東京街日本料理 (西洋菜南街)

營業中

休息中

我好鐘意食刺生魚生之類嘅，上網睇到呢間餐廳嘅刺生好正咁所以叫咗同我一樣都係鐘意食日本野嘅朋友去試吓😋。我哋叫左一個牛油果🥑沙拉，好清爽，牛油果生熟啱啱好👍🏻，然後叫左2隻澳洲生蠔🦪，哇！肥美多汁，又唔腥，配埋餐廳自家製的海鮮蕃茄辣醬我仲飲埋佢啲汁呀！😍除此之外，我哋都叫咗一個東京首座，飯團上面有玻璃蝦、海膽、帶子、三文魚子，好有層次，咬落好有口感。😋最後叫咗一個大盛丼，老闆好大方！飯上面嘅刺生真係暴多又厚切，就黎滿寫，又好多款！有海膽、三文魚腩、拖羅、蔥花拖羅魚容、帶子、蟹肉、蟹膏、活赤背、油甘魚、牡丹蝦、鮑魚，每件魚生都好肥美又鮮甜。😍😍今餐真係好滿足呀！！！下次一定要再黎過！！😍😋

天氣超熱完全唔想食熱嘢，決定食日本嘢降一降溫。咁啱去開旺角附近就決定去東京街食個午餐。先叫咗個火炙壽司拼盤，一共十二件，擺盤超用心絕對係打卡able ! 每一款都幾唔錯而我自己最鍾意係佢嘅牛油凡立貝，牛油剛好融化，保留到帶子爽彈口感。另外佢火炙三文魚超大件，大到連舊飯都夾唔到阿，熟度烤得剛剛好唔會太乾，身為三文魚怪嘅我表示滿足。火炙牛肉都幾推薦，厚肉燒得剛好唔會韌又食得到牛香整體嚟講十二件壽司都係好味嘅！仲有份炸蟹鉗，炸到熱辣辣咁上枱加埋泰式雞醬絕對係熱氣邪惡之選。另外仲試咗個牛油果沙律去一去油膩，點知咁鬼大份，蔬菜都清爽新鮮，表面仲鋪滿牛油果，咁大份如果有人同我share 就好啦！店員都係抱住同一信念嘅年青人，就算過咗繁忙時間都不乏當食同外賣嘅客人，希望佢地越嚟越好生意。