Papa (已搬遷) 新店位置

我好鍾意食牛, 每次去食西餐都必叫就係5成熟牛扒, 但今次LUNCH帶住小朋友就叫左8成熟啦, 自己平時買扒番屋企煎, 都知道想整件好味的扒都幾難, 買件貴小小, 整衰左真係肉都赤埋,所以我通常寧願出去食好過呢度個扒都幾厚身, 幾大件, 都算好抵食, 8成熟都好霖, 好有肉汁, 不過我自己唔太喜歡面頭件牛油, 可能我唔鍾意食牛油啦, 但我仔就超LIKE 另外叫左份豬鞍, 起初都唔打算叫, 但個經理話鍾意食肉可以試下, 咁就試左, 比我想像之中超好, 冇諗過豬可以霖過牛, 個邊位仲脆卜卜架~ 超正推介等我試下搵唔搵到豬鞍, 自己又試下煎先~ 

預早就打電話黎BOOK定枱先, 因為次次經過都見好多人, 今次因為帶埋小朋友去PLAY ROOM玩, 所以晚餐就喺度食埋啦~石門真係好, 除左小朋友啱之餘, 大人又有餐好食, 質素越來越高我哋一行三人, 叫左個牛扒, 臚魚, 同埋小朋友最開心的迷你漢堡薯條餐, 唔知係咪小朋友玩完特別肚餓, 定係真係好吸引呢, 好快就清左碟, 而我呢個牛魔皇, 梗係叫個牛扒啦, 唔記得係咩牛, 但超好味, 平時出去食嗰D會有漬, 但呢個好滑口, 又好有牛味, 試過自己買件靚牛番去整都整唔到, 呢D錢真係要比跟住爸爸就食魚, 叫左個臚魚, 都係好好味, 唔知係邊個部份黎呢? 好滑架~~ 又冇骨, 啖啖肉, 最啱我老公(懶鬼)

第一次寫食評, 原因係真係好想讚一下呢間餐廳!作為新手媽媽, 帶BB出街食飯都真係幾吃力, 之前見介紹呢間親子餐廳, 終於有時間過黎試試喇. 我唔會用電話, IPAD等等的電子奶咀比我仔仔, 從而陪養左佢好鍾意睇書, 而呢度會有好多關於爸爸的書比小朋友睇, 咁就可以令我仔仔乖乖哋咁座定定喇. 這是抵讚的講番食物方面, 佢哋先送上三個麵包, 有一個係全黑色, 我仔一見到就即刻拎黎食喇, 好軟好香, 可惜無影相. 然後我哋叫左個雞沙律, 呢度個沙律唔係我想像之中嗰種得菜, 而係真係好豐富, 好大碗, 係真係用個好大的碗(可以叫湯碗)裝架, 仔仔都追住食然後就到我們的主菜了, 有羊架, 同埋牛, 兩樣都做得好出色, 之前睇左D食評先黎, 有人話好食, 亦有人話唔好食, 自已都十五十六, 但試過後我個人認為好好味呀~ 整得好霖, 好香, 呢個價錢, 我覺得都值呀再講番呢度點樣貼心為小朋友, 抵讚的是BB凳, 佢哋唔係用IKEA嗰隻硬凳, 而係一張中間係軟軟的BB椅墊, 小朋友係真係可以貼近張枱食嘢, 我都問左侍應張凳喺邊度買, 真心想放張喺屋企.餐廳佈置都好有聖誕氣氛, 仔仔仲要想拎聖誕樹D波