居食屋「和民」 (已結業)

今日放工來到葵芳新都會廣場揾野食，無想過平日都係間間餐廳都要等位，最後我揀左算唔洗等咁耐的和民（雖然都要等30分鐘…）一入到餐廳感覺餐廳好闊落，位與位之間有好多空間，講野大聲d都唔怕有人聽到，我同朋友被安排到一個卡位，唔洗同人逼，好滿意。呢度提供到各式各樣的日本食物，望到餐牌已經流曬口水，但係價錢就有d偏貴，平均要100蚊一個菜，最後我地分別叫左牛肉鍋燒烏冬同埋豪快原隻雞腿男前䐁骨拉面，因為賣相真係好吸引。首先講下個拉面，拉面的質感好特別，而且每一條拉面都吸收左湯，食落口好香好豐富，真係淨食拉面都好滿足，之後當然少不了重頭戲雞腿，呢隻雞腿多肉多汁，無偷工喊料，同湯的配合都好好，可惜湯有點咸，將雞腿原有的雞香覆蓋左，至於其他配料例如蛋同菜都中規中舉。整體來說我係好滿意呢個拉面，豐富的香味同多肉的雞腿都令我好滿足，只係湯有點咸。至於牛肉鍋，我個人覺得性價比唔太高，味道同連鎖牛肉店的火鍋差別不太大，但係溏心蛋好食，牛肉都唔差，拉面的質感幾好，但如圖份量唔多，料都唔多，所以我並唔推薦來呢度食呢個火鍋。

好耐無食過呢間日本野，以前多數去尖沙咀嗰間食，價錢適中，食物質素都唔差。今日行開呢邊，撞啱紅日，午餐到到都排長龍，見到呢間唔數多人排，就入去。呢間分店都算多位，一如以往啲枱都好大，唔會同隔離枱好迫。滑蛋豬柳盒子飯熱辣辣豬扒飯，豬扒都算厚，入口都鬆軟，炸粉都係邊位兩塊厚左啲啲，其餘都ok。蛋好滑好香，仲有洋蔥。不過睇落去大盒，其實個盒係淺啲，但都夠食。原隻蒜味雞腿燒呢餐都好食呢個，首先佢去左骨，食落好方便。所有調味料都浸透哂雞肉，雞皮中。雞皮炸得香脆可口。連啲菜，加埋啲汁都好好食。和風煙肉香菇pizza味道都算ok ,普通pizza咁，但好可惜，成個pizza 好濕，都唔知食緊咩落口。

小妹究竟有多久沒有去過「和民」？記得讀書時期，放午飯都會到附近的和民吃學生餐但...學校附近的和民已經倒閉了很多很多年了今日剛好走過葵芳，就去和民看看會否跟以前一樣～哈～價錢....貴太多了不能像以前一般常吃二人餐最便宜由$358起套餐包的都很多，其實兩個人吃都有點太多野菜沙律、薄切鮭魚、前菜、自選一品料理、自選食事、自選鍋物及飲品$358小妹選了泡菜石頭鍋飯、芝士大阪燒和豚肉擔擔鍋～不知道是不是因爲晚上九點半才到，點餐已經很晚，所以廚房速度加快了，很快就上菜，不用等很久擔擔鍋的豚肉有點少石頭飯很棒，但小妹加入了擔擔鍋的湯做湯飯，發現更加搭配和惹味這跟一般的大阪燒有點不同，除了外型之外，這款是把饀料都夾在裡面有濃濃的芝士拉絲也有雞蛋黃很香餐飲更是可以選擇普通飲品、梅酒、梅酒梳打或日本啤酒，雖然小妹不喝酒，但點了一杯給男朋友很飽的一餐

葵芳分店一定要選好時間去吃,不然差一點點時間就要等很久,特別晚餐時段,最好5點左右.一般不用等位.我們4人同行,卡位的私隱度很高,一般看不到隔壁桌.😄,員工態度不錯,有問必答.👍一人一鍋的分量,所以我們外加了牛肉.這樣4人才夠分吃,湯底是小辣,食材如圖清晰可見.底部全是菜了.題外話:那天牙腫,吃的好辛苦!一直辣到傷口........串燒讓我有點失望,和東涌的和民相比,好幹唔夠多汁,味道也很普通.板燒就很夠醬,味道也不錯.天婦羅拼盤,有蝦.菜,魚,南瓜,全部都波波脆,好好吃,特別是魚.沒吃前還以為是番薯^*^豚肉飯,肉又爽口,有多汁,贊👍必點

平日嘅葵芳都係好多人 特別係晚飯時間 我哋六點幾襯仲未洗排隊 就即刻入和民食個晚餐😁-🍹芒果乳酪沙冰我哋嗌咗一杯share飮 飲落不過不失 唔會死甜 $38係和民來講算係差唔多🤙🏻但係我嘅心就一直諗喺葵涌廣場買杯$12芒果益力多 好似仲正😂🙈-👅牛肉反卷牛肉食落幾香 中間就有青瓜蟹柳等等-👅三文魚牛油果反卷我自己本身幾鍾意食三文魚同牛油果 我覺得兩個夾得好好味 中間亦都係蟹柳同青瓜-👅南瓜番薯天婦羅 炸漿幾薄 但份量略嫌比較少 番薯係條狀 比南瓜遮住 一啖就食得晒 -👅沙律我唔記得咗叫做咩沙律😂但係嗰度得三款 呢一款嘅沙律醬好好味🤤又係略嫌份量比較細-🤤燒鯖魚鯖魚燒得好香好好味 點埋檸檬汁更加惹味 本身得¼個檸檬 唔夠點 問侍應 佢哋都好好咁比多半個-👅牛肉鍋烏冬最後我哋仲嗌左個烏冬 佢係鍋上 個湯底真係幾鹹 如果唔係咁鹹 會好味好多-🐷: 轉左新Menu 食物種類方面 感覺上好似冇咁多 但係質素都還可以👍🏻

和民店內環境清幽，枱與枱之間非常濶落，私人空間十足，絶對係一個靜靜哋坐底傾計的好地方。和民的炸物不錯，芥末風味脆炸薯條，香炸北海道產水牛芝士，天婦羅盛合，炸雞軟骨及和民自慢芝士炸雞都炸得鬆脆可口，不同的炸物配上不同的醬汁令每道菜都有獨特性。廣島風鐵板炒麵美味，鐵板送上的時候木魚絲因受熱而作出的擺動及傳來的香味，簡直係色香味俱全。魷魚燒Juicy。和民自慢鐵板餃子也不錯。最後叫了一個牛肉壽喜燒加配鳥冬及一個香辣豚肉泡菜鍋，湯底美味，香噴噴，但略嫌肉類份量比較少。

某日 , 又到 葵芳 - 新都會廣場 逛街 , 想起很久沒有到 居食屋 " 和民 " Watami Japanese Casual Restaurant 吃一餐 , 於是就走去幫襯 ~Menu ~自家製厚燒玉子 $ 48 : 一客有四件 , 絕對是即叫即製 , 玉子燒得軟嫰 , 蛋香滿溢 , 雖然未算有驚喜但都是美味 ~ 和民自慢鐵板餃子 $ 43 : 一客有八件 , 餃子皮薄餡靚 , 略嫌邊位未夠脆身 , 味道平平 , 水準一般 ~ 鯖魚燒 $ 78 : 開邊的鯖魚 , 燒得火喉獨到 , 調味得宜 , 魚的肉質不算嫩也未至於嚡口 , 和風味濃 ,還不錯吃的 ~本篇完 ~

這天不太想到吃什麼時來了這裡，都有一段時間沒來了。還記得當初開業時，首間店子開在堪富利士道的樓上店，喜歡她的份量不多，就算二人前來，也可多點幾款來吃的。鯖魚燒御膳 Roasted Mackerel Set甫端來有點失望，魚的尾部焦黑成這樣，魚肉太乾而且過熟頗嚡口，為何現時的水準會如此低下呢？😅希望只是個別款式的問題吧！

話說又到星期五，出街食飯最驚等位，還好今天比較早，連平日勁長龍既和民都岩岩開始熱鬧，趁咁著數不用等位，我地好開心入左去坐卡位。和風比薩：食和民咁多年幾乎次次必點，呢個用照燒雞，芝士，紫菜做的薄餅，香脆可口大阪燒：用錢鍋端上來的大阪燒不是很熱辣，應該整好左一陣先放入鐵鍋，如果新鮮滾熱辣會更好一d,淋左美乃茲在面，再灑上一d紫菜，更可口。海鮮鍋石頭飯，顯然呢個飯很失望，今次第一次試呢道菜，很普通，系白飯底，問左侍應拎左甜豉油，先食到。ok既，未至於太差

當晚大約 8點入座 兩位！入到去客人唔多大約七八成入坐啦！入座後有水壺放枱面，但就冇水杯，通知 waiter 兩個杯，點知就去到點菜先到！前後都有十分鐘架！先叫和民沙律，玉子燒，熱呼呼炒烏冬，同埋新推介蠔火鍋！上菜 ，當然係食左先講啦！嘩！啲筷子好似剛洗完就拎岀黎用，濕到一個點丫！算！自己抹和民沙律都可以，但入面有棵菜，原棵上囉！玉子燒係凍版黎嘅！最勁係隻蠔真係仲結冰架！點先，食佢原汁原味下嗎？個熱呼呼炒烏冬，改名吧！是晚結論我覺得係人手問題，唔夠人做嘢就乜都差！完！

葵芳的禮拜六晚上，人流多到爆！揀左和民食，三個人，可以坐卡位！好鬆動先叫左個海鮮鍋！有三隻廣島蠔、元貝、蟹柳...再加$28配烏冬+蛋。蠔就係幾鮮甜再叫一個元貝海鮮石頭飯。睇到外貌，顏色豐富，熱辣辣。一上即刻撈黎食。係幾正，味道足夠，有海鮮香，個底仲有少少飯蕉！再叫左個刺身，有三文魚、元貝、金槍魚、蝦每款有三件。仲有一小碗魚子，味道及新鮮程度就一般。叫多款灸燒三文魚腩壽司，反而呢個仲好食過刺身。有四件，三文魚腩的油脂相對刺身香好多。仲叫多兩款小食，玉子燒及原條魷魚燒。玉子燒每次都必叫，熱辣辣，個蛋煮得剛剛好！魷魚就正常，冇太特別！3個人食，埋單$579之後食果陣有$200coupon,今次用埋之後，呢餐只係$379!抵食

買左七半既戲飛同女友一齊睇，諗住睇之前食個快飯，見到和民無乜人排隊就決定入去食飯喇~餐廳裡面都幾大，店員安排我地坐四人位，感覺相當闊落飯麵選擇都多，menu一定唔會影得哂，話哂趕住睇戲嘛可惜等野食等得有點耐，令到我倆餓上加餓🙈首先試下舊天婦羅蝦，炸粉落得有點多，但就相當夠熱；蕎麥麵不嬲唔係我至愛所以無試，但見女友食得津津有味，咁味道應該ok gua 由於鰻魚飯本身有點貴，所以叫左個稍為便宜既鰻魚牛肉飯食下。鰻魚無腥味既，牛肉無特別，飯既份量唔夠，食幾啖已經食完🤷🏿‍♂️Anyway呢餐既性價比唔算特別差，同埋相比餐飯，我地更在意一陣套戲好唔好睇haha

因為之前十一月來和民有coupon送，趁住今日黎葵芳影聖誕裝飾，就順便黎用咗佢啦。我地未夠七點黎到，門口已經好多人等緊位，結果足足等咗半個鐘先有位，相當誇張。兩個人叫咗一份餃子，一個鍋及一個薄餅，份量剛剛好。和民自慢鐵板餃子 :一份餃子有八隻，餃子皮煎得香脆，豬肉餡肉汁豐富，店員上菜會提供麻油及辣油，但個人覺得唔駛沾都已經好好味。風味相撲雞肉鍋 :我地兩個人叫咗個大的，但由於配飯或烏冬要另外加錢，所以感覺份量都唔係好多。上菜時鍋仍然係凍的，再係檯面用個爐慢慢煲滾，鍋除咗雞肉外，亦有鯪魚肉，豆腐，紅蘿蔔，菇等等配料，湯底係柚子胡椒湯，清得黎帶有輕微辣味，所有食物煮淋後吸收晒湯底，感覺好暖和。和風比薩 :配料有叉燒及照燒雞，再加入照燒汁去烤，入口香脆，但上菜時係全塊上，要客人自己切開，有d唔方便，如果日後餐廳可以切埋先上菜就更好了。

而家葵芳都幾難搵食， 因為好多鋪頭都排長龍所以一啲有會員制嘅餐廳可以預定就比較方便呢一日嚟到又係咁多人， 還好屋企人已經預早book位每次都會叫呢個函館名物 魷魚筒飯因為係一早已經整定嘅關係所以通常都係最快上菜嘅， 可以醫醫肚魷魚筒飯整得好飽滿， 魷魚唔會過熟太硬， 不過當中嘅糯米飯就太多，會好滯牛肉鍋燒烏冬應該冇乜邊個香港人唔鍾意打邊爐我哋都唔例外牛肉鍋入面嘅肥牛，都頗新鮮， 如果可以瘦返啲就更啱口味滑蛋雞扒鍋印像中嘅滑蛋雞扒鍋係好似牛肉喎咁即整， 但今次就係已經做好上枱雞扒嘅炸皮唔會太厚，亦都保持著脆口， 而滑蛋亦有淡淡嘅甜味朱古力芭菲呢個亦都係每次都會點嘅飯後甜品， 因為當中有好多唔同嘅口感個個都鍾意食由下至上有脆片、咖啡啫喱、雪糕、泡芙、忌廉、脆捲等等~非常滿足

今日lunch同同事去新都會搵野食，見到行到四樓有幾間，見和民已比其他幾間平少少，不過完全無人排隊，唔知係12點半太早定點，入到去環境比較暗，餐牌上的價錢都是68蚊以上一個餐，最後叫了個滑蛋豬排定食。餐到了，賣相不錯，有沙律芝麻醬，豬扒外面炸得幾香脆，肉質不鞋，不會太乾身，有肉汁流出，而底下有滑蛋，很有蛋香味。另外有餐飲，叫左杯蜂蜜生薑茶，很重料，很多薑，飲完成身發滾。食完一點都是沒有太多客，侍應很快便幫手賣單了。整體來說偏貴，但食物質素不錯