影片
更多
2012-11-02
66 瀏覽
尋日(1-11-2012 Thur)放工後同女友人WK行街買o野,買完o野都9:00pm左右,我諗唔到食咩o野,WK提議呢間被我black list o左好耐o既和民,不過佢話唔錯就畀次機會啦.我o地等o左一陣至有枱,睇o左耐至揀到:3. $23.00o既炸鱆魚餅賣相OK,味道方面, 鱆魚味唔濃,口感適中,亦唔炸得過火.味道:5. $43.00o既牛油焗帶子原本我o地要$36.00o既黑椒糖脆雞翼,不過賣晒,就轉叫呢個.呢個o黎到,得7粒帶子,牛油味唔夠濃,一般.2. $19.00一個o既蟹肉忌廉炸薯餅,要兩個o黎到,呢個伴以椰菜絲同生菜,加少少麻醬,係真係少少,一茶匙都唔知有冇.我先用筷子夾開睇睇,內裡幾流心,白雪雪o既,見唔到蟹肉,食落,熱騰騰同覺得係一pat pat忌廉,食到最後都食唔到蟹肉同薯仔,而椰菜絲同生菜都唔係太新鮮,忌廉餅o既忌廉混埋啲菜食就好食,不過太少麻醬同埋….我o地究竟係食蟹肉忌廉炸薯餅定炸忌廉餅?????而呢次令我諗起之前o係旺角北海道活壽司食過o既差唔多,o個次食評:http://www.openrice.com/restaurant/commentdeta
我o地等o左一陣至有枱,睇o左耐至揀到:
3. $23.00o既炸鱆魚餅
賣相OK,味道方面, 鱆魚味唔濃,口感適中,亦唔炸得過火.味道:
5. $43.00o既牛油焗帶子
原本我o地要$36.00o既黑椒糖脆雞翼,不過賣晒,就轉叫呢個.呢個o黎到,得7粒帶子,牛油味唔夠濃,一般.
2. $19.00一個o既蟹肉忌廉炸薯餅,要兩個
o黎到,呢個伴以椰菜絲同生菜,加少少麻醬,係真係少少,一茶匙都唔知有冇.
我先用筷子夾開睇睇,內裡幾流心,白雪雪o既,見唔到蟹肉,
食落,熱騰騰同覺得係一pat pat忌廉,食到最後都食唔到蟹肉同薯仔,而椰菜絲同生菜都唔係太新鮮,忌廉餅o既忌廉混埋啲菜食就好食,不過太少麻醬同埋….我o地究竟係食蟹肉忌廉炸薯餅定炸忌廉餅?????而呢次令我諗起之前o係旺角北海道活壽司食過o既差唔多,o個次食評:
http://www.openrice.com/restaurant/commentdetail.htm?commentid=2090521
*menu內寫$19.00一個,$38.00兩個.其實兩個冇平到,點解要咁寫?驚人唔識計?
1. $63.00o既特濃蕃茄火鍋
WK之前食過,佢讚唔錯,亦都係話o黎呢o度食o既原因.
o黎到,個鍋唔大個,裡面有一小撮金菇,兩隻蝦,兩隻蜆,四片肥牛,豆腐,西蘭花同墊底o既菜.
呢個蕃茄味係濃,食材都OK,冇乜問題同冇乜特別,以$63.00o黎講,份量少o左啲.見到呢個,我終於明白WK點解成日話要叫飯或拉麵.
4. $36.00o既鐵板燒一口餃子
點解個賣相咁得人驚o既????有層唔知係膜定咩o野o係上面,WK開玩笑話拎出o黎時跌o左落地,就咁倒轉執返.
睇返menu,原來真係本身有層o野蓋住一口餃子,不過呢個就肉酸o左,咁我放心先食,o個層膜好似一張紙,而餃子內裡係豬肉,味道似中國風,不過冇畀醋我o地蘸,味道係唔多夠,所以我要蘸蕃茄湯食.6. $26.00追加o既烏冬
睇上面所有食物o既份量就知食到我o地又唔飽又唔餓半天吊,所以WK決定要加.呢o度o既烏冬冇乜特別,而加返o既蕃茄湯呢,少之又少.
最後,蕃茄湯味道都有啲酸.環境:
好闊落,二人枱比其他食肆o既大,通道又闊.
服務:
個個都係後生仔女,都幾好禮貌.
但好奇怪,WK有兩袋o野,佢就問男侍應攞張凳擺o野,點知佢攞張木圓凳而唔係有背凳,咁擺啲o野好易跌o架喎,時間都唔早,唔會再有客人o黎,而且好多四人枱有有椅背o既凳都冇人坐,點解佢唔畀呢啲凳我o地?
每張枱都設有一個call侍應o既掣,但我o地每次按都要等幾耐至人回應.
當我以為所有o野都o黎齊時侯,至發現原來鐵板燒一口餃子未o黎,於是叫人,女侍應查o左話要等多陣.之後o黎到o既唔係鐵板燒一口餃子而係湯餃子,呢樣係廚房攪錯.
而我o地食埋鐵板燒一口餃子後,決定畀$26.00追加一個烏冬,落o左單又等幾耐吓都冇,唔係又漏單呀?咁簡單一個冇煮熟o既烏冬都要等咁耐?
衛生:
人手少到不得了,有幾張枱走o左,好耐都冇人執o野,甚至之後佢o地索性推架載有污糟餐具o既車出o黎擺o係o度,對我o地未食完o野o既客人有啲惡心.
其他:
開頭我講我o地坐低後睇o左好耐menu至揀到o野食,係因為佢o地o既menu花呢花绿之餘,好多o野都係重覆,誤導WK以為多o左好多種o野.
而當中加o左好多外國菜,就好似我o地有食到o既特濃蕃茄火鍋,重有炸薯條,黑椒糖脆雞翼同泡菜飯咁,已經唔係純日本餐廳.
張貼
