柏斯意大利餐廳 (已結業)

大老闆請食開年飯，當然要搵返間高級餐廳先可以襯得起大老闆嘅尊貴身份其實經過聯和墟一直都好想食呢間餐廳，奈何我呢啲窮人真係食唔起今次可以滔光食呢間餐廳真係要好多謝大老闆呢間係一間full service 嘅餐廳。由落單果下已經感受到。落單既時候會有一張紙記低哂邊個位叫咩餐或飲品，所以食物或飲品到嘅時候唔會聽到“邊位叫左牛扒架?”“邊位叫凍咖啡架?”一坐低就有任食嘅餐包仲有用黎點餐包嘅醬。中間係醋，右邊係橄欖油好濃南瓜味嘅南瓜湯羊架叫左7成熟。我覺得呢個熟度幾好，食落軟硬度啱啱好(5成我個人覺得太生)，完全唔覺得騷羊架點埋呢2個醬完全係更上一層樓。我個人黎講就鍾意左手邊嘅薄荷醬，甜甜地配埋羊架正到暈pizza配料揀左磨菇同藍芝士。食落唔會成口芝士味，個味道剛剛好。加埋巴拿火腿正牛扒揀左7成熟。有同事叫左5成熟我覺得太生...呢個食落好重炭燒味，軟硬度剛好，唔會韌

放假同肥髀入粉嶺閒逛，午餐想食好點，同事介紹過呢間餐廳，所以今日就來試下，門面好歐式，鐵框花門配白牆，入內比較昏暗，歐式座椅配木桌，入裡面有個大酒吧枱！環境幾舒服，座位唔迫！店員放低水，之後攞籃麵包比我哋，有法包同麥包，新鮮鬆軟！仲配埋三款醬料，牛油、黑醋、檻欖油！我自己最鍾意黑醋，酸酸地開胃，黑醋唔嗆喉，好濃厚，牛油幾香滑！睇餐牌午餐唔錯，仲可以因應食量加多啲配料！我兩個人食，所以加多啲食物！炭燒肉眼牛扒（$138）賣相靚！牛扒雖然唔算厚，夠肉味，我叫5成熟都做到，肉眼淋身唔韌，點少許芥辣提味好味！難得配菜唔係灼，係用鐵板燒過，自己最喜歡脆肉瓜，好爽口，茄子我一向一般，而汁醬唔多，唔會遮掩了肉味！餐湯忌廉雞湯，夠熱，夠滑，好濃忌廉味！飲晒！沙律（跟午餐加$22）份量唔細，不過以帶甘味嘅沙律菜為主，肥髀唔鍾意，我就覺得微苦配醋汁沙律汁好開胃，好醒神！朱古力慕絲（跟餐加$10）唔會因為跟餐而求其，擺盤好靚，朱古力慕絲好軟滑，朱古力味濃，配合紅莓醬可以減膩！好味！餐飲熱咖啡：我平時飲開mocha,今次叫咖啡都驚受唔到，奶及糖分開上，自己落，咖啡味濃，唔澀，算易入口，而且夠熱，落咗奶之後再滑

聽朋友介紹係粉嶺聯和墟新開左間西餐, 話外表同裡面裝修不錯, 趁住父親節前夕, 膽粗粗試下!預早三星期打去訂位~ BOOK左夜晚7點鐘~~~到左門口, 已急不及待好想睇下裡面咩樣.... 入到去, 比我想像中裝修更好~氣氛不錯~開係呢個人流不嬲都唔多既聯和墟, 有咁既裝修, 算係一個驚喜~除左裡面, 店外仲有露天位, 0岩晒食煙或鐘意室外既朋友~我地一行人入到去, 坐低~ 一開始有暖暖既麵包同埋調味汁~ 好貼心~我地人數比較多, 所以叫左幾個餐同埋散叫~最後食左一個芒果奶凍, 絕對驚喜之作, 無諗過會滑到咁~ 好想問廚師拎食譜~哈哈食物速度同水準屬於高質素, 相信餐廳落左唔小心機去設計~如果呢個價錢食呢種質素, 絕對抵食過中環或酒店既西餐廳~由於未比旅客征服, 所以環境十分舒服~侍應態度好好~積極~但制服令人睇上去唔太精神~另外廁所好乾淨, 本人心信仍為, 服務同廁所乾淨係令人反兜既因素~ 聽聞呢間餐廳仲有AFTERNOON TEA 時段, 我相信黎緊又會再反兜一次~~^^