有一大幅彩畫，裝修格局十分日式，整體環境高雅舒適。店員很有禮貌，先介紹自己，然後又主動問我會否飲酒。食好東西配番杯酒，絕對是一種享受。最後店員介紹了一款有辣味嘅梅酒給我，少少辣而酒味很順喉，好啱我口味，冇介紹錯。然後開始點選食物，過程中店員細心介紹相關食物的特色，並且建議我們可以先由沙律前菜開始，食完之後才安排上串燒；抖一抖之後再上熱食。整個過程，讓我們可以慢慢享受每款食物，果真十分貼心又專業。「魷魚薯蓉沙律」，擺碟賣相已經十分吸睛，今人提升食慾。薯蓉配上魷魚及糖心蛋、並有青瓜片及車厘茄，感覺清新又獨特。「芝士年糕」是店員介紹一試，果然年糕表面燒到卜卜脆，裡