Fûhn (The L. Square) (已結業)

天氣熱無乜胃口，都會想食啲開胃菜，撈檬都係一個唔錯嘅選擇！呢間銅鑼灣樓上小店，係一間帶北美飲食文化嘅越南餐廳，名字Fûhn (音：Fun)靈感來自Phở嘅發音，意思係傳統越南葉子帽子🍃店內環境闊落舒適，menu提供唔少越南菜嘅選擇，仲有特色飲品啱哂夏天飲！😋🐂火車牛魔金邊粉 ($128)食越式湯粉，第一啖一定係試啖湯先，飲落味道清甜，湯粉份量都唔少，選擇困難嘅揀呢碗火車牛魔粉就啱哂🙈有齊牛嘅唔同部位，唔洗心大心細🤣包括安格斯牛、牛坑腩、牛腩邊、牛筋片、手打牛丸及牛柏葉，當中最出色嘅係安格斯牛🤩牛肉味好濃郁，食落好有咬口幾正～🐖越式豬頸肉撈檬 ($88)豬頸肉份量唔少，好大塊簡直係啖啖肉🤤而且煎得好香口，食落幾有口感🤩加埋大量青瓜絲、酸蘿蔔、生菜同自家撈檬汁，酸酸甜甜又清爽，令人胃口大開！🦀軟殼蟹米紙卷 ($88)軟殼蟹好大隻，外面嘅米紙唔厚又彈牙，值得一讚👍🏻食晒成條由頭到尾都會咬到軟殼蟹，非常足料🥰配埋蔬菜配菜一齊食，可以解膩，唔錯嘅小食👍🏻🥑凍牛油果奶昔 ($52)係咪好奇點解奶昔都要寫凍呢～原來呢到嘅奶昔係可以整熱俾唔飲得凍嘅客人😯包括樓下嘅椰青，店員表示可以將椰青水倒岀嚟翻熱，

雖然最近食咗好多次越南嘢，不過對於仲未有旅行去嘅大胃嚟講只好不斷rehearsal，嚟銅鑼灣再演習過呢間都好特別，賣嘅湯河零舍唔同，竟然有燒得好靚嘅牛骨斬開咗一半，靚靚牛骨髓有蒜蔥調味，非常香口安格斯牛肉牛香突出，仲可以喺牛骨度刮吓，仲香呀！河粉索味又唔散，好得雖然法包唔係大胃心目中咁個樣，但鵝肝醬都搽得幾厚身，仲有四塊扎肉好嫩好香大胃最近好鍾意試特別嘅沙律，海葡萄加魚露撈沙律菜食鹹鹹地但口感過癮呢間嘅飲品都好有驚喜，好難沖得有味嘅牛油果奶昔，居然有幽幽果香同奶香平時食越南嘢都會飲越南咖啡，而家就試吓咖啡沙冰，超級香咖啡味，上面仲有啲啫喱𠻹

🐷 西班牙黑毛豬湯金邊粉黑毛豬切到好薄片而且肉質好嫩好好味肉同脂肪既分佈仲要好均勻口感爽滑得恰到好處🤤👍🏻仲要有香濃既豬肉味但又唔會係騷果隻個湯係未落香葉同芽菜既狀態下我飲左第一啖已經覺得好好味充滿香蔥加黑毛豬既香濃肉味落埋香葉同芽菜就令個湯味道更加豐富食完呢個湯金邊粉真係非常滿足🥰🥑 牛油果奶昔以為食完個金邊粉已經夠滿足點知飲埋呢個牛油果奶昔之後佢輕輕既牛油果味再混合奶味而成既清新甜美🤤為我既晚餐劃上完美既句號😆❤️食完成餐飯真係感覺好滿足🥰而且店員既服務態度都好好👍🏻

下晝去當然食午市套餐和牛牛丸湯河 $98湯頭都算幾濃嘅牛骨味，和牛肉都幾腍，牛丸好食，好Juicy 又有牛味👍🏻芒果大蝦米紙卷$68好大件啦😍😍好足料用咗紅米米紙👍🏻芒果同大蝦簡直最好配搭食越南野最鍾意就係食小食～當中蝦餅最正👍🏻真係新鮮蝦肉打製，除咗蝦膠，亦都食咗細細粒嘅蝦肉蒜蓉牛油雞翼，都好好食😋第一啖就已經食到好香牛油味越式春卷就正常水準啦熱嘅牛油果奶昔哥仔都同我講咗會好杰 ，不過中女扮晒養生，堅持嗌熱飲，相信凍飲應該真係好飲好多

老公一聽到食越南菜就會眉飛色舞，今日就同佢一齊攞半日假拍吓拖去到銅鑼灣Fûhn。入面環境相當寬敞，嚟到過咗平日午飯時間，所以比較寧靜，我哋可以食個悠閒嘅下午茶。好多時食越南菜，大家都會研究點食牛肉粉先係最正宗，而呢度就有教你step by step咁食，跟足次序最有風味。是拉差同魚露就係越南粉嘅精髓，而呢度全部都齊備。嚟到當然要叫個火車牛魔粉，除咗有生牛肉，仲有牛腩同牛柏葉，可惜就獨欠牛丸。湯底睇落清澈但飲落味濃，配合九層塔同是拉差，絕對有水準。另外仲叫咗蕃茄牛坑腩配法包。蕃茄汁味道濃郁，牛腩呈半肥瘦，而且份量相當多。蒜蓉包上面有粒粒蒜蓉，夠晒香口。越南啤酒飲得多，但原來配合鹹檸又幾過癮。牛油果奶昔夠香滑，而且又唔太甜，非常好味。

我哋嘅死佬飯局晌疫情之下，兩年幾無搞過，適逢其中一位死佬就快生日，就草草哋3丁友搞咗個死佬小飯局慶祝吓，兼講吓近況。搵餐廳由小弟負責，方便大家就揀咗銅鑼灣區，而年幾前試過「Fuhn」，覺得幾好，而老友都喜歡食越南嘢，小飯局就決定晌度食。時隔一年，環境就無咩轉變，裝修依舊簡潔明淨，以四人枱為主，部份間起大型膠板成為兩張二人枱，是夜眼見都幾多人幫襯，可見「Fuhn」嘅出品都有一定質素。而我哋一行3人，被安排坐晌最尾一角，自成一角，當然最好，你知啦，麻甩佬有時講嘢越講越大聲，嘈到人哋就無咁好啦！枱旁放咗幾款食越南菜嘅基本調味醬料，如自家製魚露、是拉差辣椒醬及醬油。餐牌就好似唔同咗，變得簡單咗，翻一轉餐牌，款式依然咁多，以種類分，就分為湯粉、撈粉、飯品、特色菜、米紙卷、拼盤、法包、沙律、小食、甜點、兒童餐。飲品方面，同樣喺選擇多多，咖啡、椰青、沙冰、奶昔、梳打、特色花茶、啤酒……等等。冰磚鮮奶咖啡 $48平常食鮮奶咖啡喺飲熱嘅多，因為睇到靚嘅拉花就特別賞心悅目，不過，今次見佢哋有款「冰磚」就轉試吓凍嘅鮮奶咖啡。送到嚟嘅咖啡有4大粒咖啡冰磚，慢慢溶，所以，基本上喺越飲越香濃。但個人意見，一起手嘅

今日早上去咗銅鑼灣睇戲，睇完戲去咗一間越南餐廳「Fûhn」食Lunch，我哋叫咗：1️⃣ 二人小食拼盤 $128(雞翼2隻、蝦餅2件、春卷2件、扎肉4片)2️⃣ 火車牛魔粉 $128(安格斯牛、牛坑腩、手打牛丸、牛筋片、牛腩邊、牛柏葉)3️⃣ 香茅豬扒撈檬 $784️⃣ 牛油果奶昔 $49整體來說：價格比起其它越南餐廳略為貴少少，可能一分錢一分貨，味道都算唔錯價格💰：$421 ($128 + $128 + $78 + $49 + 加一服務費$38.3)味道😋：OK

是日父親大人生日，我特登book左銅鑼灣最愛既fuhn食晚飯，對上一次食已經係半年前，見佢轉左menu多左好多以前冇既菜同野飲幾有驚喜！主菜湯粉甜品等都保持一貫水準^_^首先牛油果奶昔，奶味香濃，絕對係每次必點！ 而隨意點既小食-燒和牛牛丸比想象中更好食，味道同一般牛丸唔同，平時和牛有食過，和牛丸真係第一次；見到menu有新加既三層芝士安格斯pho，身為芝士控當然要試下，不過屋企人唔係特別好芝士擔心食多兩啖會膩，但又唔會wor，反而個pho因為加左芝士口感更豐富，而用上安格斯牛當然比一般生牛肉更有保證 ；另外越式金邊粉同泰式略有不同但同樣有水準，唔會話太油 signature 椰子雪糕配上曲奇碎，非常清新兼具椰子香氣；而mango coconut ice cream 芒果酸酸甜甜配上爽口椰果就唔太膩 

去開銅鑼灣來這間食都唔錯，餐廳最近裝修翻新左新潮左，餐牌多左好多新野食。撈檬依然河粉大大碗抵食經濟，拎位時見幾full下，好彩唔駛等～平時食開河粉，今次轉下主攻小食。鮮蝦米紙卷 $78米紙煙韌透薄，包住米粉、蝦、蘿蔔、生菜味道清淡，蘸下惹味秘製花生醬汁先係靈魂所在。越式雞絲沙律配牛油芥辣汁 $75大量沙律菜、酸蘿蔔、甘荀絲，相當健康，加上軟淋淋的雞胸肉，撈埋牛油芥辣汁開胃又好味。特上小食拼盤 $188有六款小食各兩件，大堆頭望見開心。越式炸牛油雞翼雞皮脆口肉嫩，啖啖牛油蒜香味。手打蝦餅炸得金黃，咬落唔粉爽口彈牙，原粒蝦肉誠意可嘉。春卷蘸檬汁酥脆好味。炸扎肉似魚蛋口感彈牙外皮脆幾特別。扎肉串慢慢細味更加滋味。椒軟殼蟹炸得香脆，蘸下酸味沙律醬無咁膩。牛油果奶昔 $49大大杯凍飲無溝冰好襟飲，味道甜美可口，偏重奶味滑滑口感，淡淡牛油果香甜而不膩，仲飲到果肉，最尾一啖飲到薄荷香葉味好正～

同男朋友又想食越南啊泰國個類菜 所以經朋友介紹後黎左呢間食🥰美國安格斯生牛肉粉 $75牛骨湯非常濃 又唔會咸 幾好飲～ 牛肉份量都唔算小 而且牛肉既質感都好嫰滑易咬☺️香茅豬扒粉湯金邊粉 $75呢個係豬骨湯 覺得淡翻小小會更好 豬扒份量都ok 唔算好柴～特上小食拼盤 $188見有咁多款 我地就叫左黎食😍 食到超飽🤣 佢既一串串腸仔 我最中意食🤣蝦餅都唔錯 好足料！牛油果奶昔 $48牛油果味唔算濃 好易入口 如果唔中意食牛油果既朋友都可以試下 但我就中意食牛油果 所以想佢再濃啲就更好😚😚

吃得多西餐，今晚想轉轉口味試越南菜！「Fûhn」位於駱克道The L.Square一樓，鮮橙色招牌大大塊好易認！一出升降機，一樓整層就是「Fûhn」。餐廳裝潢新派，環境舒適，至啱三五知己gathering！疫境期間，餐廳提供搓手液和口罩袋，保持公眾衛生，十分體貼！我倆二人行，各自點了湯粉和越南小食！特別牛湯粉（$108）侍應一放上枱，即被那如臉盆般大的巨碗嚇倒！巨碗裡牛肉多過湯粉，而且款式勁豐富，生熟牛肉、牛坑腩片、牛腩邊、牛筋片、牛柏葉和手打牛丸樣樣有，牛肉還要是美國安格斯優質牛呢！豬頸肉米紙卷（$68）越南菜必吃的米紙卷，喜歡其清淡感覺，加一小片豬頸肉，味道零啥搶！手打芝士炸蝦波（$58）炸蝦波是普通炸物，但加了手打芝士就立即升華了！溫馨提示：蝦波金黃香脆，即叫即炸，吃時小心拉絲芝士辣口！牛油果奶昔（$49）牛油果沙律吃得多，飲的話倒是第一次，感覺特別新鮮！牛油果果味濃郁，奶香滑溜，飲半杯已有飽肚感！青檸梳打（$28）吃過炸物再飲梳打，正！不過略嫌青檸味不足，似一杯普通七喜！最後埋單，每人$230.5，非常滋味豐富！

晚餐時間係銅鑼灣食黎食去都好似係連鎖店或者係打邊爐想搵d經濟實惠d同埋人少少都可以多選擇的餐廳上網睇就發現到呢間餐廳係越南菜😍而且未食過 地點都方便一於去試試😉餐廳面積唔大一出𨋢已經係餐檯🤨星期六晚餐時間都有8成入座率我們2個人叫左4樣野特別牛湯粉L size $108🐮L size真係幾大碗 份量十足 而且湯味濃郁 除左牛肉仲有牛的肥膏所以特別香😋雞絲撈檬 $69🍜以為會好雞絲乾身可能加左少少蔥油 所以比較滑同埋份量都多二人小食拼盤 $98有蝦餅春卷雞翼🦐蝦餅同春卷都好食 香脆相比之下雞翼會較失色牛油果奶昔 $49🥑多數餐廳的牛油果味都好淡剩係會食到雲呢拿雪糕味但呢杯有驚喜的牛油果奶昔👍有牛油果味 奶昔又冇雪糕味而且唔會好甜好漏正🤤原來Fuhn仲有幾間分店下次去唔同區都可以食啦 😋

為甚麼標題是這樣？因為今晚跟友人只叫了一碗粉和兩份小食就飽翻了，還不是豐盛麼~~餐廳佔地一整層，一開電梯門就到了。餐牌上最搶目光的必定是這個順化米粉，每日限定的呢！我們有順利點到。那麼大碗，加多兩款小食和飲品就夠兩名女生了啦~有點選擇困難，就直接點個二人份小食拼盤，有越式炸雞翼，春卷和手打蝦餅，一次過滿足三個願望。香脆的雞翼外脆內嫩，點醬汁吃夠惹味。蝦餅厚厚的，帶甜味之餘最重要是爽口彈牙。春卷炸的相當酥脆卻不會很油膩，餡料清爽，口感很好。吃越南菜怎少得米紙卷呢！米皮薄又煙靭，塞了滿滿的清新蔬菜和米粉，到中心就是香口脆身的軟殼蟹，口感味道都豐富。每日限定20碗的順化米粉讓我們吃到了！它比其他粉類更大碗，兩個女生分著吃就最適合。吃之前先加配菜和秘製醬汁，湯的味道會更濃郁，有牛油看也有齊有齊鹹、辣和甜的多重味道，相當刺激。順化米粉的質感就如米線，很滑溜。配菜有腱、豬手和扎肉等，都煮很很軟又入味，就是這些肉類讓湯有甜味。飲品方面，我在好奇下試了牛油果奶昔，沒想像中的豐厚，不過這樣還好，無論味道和質感都適中，不會過濃厚過膩呢。友人點的白桃梳打應是女生最愛，甜甜蜜蜜的味道最適合女生的了！這樣吃，能

天氣漸熱 有時都想食粉麵及酸酸地既開胃菜曾經聽朋友提及 銅鑼灣有間越南餐廳越式粉麵出色 小食炸物亦出眾事不宜遲今日試左幾樣野 越式牛肉湯粉 有size可選 今日叫左L size 2人share亦可 大胃王一人進食亦會大飽足 裡面有牛丸 牛腩邊 生牛肉牛柏葉 牛筋片 牛坑腩片生牛肉 牛味濃 薄薄的一片 肉質滑嫰牛腩邊 厚厚牛肉 帶著薄薄肥美 吾會膩 亦吾會太硬手帶牛丸 彈牙爽口 與平日凍肉店有明題分別 正因為牛既份量十分多 湯亦帶有濃濃牛味湯本身清而冇油 沒有過多既油份加入蔥花 少量辣椒 再把牛肉粉提一提味湯粉吸收左牛味 麵比較幼身 與湯一口放入口咪道上佳小食拉盤 有蝦餅 春卷 雞翼先講春卷 炸物十分新鮮 相信10分鐘內炸起裡面夾有蘿蔔絲 肉等第一層係炸皮既脆 裡面係蘿蔔既爽脆 而調味亦剛好不會太咸太淡第2樣想講既係蝦餅與泰式蝦餅吾一樣 佢比泰式更爽更彈牙裡面內藏蝦肉粒十分陣牙 充滿蝦味豬頸肉撈檬份量亦吾少除蔥花同豬頸肉 有少量蘿蔔絲同青瓜絲酸酸地更開胃加入酸汁 準備撈埋啦佢既豬頸肉 有d特別吾係燒汁豬頸肉 豬頸肉脆仆仆帶有d燶邊 但吾係燒到乾 裡面仍保持軟身最後配上牛油果奶昔及波蘿

fuhn是一家越式餐廳，喺鵝頸橋隔離，交通方便。店內用色繽紛，空間寬敞，感覺休閒舒適。餐牌就是簡簡單單。餐牌有詳細介紹湯河的份量，還有各種香草的特性，如有需要可向店員索取。青檸七喜 $28又甜又酸，冰涼透心！牛油果奶昔 $48牛油果的甜和奶味取得了很好的平衡，又香又甜，入口超級順滑！小食拼盤 $98春卷十分鬆脆可口！手打蝦餅爽口彈牙！而最正嘅就係越式牛油雞翼，牛油香口，外皮和炸蒜超級香脆惹味，而雞肉仍嫩滑有汁，正！香茅雞扒扎肉撈檬 $78雞扒炸得恰到好處，扎肉爽口，最重要嘅當然係撈檬嘅酸汁，又酸又開胃。燒豬頸肉飯 $68豬頸肉以先炸後燒的方法處理，豬油香口不膩，仲特別脆口！加點特製的甜豉油，更具畫龍點睛之效。